اۋدان اكىمى حالەل جامالوۆتىڭ ايتۋىنا قاراعاندا, تۇرعىندار ەندى ءار مەكەنجايدا ورنالاسقان بولىمدەرگە شاپقىلاماي, وتىنىشتەرىن "سەرۆيستىك اكىمدىككە" بەرۋىنە مۇمكىندىك الدى. ويتكەنى, مۇندا ازاماتتارعا ىڭعايلى جاعداي جاسالدى.
"مەملەكەتتىك ورگان جۇمىسىنىڭ جاڭا مودەلى حالىققا ء"بىر تەرەزە" قاعيداتىمەن الەۋمەتتىك ماڭىزدى ماسەلەلەر بويىنشا مەملەكەتتىك قىزمەت كورسەتىپ, كەڭەس بەرۋدى كوزدەيدى. "سەرۆيستىك اكىمدىكتىڭ" ماقساتى – جەمقورلىقپەن كۇرەسىپ, كاسىبي قىزمەتتىڭ اشىقتىعىن قامتاماسىز ەتۋ, اكىمدەردىڭ جاۋاپكەرشىلىگىن كۇشەيتۋ. سونىمەن قاتار, مۇندا ء"وز-وزىنە قىزمەت كورسەتۋ" بۇرىشى مەن "اتىراۋ – ادالدىق الاڭىنىڭ" جىلىوي اۋداندىق جوبالىق كەڭسە وكىلى تۇرعىندارعا ءتيىمدى قىزمەت ۇسىنادى", دەيدى وبلىستىق سىبايلاس جەمقورلىققا قارسى ءىس-قيمىل دەپارتامەنتى باسشىسىنىڭ ءبىرىنشى ورىنباسارى ايدوس مامىت.
