بىرىنشىدەن, وڭىرلەر پاندەميا كەزىنەن باستاپ 16,6 ملرد تەڭگە سوماسىنا COVID-19 بويىنشا دز قوسىمشا قاجەتتىلىگىن مالىمدەگەن. 2020 جىلعى 22 شىلدەدەن باستاپ بىرىڭعاي ديستريبيۋتور قر بويىنشا بارلىق مەديتسينالىق ۇيىمداردا (ينفەكتسيالىق جانە پروۆيزورلىق ورتالىقتار) ايلىق قوردى قالىپتاستىرۋ تۋرالى شەشىم قابىلدادى, ول دز جانە مي ساتىپ الىنعان قوسىمشا كولەم ەسەبىنەن جەدەل تولىقتىرىلادى. بۇل شارا مەديتسينالىق ۇيىمداردىڭ شۇعىل قوسىمشا قاجەتتىلىگىن جابۋعا, COVID-19 بويىنشا دارىلىك زاتتارمەن ستاتسيونارلاردى تولىقتىرۋعا, ستاتسيونارلاردا رەزەرۆتەر قۇرۋعا جول اشتى.
ەكىنشىدەن, امبۋلاتوريالىق دەڭگەيدە پرەپاراتتار تىزبەسى كەڭەيتىلدى, دز-نىڭ 5 اتاۋىن قامتيتىن COVID-19 نوزولوگياسى ەنگىزىلدى. پتر-تەست ناتيجەلەرىنە قاراماستان, CوVID-19 دياگنوزى قويىلعان, الايدا اۋرۋ جەڭىل ءوتىپ جاتقان پاتسيەنتتەر تىركەلگەن جەرى بويىنشا ءوز ەمحانالارىندا ەمدەۋشى دارىگەردىڭ تاعايىنداۋى بويىنشا ىستىقتى تومەندەتەتىن دارىلەر مەن انتيكواگۋليانتتار الا الادى. تمككك اياسىندا حالىقتى قامتاماسىز ەتۋ قر دسم بۇيرىعى شىققاننان كەيىن 2020 جىلعى تامىز ايىنىڭ ورتاسىندا باستالدى. مەديتسينالىق ۇيىمداردىڭ وتىنىمىنە سايكەس شامامەن 2 ملرد تەڭگە سوماسىنا 1 ملن-عا جۋىق ادامدى قامتۋ كوزدەلگەن. 2020 جىلعى 29 قىركۇيەكتەگى جاعداي بويىنشا 4 مىڭنان استام قازاقستاندىق 55 ملن تەڭگەگە جۋىق سوماعا تەگىن رەتسەپتتەرمەن قامتاماسىز ەتىلدى.
«ۇشىنشىدەن, ماۋسىمدىق تۇماۋعا قارسى ۆاكتسيناتسيا. بىرىڭعاي ديستريبيۋتور 2 199 990 دوزا مولشەرىندە رەسەي, پەتروۆاكس فارم ءوندىرىسىنىڭ گريپپول پليۋس ساۋدا اتاۋىمەن ۆاكتسينا ساتىپ الدى. كولەم وڭىرلەردىڭ دەنساۋلىق ساقتاۋ باسقارمالارىنا جونەلتىلدى. حالىقتى ۆاكتسيناتسيالاۋ 2020 جىلعى 15 قىركۇيەكتەن باستالدى», — دەپ مالىمدەدى ەرحات ەسقاليەۆ.
تورتىنشىدەن, COVID-19 بويىنشا دز ەكى ايلىق قورىن قالىپتاستىرۋ (تومەندەتىلمەيتىن قور). بىرىڭعاي ديستريبيۋتور ايىنا شامامەن 60 000 پاتسيەنتتى ستاتسيونارلاردا ەمدەۋ ءۇشىن 8,2 ملرد تەڭگە سوماسىنا COVID-19 بويىنشا تاپشى جانە سۇرانىسقا يە دز 44 اتاۋىن ساتىپ الۋدا. تومەندەتىلمەيتىن قوردىڭ كولەمى كۆي ەكىنشى تولقىنى ورىن الاتىن جاعدايدا قاۋىپسىزدىك «جاستىعىن» قالىپتاستىرۋ ءۇشىن قر دسم بولجامى بويىنشا وتىنىمدەردەن تىس ساتىپ الىنادى. COVID-19 بويىنشا دز ەكى ايلىق قورىنىڭ كولەمى بىرىڭعاي ديستريبيۋتوردىڭ حاب-تارىندا ساقتالادى. 2020 جىلعى 29 قىركۇيەكتەگى جاعداي بويىنشا 6 ملرد تەڭگەدەن استام سوماعا دز-نىڭ 37 اتاۋى ساتىپ الىندى. وسىلايشا, رەزەرۆتى قۇرۋ 2020 جىلعى 28 تامىز بەن 15 قازان ارالىعىندا جوسپارلانعان. بەسىنشىدەن, بولشەك ساۋدا جەلىسىنە ارالاسۋ ءۇشىن مەديتسينالىق ءۇش قاباتتى ماسكالار ساتىپ الۋ.
«2020 جىلعى 18 قىركۇيەكتە 8 جەتكىزۋشىدەن 10 ملن مەديتسينالىق ماسكا ساتىپ الىندى, ساتىپ الۋعا جوسىقسىز قاتىسۋشىلاردىڭ تىزىلىمىندە بولۋىنا بايلانىستى 1 جەتكىزۋشى قابىلدانبادى. بارلىق جەتكىزۋشىلەرگە 30% اۆانس تولەندى. جاقىن ارادا “سق-فارماتسيا” جشس حابتارىنا 2020 جىلعى 10 قازانعا دەيىن جەتكىزۋ كەستەگە سايكەس جۇزەگە اسىرىلادى», — دەپ اتاپ ءوتتى «سق-فارماتسيا» جشس باسقارما توراعاسى.
التىنشى, بولشەك ساۋدا جەلىسىنە ارالاسۋ ءۇشىن ءدارى-دارمەكتەردى ساتىپ الۋ. №468 قاۋلىعا سايكەس «سق-فارماتسيا» جشس-نە كەيىننەن بولشەك ساۋدا جەلىسىندە ساتۋ ءۇشىن دز-نى كوتەرمە ساتىپ الۋ بويىنشا وكىلەتتىكتەر بەرىلگەن. 2020 جىلعى 14 قىركۇيەكتە كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆاك وبلىستاردىڭ, نۇر-سۇلتان, الماتى جانە شىمكەنت قالالارىنىڭ اكىمدەرىنە بيىلعى 15 قىركۇيەككە دەيىن بەلگىلەنگەن تارتىپپەن بولشەك ساۋدادا وتكىزۋ ءۇشىن ساتىپ الىناتىن دارىلىك زاتتارعا «سق-فارماتسيا» جشس-نە ءوتىنىم بەرۋ تاپسىرىلدى. وڭىرلەر بفاق پورتالىندا 3,1 ملرد تەڭگە سوماسىنا وتىنىمدەر بەردى. بۇگىنگى تاڭدا بارلىق دايىندىق جۇمىستارى اياقتالدى. ساتىپ الۋ راسىمدەرى باستالدى. قور 15.10.2020 ج. دەيىن بد قويمالاردا قالىپتاستىرىلادى.
