قازاقستان پرەزيدەنتى نۇرسۇلتان نازارباەۆ ەمومالي راحمونعا ونىڭ تاجىكستان رەسپۋبليكاسىنىڭ پرەزيدەنتى قىزمەتىنە قايتا سايلانۋىنا وراي قۇتتىقتاۋ جەدەلحاتىن جولدادى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
قازاقستان پرەزيدەنتى نۇرسۇلتان نازارباەۆ ەمومالي راحمونعا ونىڭ تاجىكستان رەسپۋبليكاسىنىڭ پرەزيدەنتى قىزمەتىنە قايتا سايلانۋىنا وراي قۇتتىقتاۋ جەدەلحاتىن جولدادى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
ءوز قۇتتىقتاۋىندا قازاقستان پرەزيدەنتى سايلاۋداعى جەڭىس تاجىكستان حالقىنىڭ ە.راحمونعا جانە ونىڭ ەلدەگى تۇراقتىلىقتى ساقتاۋ, تۇرعىندار ءال-اۋقاتىن ارتتىرۋ باعىتىنا دەگەن جوعارى سەنىمىنىڭ بەلگىسى ەكەنىن اتاپ وتكەن. سونداي-اق, مەملەكەت باسشىسى تاجىكستان پرەزيدەنتىنىڭ قىزمەتى ەلدىڭ ودان ءارى وركەندەۋىنە سەپتىگىن تيگىزەتىنىنە سەنىمىن بىلدىرگەن.
«دوستىق پەن ءوزارا قۇرمەت داستۇرلەرىنە نەگىزدەلگەن قازاقستان مەن تاجىكستان اراسىنداعى كوپجوسپارلى ىنتىماقتاستىقتىڭ اياسى ءبىزدىڭ باۋىرلاس حالىقتارىمىزدىڭ يگىلىگى ءۇشىن الدا دا كەڭەيىپ, نىعايا تۇسەتىنىنە سەنەمىن», – دەلىنگەن جەدەلحاتتا.
جەدەلحات سوڭىندا نۇرسۇلتان نازارباەۆ ە.راحمونعا زور دەنساۋلىق جانە جاڭا تابىستار, سونداي-اق, دوستاس تاجىك حالقىنا بەيبىت ءومىر مەن باق-بەرەكە تىلەگەن.
