دەپۋتاتتار ازىرلەگەن وزگەرىستەر ءبىلىم بەرۋ پروتسەسىن ودان ءارى جەتىلدىرۋگە, ونىڭ ىشىندە ءبىلىم بەرۋ جەتىستىكتەرىنىڭ مونيتورينگىن جۇزەگە اسىرۋعا باعىتتالعان. وسىعان بايلانىستى ۇسىنىلعان ءبىلىم بەرۋ جەتىستىكتەرىن باقىلاۋدىڭ قازىرگى ءبىلىم جەتىستىكتەرىن سىرتتاي باعالاۋدان ايىرماشىلىعى تۋرالى ماسەلە كوتەرىلدى.
"مەنىڭشە, بۇل سۇراقتى ءالى دە قاراستىرۋ قاجەت. سەبەبى, ءبىلىم سالاسى ول - ەلدىڭ بولاشاعى. سوندىقتان, بۇل سالادا بارلىق جاڭالىقتار ءوز ۋاقىتىندا جەدەل قولعا الىنىپ وتىر. مىسالى, ەكى جىل بۇرىن عانا زاڭ بويىنشا جوعارى وقۋ ورىندارىنا اكادەميالىق جانە باسقارۋشىلىق ەركىندىك بەرىلدى. سونىمەن بىرگە, كەلەسى جىلدان باستاپ جەكە ديپلوم بەرۋ دە قولعا الىناتىن بولادى. وسىنىڭ بارلىعى, وقۋ ورىندارىنىڭ زامانعا ساي, ەركىن, اشىق جانە ساپالى جۇمىس جاساۋى ءۇشىن جاسالىپ وتىرعان قادامدار", - دەدى نۇرلان نىعماتۋلين.
سونىمەن قاتار, ءماجىلىس توراعاسى 2021 جىلدان باستاپ جوعارى وقۋ ورىندارى جەكە ۇلگىدەگى ديپلومداردى بەرە باستايتىنىن ايتىپ, زاڭ جۇزىندە جوعارى وقۋ ورىندارىنا ءبىلىم بەرۋ قىزمەتىندە تولىق دەربەستىك بەرىلگەنىنە توقتالدى.
"ەگەر سولاي بولسا, وندا ءبىلىم ساپاسى ءۇشىن جاۋاپكەرشىلىك جوعارى وقۋ ورىندارىنىڭ وزدەرىنە جۇكتەلەدى, - دەدى ن.نىعماتۋلين.
سونداي-اق, ءماجىلىس توراعاسىنىڭ پىكىرىنشە, جوو-نىڭ دەربەستىگى - بۇل ديپلومدارعا ءمور باسۋ مۇمكىندىگى دەپ ويلاماۋ كەرەك. وسى رەتتە پالاتا سپيكەرى: - ءاربىر جوو وزدەرى بەرگەن ديپلومىن باعالاي ءبىلۋى كەرەك. وسىعان بايلانىستى جوعارى وقۋ ورىندارىندا ءبىلىم بەرۋ جەتىستىكتەرىنە مونيتورينگ جۇرگىزۋ قانشالىقتى ورىندى دەگەن سۇراق تۋىندايدى؟ ونىڭ ۇستىنە, بۇل مونيتورينگ قانداي دا ءبىر جوو-نىڭ ءبىلىم بەرۋ باعدارلامالارىنىڭ ساپاسى تۋرالى ەشقانداي تۇسىنىك بەرمەيدى. تاعى ءبىر ايتا كەتەتىن جاعداي, ءبىلىم بەرۋ قىزمەتىن باقىلاۋ كەرەك. ەندى ۋنيۆەرسيتەتتەر باقىلاۋسىز قالۋى مۇمكىن دەگەن جالعان پىكىر قالىپتاسپاۋى كەرەك, - دەدى.
ءماجىلىس توراعاسى اتاپ وتكەندەي, مۇنداي باقىلاۋ بار - كاسىپكەرلىك سۋبەكتىلەرى رەتىندە بارلىق جوعارى وقۋ ورىندارىنا باقىلاۋ كاسىپكەرلىك كودەكسكە سايكەس جۇزەگە اسىرىلادى.
نۇرلان نىعماتۋليننىڭ ايتۋىنشا, ءبىلىم مينيسترلىگى باس پروكۋراتۋرانىڭ قۇقىقتىق ستاتيستيكا ورتالىعى ارقىلى نارىق سۋبەكتىسى رەتىندە كىرىپ, قاراي الادى. سونىمەن قاتار, بارلىق جوو-لار قازىر نارىق سۋبەكتىلەرى بولىپ تابىلادى جانە بىلىكتىلىك تالاپتارىنا, ءبىلىم بەرۋ ستاندارتتارىنا ساي كەلەدى. بۇل ۋاكىلەتتى ورگانعا, ياعني ءبىلىم مينيسترلىگىنە جوعارى وقۋ ورىندارىنىڭ ءبىلىم بەرۋ قىزمەتىن تەرەڭىرەك تالداۋعا جانە ولارعا ءتيىستى باعا بەرۋگە مۇمكىندىك بەرەدى. وسىعان سايكەس, ءماجىلىس توراعاسى ەكىنشى وقىلىمعا دەيىن ازىرلەۋشىلەرمەن بىرگە جۇمىس توبىنا وسى ماسەلەنى مۇقيات قاراستىرۋدى تاپسىراتىنىن ايتتى.
سونىمەن قاتار, بۇگىنگى وتىرىستا پالاتا «قازاقستان رەسپۋبليكاسىنىڭ مەملەكەتتىك شەكاراسى تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ەكىنشى وقىلىمدا ماقۇلدادى. قۇجاتتا ۇلتتىق قاۋىپسىزدىك ورگاندارىنىڭ قىزمەتكەرلەرىن اسكەري قىزمەتشىلەر ساناتىنا اۋىستىرۋ جانە ۇلتتىق قاۋىپسىزدىك كوميتەتىنىڭ جەكەلەگەن بولىمشەلەرىن ۇلتتىق قاۋىپسىزدىك كوميتەتىنىڭ اسكەري قۇرامالارىنا قايتا قۇرۋ مۇمكىندىگى كوزدەلگەن.
ۇلتتىق قاۋىپسىزدىك كوميتەتىنىڭ ۆەدومستۆوسى مارتەبەسىن بەرە وتىرىپ, اۆياتسيانى شەكارا قىزمەتىنەن شىعارۋدى كوزدەيتىن تۇزەتۋلەر ەنگىزۋ ۇسىنىلادى. سونداي-اق, ۇلتتىق قاۋىپسىزدىك ورگاندارىنىڭ وقۋ ورىندارىن ينتەگراتسيالاۋ جانە كادرلار دايارلاۋ ساپاسىن ارتتىرۋ ءۇشىن زاڭ جوباسىندا شەكارا قىزمەتى اكادەمياسىن ۇلتتىق قاۋىپسىزدىك كوميتەتىنىڭ قاراماعىنا بەرۋ قاراستىرىلعان. بۇگىنگى جالپى وتىرىستا دەپۋتاتتار قازاقستان مەن بەلارۋس اراسىنداعى كوشى-قون سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ تۋرالى زاڭ جوباسىن ماقۇلدادى. بۇل كەلىسىم تاراپتار مەملەكەتتەرىنىڭ كوشى-قون زاڭناماسى تۋرالى, ونىڭ ىشىندە كوشى-قون پروتسەستەرىن رەتتەۋ, قوس ازاماتتىق فاكتىلەرىنىڭ جولىن كەسۋ, زاڭسىز كوشى-قونعا قارسى كۇرەستى ۇيىمداستىرۋ, سونداي-اق زاڭنامانىڭ كورسەتىلگەن سالالارىنداعى وزگەرىستەر تۋرالى الماسۋدى جۇزەگە اسىرۋ ءۇشىن قولايلى جاعدايلار جاساۋدى كوزدەيدى.
سونىمەن قاتار, بۇگىن پالاتانىڭ بەيىندى كوميتەتى ەۋرازيالىق ەكونوميكالىق وداق تۋرالى شارتقا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوباسىن جۇمىسقا الدى. وتىرىس سوڭىندا ءماجىلىس دەپۋتاتتارى مەملەكەتتىك ورگاندار باسشىلارىنا دەپۋتاتتىق ساۋالدار جولدادى. ولار: ن. جۇمادىلداەۆا, ن. سابيليانوۆ, ا.پەرۋاشەۆ, ق. ەرجان, ك. ابساتيروۆ, ت. سىزدىقوۆ, ءا. بەكتۇرعانوۆ, ا. جامالوۆ, م. پىشەمباەۆ, ب. دۇيسەنبينوۆ, ش. نۋرۋموۆ, ە. نيكيتينسكايا, د. مىڭباي, ا. نۇركينا, ن. اشىمبەتوۆ.
