ديپلوماتتار ەو-عا مۇشە مەملەكەتتەر سانىن بىلدىرەتىن 27 كوشەت, سونىڭ ىشىندە 15 كوك شىرشا جانە 12 ەمەن اعاشىن وتىرعىزدى. ەگىلگەن اعاشتار - قازاقستان مەن ەۋرووداق اراسىنداعى دوستىق پەن «جاسىل ەكونوميكاسى» سالاسىنداعى ىنتىماقتاستىقتىڭ نىشانى بولماق.
"ەۋرووداق قازاقستاننىڭ ورنىقتى دامۋ جولىندا جاساعان باتىل قادامدارىن جوعارى باعالايدى. 2013 جىلى قازاقستان "جاسىل ەكونوميكاعا" كوشۋ بويىنشا جوسپاردى ىسكە قوستى. بۇل ەۋروپا مەن ورتالىق ازيا وڭىرىندەگى ەڭ ءورشىل جوسپارلاردىڭ ءبىرى. ءبىز ەكىجاقتى جانە ايماقتىق باعدارلامامىز ارقىلى قازاقستاننىڭ بۇل جەتىستىكتەرىنە ۇلەس قوسقانىمىزدى ماقتان تۇتامىز. قورشاعان ورتا مەن "جاسىل ەكونوميكا" سالاسىنداعى ىنتىماقتاستىق – 2020 جىلدىڭ ناۋرىز ايىندا كۇشىنە ەنگەن قازاقستان مەن ەو اراسىنداعى كەڭەيتىلگەن ارىپتeستىك پەن ىنتىماقتاستىق تۋرالى كەلىسىمنىڭ باستى باعىتتارىنىڭ ءبىرى", دەپ اتاپ ءوتتى ەو-نىڭ قازاقستانداعى ەلشىسى سۆەن-ولوۆ كارلسسون.
اتالعان شاراعا – ەو ەلشىسى سۆەن-ولوۆ كارلسcون, گەرمانيا ەلشىسى تيلو كليننەر, ەلىمىزدىڭ ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆپەن ەو-عا مۇشە قازاقستاندا تىركەلگەن 21 مۇشە مەملەكەتتىڭ ەلشىلەرى مەن جوعارى وكىلدەرى قاتىستى.
