مەديتسينالىق ماسكا شىعارۋ
وتاندىق كاسىپورىندار تاۋلىك سايىن 900 مىڭ ماسكا شىعارادى. قويمالاردا 15 ملن ماسكا بار, ونىڭ 10 ملن داناسىن «سك-فارماتسيا» جشس جەتكىزەدى. كاسىپورىندار تاۋاردى جونەلتۋگە دايىن.
مەديتسينالىق پەرچاتكا شىعارۋ
كۇن سايىن 330 مىڭ جۇپ پەرچاتكا شىعارىلادى. قويمالاردا 7 ملن استام جۇپ پەرچاتكا بار. اعىمداعى جىلدىڭ قاراشا ايىندا ءوندىرىس قۋاتى تاۋلىگىنە 530 مىڭ جۇپ پەرچكاتكاعا دەيىن ۇلعايتىلادى. قورعانىش كوستيۋمدەرىن شىعارۋ بۇگىندە 6 وتاندىق كومپانيا ايىنا 504 مىڭ قورعانىش كوستيۋمىن شىعارادى. جىل سوڭىنا دەيىن ولاردىڭ قۋاتى 1 ملن دەيىن ارتادى.
ءوجج اپپاراتتارى بويىنشا
«نۇر-سۇلتان قالاسىنىڭ مەديتسينالىق مەكەمەلەرىنە 129 ءوجج اپپاراتى جەتكىزىلدى. وندىرىستە جانە ستەندتىك سىناقتاردا 1190 ءوجج اپپاراتى بار, ولاردىڭ 181 بىرلىگى جونەلتۋگە دايىن. اعىمداعى جىلدىڭ 1 قازانىنان باستاپ الماتى جانە شىمكەنت قالالارىنا جەتكىزۋ جوسپارلانۋدا. قالعان اپپاراتتار 10 قازانعا دەيىن قازاقستاننىڭ 17 وڭىرىندەگى 297 اۋرۋحاناعا جەتكىزىلەدى», — دەدى ب. اتامقۇلوۆ.
جەدەل جاردەم كولىگى بويىنشا
قازاقستان زاۋىتتارىندا 360 جەدەل جاردەم ماشيناسى شىعارىلدى, ونىڭ 93-ءى ەل وڭىرلەرىنە - الماتى, نۇر-سۇلتان, سولتۇستىك قازاقستان, قوستاناي وبلىستارىنا جەتكىزىلدى. بۇگىننەن باستاپ قالعان 264 كولىكتى جەتكىزۋ باستالادى. جالپى, وسى باعدارلاما اياسىندا 5 قاراشاعا دەيىن 1 167 بىرلىك سانيتارلىق كولىك جەتكىزىلەدى.
جىلجىمالى مەديتسينالىق كەشەن بويىنشا
بۇگىنگى كۇنى 12 جىلجىمالى مەديتسينالىق كەشەن دايىندالدى. 1 قازاننان باستاپ وڭىرلەرگە جەتكىزۋ باستالادى. 10 بىرلىك كولەمىندەگى العاشقى پارتياسى قوستاناي قالاسىنا بارادى. جالپى, ءوندىرۋشى وسى جىلدىڭ 15 قازانىنا دەيىن بارلىق جىلجىمالى مەديتسينالىق كەشەندەردى جەتكىزۋدى قامتاماسىز ەتەدى.
53 رەنتگەن اپپاراتىن ساتىپ الۋ بويىنشا
«جەرگىلىكتى اتقارۋشى ورگاندار «اقتوبرەنتگەن» اق-مەن 49 بىرلىك رەنتگەن اپپاراتىن وندىرۋگە كەلىسىمشارت جاساستى. سونداي-اق, 2 وڭىرمەن تاعى 4 بىرلىككە كەلىسىمشارت جاساسۋ جۇمىسى جۇرگىزىلۋدە. العاشقى 20 اپپارات قازان ايىنىڭ باسىندا قوستاناي جانە اقتوبە قالالارىنا جەتكىزىلەدى. قالعان اپپاراتتاردى جەتكىزۋ اعىمداعى جىلدىڭ 30 قازانىنا دەيىن اياقتالادى», — دەدى يندۋستريا جانە ينفراقۇرىلىمدىق دامۋ ءمينيسترى.
ءدارى-دارمەكتەر بويىنشا
ەلىمىزدىڭ فارماتسەۆتيكا سالاسىندا 33 كومپانيا جىلىنا 3,9 ملرد دانا تابلەتكا مەن كاپسۋلا كولەمىندە 922 دارىلىك پرەپارات شىعارادى. پاندەميانىڭ ەكىنشى تولقىنى تۋىندايتىن بولسا, فارماتسەۆتيكا سالاسىنىڭ كاسىپورىندارى دارىلىك زاتتاردىڭ قاجەتتى كولەمىمەن قامتاماسىز ەتۋگە دايىن.
