باعدارلامانىڭ ماقساتى – كارانتين جانە توتەنشە جاعدايدىڭ حالىققا تيگىزەتىن كەرى اسەرىن تومەندەتۋ, قوعامدىق جانە ەرىكتىلەر ۇيىمدارىن قولداۋ, باق ارقىلى قوعامنىڭ حاباردارلىعىن ارتتىرۋ.
«قازاقستان رەسپۋبليكاسىنا 27 جىلدان استام سەنىمدى سەرىكتەس بولىپ كەلە جاتقان ءبىزدىڭ كومپانيا وسى اۋمالى-توكپەلى كەزەڭدە شەت قالماي, ەلدىڭ سىناقتان امان ءوتۋ قابىلەتىن ارتتىرا ءتۇستى. مەديتسينالىق قۇرال-جابدىقتار الۋمەن قوسا, ءبىز پاندەمياعا توتەپ بەرۋگە حالىقتىڭ الەۋەتىن ارتتىرۋعا بەت بۇردىق. ناتيجەسىندە مىڭداعان ادامعا جانە كوپتەگەن مەكەمەگە كومەك كورسەتە الدىق», دەدى «شەۆرون» كومپانياسىنىڭ وكىلى لەيلا ايتمۇحانوۆا.
كارانتيننىڭ حالىققا تيگىزەتىن نەگاتيۆتى اسەرىن ازايتۋ ازاماتتىق جانە ەرىكتىلەر ۇيىمدارىنىڭ الەۋمەتتىك جاعىنان قورعالماعان توپتارعا كورسەتىلىپ جاتقان كومەكتەرىن ۇيلەستىرۋ ارقىلى جۇزەگە اسىرىلدى. ناتيجەسىندە, ءباسپاسوز بەتتەرىندە قازاق تىلىندەگى ساپالى كونتەنتتىڭ سانى ارتتى.
بايقاۋعا 100-دەن استام ۇەۇ قاتىستى. نۇر-سۇلتان مەن الماتى قالالارىنىڭ 11 ۇەۇ QOLDA شۇعىل كومەك جوباسىنىڭ گرانت يەگەرى اتاندى.
«ەلىمىزدە تج مەن كارانتين باستالعان سوڭ ءبىزدىڭ قور بىردەن قاشىقتان جۇمىس ىستەۋ فورماتىنا كوشتى. جۇمىسىمىز ءتيىمدى ءارى ناتيجەلى بولۋى ءۇشىن تەحنيكالىق بازامىزدى جەتىلدىرۋ كەرەگىن تۇسىندىك. باعدارلامالىق جاساقتامالاردى جاڭارتىپ, نوۋتبۋكتەر ساتىپ الىندى. قاشىقتان جۇمىس ىستەۋ فورماتىندا قور ۇجىمى 8 جوبانى ءتيىمدى جۇرگىزىپ وتىردى. سونىڭ ىشىندە Qolda شۇعىل كومەك باعدارلاماسى بار. بۇل جوبا ءوزىن ءتيىمدى جوبا رەتىندە كورسەتتى. ەكىنشى كەزەڭىندە جەتىلدىرىلگەن نۇسقاسى ىسكە قوسىلادى», دەدى «ورتالىق ازيانىڭ ەۋرازيا قورى» كورپوراتيۆتىك قورىنىڭ ديرەكتورى ريناد تەمىربەكوۆ.
ۇەۇ-عا بولىنگەن 24 ملن تەڭگە الەۋمەتتىك تۇرعىدان قورعالماعان توپتار مەن ميگرانتتارعا, پاندەميا سالدارىمەن كۇرەسكە ازاماتتىق قوعامدى قاۋىپسىز تۇردە تارتۋعا, جۇمىس ورىندارىن قۇرۋعا, شاعىن جانە ورتا بيزنەسكە كونسۋلتاتسيالىق كومەك پەن قولداۋ كورسەتۋگە جانە مەديتسينا قىزمەتكەرلەرىن قولداۋعا باعىتتالعان باستامالارعا جۇمسالدى.
جوبا اياسىندا اتقارىلعان جەدەل ءارى ءموبيلدى جۇمىس ناتيجەسىندە ۇەۇ اپتا سايىن ۋاقتىلى ەسەپ بەرىپ وتىردى. سول ەسەپتىڭ نەگىزىندە newsletter-لەر دايىندالىپ, QOLDA شۇعىل كومەك باعدارلاماسىنىڭ گرانتىن ۇتقان باق-قا جىبەرىلدى. بۇل جۇمىس اپتا سايىن جۇرگىزىلىپ, باق وقىرماندارىنا ۋاقتىلى سەنىمدى اقپارات الۋ مۇمكىندىگىن بەردى. Newsletter تاراتۋ جۇيەلى تۇردە جۇرگىزىلىپ وتىردى جانە وقىرماندار مەن جازىلماندارعا دەر كەزىندە راستالعان اقپارات الىپ وتىرۋعا كەرەمەت مۇمكىندىك بەردى. گرانت يەگەرى اتانعان اقپارات قۇرالدارى STEPPE باسىلىمى, Baribar Media – مۋلتيمەديالىق كونتەنت دايىندايتىن كوپسالالى سايت, RELIANCE بەيكوممەرتسيالىق ينتەرنەت راديو, Manshuq Media ونلاين پورتالى, Hola News (حولا نيۋس) اقپاراتتىق پورتالى, Dalanews اقپاراتتىق اگەنتتىگى, «قازاقستان مم راديوسى» قوعامدىق ينتەرنەت راديوسى.
ء«بىزدىڭ الدىمىزدا تۇرعان مىندەت – كاسىپكەرلەرگە باعىت-باعدار بەرۋ, كومەكتەسۋ, كەڭەس بەرۋ. شاعىن جانە ورتا بيزنەس وكىلدەرىنە كارانتيننىڭ كەرى اسەرىن ازايتۋ ماقساتىندا مەملەكەت ىسكە قوسقان مەحانيزمدەر مەن پروتسەستەردى ءتۇسىندىرىپ وتىردىق. ءبىزدىڭ قاۋىمداستىق وتباسىلىق كاسىپپەن اينالىساتىن ادامدارمەن كوپ جۇمىس ىستەيدى. ولاردىڭ بيزنەسى بۇكىل وتباسىنى اسىراپ وتىر», دەيدى «قازاقستاننىڭ وتباسىلىق بيزنەسى اسسوتسياتسياسى» زاڭدى تۇلعالار بىرلەستىگىنىڭ باسشىسى يا.يساكوۆا.
QOLDA شۇعىل كومەك باعدارلاماسىنىڭ گرانت يەگەرلەرى اتانعان 11 ۇەۇ 23 ءساۋىر مەن 23 تامىز ارالىعىندا اۋقىمدى كومەك كورسەتتى. اتاپ ايتقاندا, «قازاقستاننىڭ وتباسىلىق بيزنەسى اسسوتسياتسياسى» زاڭدى تۇلعالار بىرلەستىگى شاعىن جانە ورتا بيزنەس سالاسىندا ىستەيتىن الماتىلىق 1 334 تۇرعىنعا كونسۋلتاتسيالىق كومەك كورسەتتى. «دوس» تاۋەلسىز ءومىر» مۇگەدەكتەر قوعامدىق بىرلەستىگى نۇر-سۇلتان قالاسىندا تۇراتىن مۇمكىندىكتەرى شەكتەۋلى ازاماتتارعا كارانتين كەزىندەگى قيىندىقتاردى جەڭۋگە كومەكتەسىپ, ازىق-ت ۇلىك قوراپتارىن جەتكىزىپ, پسيحولوگيالىق جانە كونسۋلتاتسيالىق قولداۋ كورسەتتى. «ايالا» جەكە قايىرىمدىلىق قورى نۇر-سۇلتان قالاسىنداعى كۇن كورىسى تومەن 100 وتباسىنا كومەك كورسەتتى. «مۇقتاجدارعا كومەك» قايىرىمدىلىق قورى» قوعامدىق قورى ەلورداداعى كومەككە مۇقتاج 400 وتباسىنىڭ قاجەتتىلىكتەرىن قاناعاتتاندىردى (جالعىزباستى انالار, مۇگەدەك بالالاردى تاربيەلەپ وتىرعان انالار, جالعىز تۇراتىن قارتتار). «تاۋاسار» قوعامدىق قورى الماتى وبلىسى مەن شۋ قالاسىنداعى 19 ەمحانا مەن مەديتسينا ورتالىقتارىن جەكە قورعانۋ قۇرالدارىمەن قامتاماسىز ەتتى جانە 2 300 ادامعا تۇسكى اس پەن مەديتسينا قىزمەتكەرلەرىنە 500 قورعانىس ەكرانىن ساتىپ الدى. «بولاشاققا قادام» قوعامدىق قورى نۇر-سۇلتان قالاسىندا تۇراتىن ەسىرتكى قولداناتىن ازاماتتارعا 100 ازىق-ت ۇلىك قورابى مەن اۋتريچ-قىزمەتكەرلەردىڭ بالالارىنا 10 كيىم جيناقتاماسىن جەتكىزدى, سونىمەن قاتار ەسىرتكى قولداناتىن 1 250 ادامعا كونسۋلتاتسيالىق كومەك كورسەتتى. «QAREKET جاقسىلىق جاسا» قوعامدىق قورى 600 مۇقتاج وتباسىنى قامتىدى. جوبا اياسىندا 100 ازىق-ت ۇلىك قورابى, 3 مىڭ مەديتسينالىق ماسكا, 1 مىڭ مەديتسينالىق قولعاپ جەتكىزىلدى. 100 دانا كوشەت پەن تۇقىمدار, 50 جەمىس اعاشى, 500 برويلەر بالاپاندارى سىيعا بەرىلدى. سونىمەن قاتار 100 كومەككە مۇقتاج كەلىنشەك اسپازدىق ونەرىن مەڭگەردى. كومەك العانداردىڭ بارلىعى نۇر-سۇلتان قالاسىندا تۇرادى. ال «ITeachMe» بىلىكتىلىكتى دامىتۋ ورتالىعى» قوعامدىق قورى 120 وتباسىنا كومەك كورسەتتى. مۇگەدەكتىگى بار 30 وتباسىنا 1 ماۋسىم – حالىقارالىق بالالاردى قورعاۋ كۇنىنە وراي سىيلىقتار تاراتىلدى. 250-گە جۋىق ازاماتقا پسيحولوگيالىق جانە كونسۋلتاتسيالىق كومەك كورسەتىلدى. بارلىعى الماتى قالاسىنىڭ تۇرعىندارى. «ۇلتتىق ەرىكتىلەر جەلىسى» زاڭدى تۇلعالار بىرلەستىگى نۇر-سۇلتان قالاسىندا تۇراتىن 60-تان استام مۇقتاج وتباسى مەن 7 سوعىس ارداگەرىنە ماتەريالدىق جانە كونسۋلتاتسيالىق كومەك كورسەتتى. «رودنيك» ايەلدەر مەن بالالارعا ارنالعان الەۋمەتتىك-پسيحولوگيالىق وڭالتۋ جانە بەيىمدەۋ ورتالىعى» قوعامدىق قورى 500-دەن استام وزبەكستان, قىرعىزستان جانە تاجىكستان ازاماتتارىنا گۋمانيتارلىق كومەك جەتكىزدى. الماتى قالاسىنىڭ تۇركسىب اۋداندىق «كوپبالالى وتباسىلار وداعى» قوعامدىق بىرلەستىگى 266 كوپبالالى وتباسىنا گۋمانيتارلىق كومەك جانە العاشقى قاجەتتىلىكتەگى زاتتار جەتكىزدى.
وسىلايشا, QOLDA شۇعىل كومەك باعدارلاماسى توتەنشە جاعداي مەن كارانتين كەزىندە ازاماتتىق جانە ەرىكتىلەر ۇيىمدارىنىڭ جۇمىستارىن ۇيلەستىرۋ ارقىلى مۇقتاج وتباسىلارعا, شاعىن جانە ورتا بيزنەسكە, مۇمكىندىگى شەكتەۋلى جاندارعا, ارداگەرلەرگە, مەديتسينا قىزمەتكەرلەرىنە, الەۋمەتتىك جاعىنان قورعالماعان توپتارعا جۇيەلى تۇردە كومەك كورسەتتى.
