ايماقتار • 29 قىركۇيەك، 2020

پاۆلودار وبلىسىندا شەكارادان وتكەن 11 ادامنان ىندەت انىقتالدى

29 رەت كورسەتىلدى

باس سانيتارلىق دارىگەرىنىڭ قاۋلىسىمەن  مەملەكەت شەكاراسىندا انىقتاما بولماعان جاعدايدا پتر ارقىلى تەكسەرۋ جۇرگىزىلەدى، دەپ حابارلايدى Egemen.kz رavlodarnews.kz سايتىنا سىلتەمە جاساپ.

بۇل تۋرالى وبلىستىق اكىمدىكتە وتكەن كەڭەيتىلگەن اپپارات كەڭەسىندە ءوڭىردىڭ باس سانيتارلىق دارىگەرى باتىربەك اليەۆ ءمالىم ەتتى.

"25-28 قىركۇيەك ارالىعىندا 11 ادام انىقتالدى. ونىڭ ىشىندە ەكەۋى – 14 جاسقا دەيىنگى بالالار. بارلىق تەكسەرىلگەندەردە بەلگىلەرى جوق  ءتۇرى تىركەلدى.  شەكارادان وتكەن 11 ادامنىڭ ۇشەۋى - وزگە وڭىرلەردەن. ونىڭ ىشىندە رەسەي فەدەراتسياسى، شىعىس قازاقستان جانە قاراعاندى  وبلىستارىنان بار. بارلىعى ءۇي كارانتينىنە جىبەرىلگەن. جاعدايلارى جاقسى دەپ باعالانۋدا. امبۋلاتورلىق ەم تاعايىندالىپ، بايلانىستا بولعان ادامدار تىزبەگى انىقتالدى. وشاقتاردا زالالسىزداندىرۋ جۇمىستارى جۇرگىزىلدى. باسقا   قالالاردىڭ تۇرعىندارىنا قاتىستى اقپارات ەپيدەمياعا قارسى شارالار جۇرگىزۋ ماقساتىندا  سول وڭىرلەرگە جىبەرىلدى"، دەدى باتىربەك اليەۆ.


باس سانيتارلىق دارىگەردىڭ ايتۋىنشا، بۇگىنگى تاڭدا وبلىستا راستالعان 3917 كوروناۆيرۋس ينفەكتسياسى تىركەلگەن. ونىڭ ىشىندە بەلگىلەرى بار - 2741، بەلگىلەرى جوق - 1176. وتكەن تاۋلىكتە التى جاعداي تىركەلدى.  تاۋلىكتىك ءوسىم كورسەتكىشى  0،2  پايىزدى قۇرادى.  جەتى كۇننىڭ ىشىندە ورتاشا ەسەپپەن كۇن سايىنعى ءوسىم – 0،6 پايىز. 17 قىركۇيەك – 20 قىركۇيەك ارالىعىندا 2،5 پايىزدان  0،3 پايىزعا دەيىن تومەندەگەن. الايدا سوڭعى اپتادا، ياعني 22-27 قىركۇيەك ارالىعىندا 0،6 پايىزعا وسكەنى بايقالادى. 

سونىمەن قاتار 1040 ۆيرۋستى پنەۆمونيا تىركەلگەن. بۇل كورسەتكىش وتكەن ايمەن سالىستىرعاندا 30،6 پايىزعا ازايعان.  

وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ايدار سەيتكازينوۆ بۇگىنگى تاڭدا ەكى بالا ستاتسيوناردا ەم قابىلداپ جاتقانىن ايتادى. 

"ولاردىڭ جاعدايلارى تۇراقتى، ورتاشا اۋىر دەپ باعالانادى. قالعان بالالار امبۋلاتورلىق ەم قابىلداۋدا. بۇل - بەلگىلەرى جوق كورونۆيرۋس. ەرەسەكتەرگە كەلەتىن بولساق، ستاتسونارلاردا  290 ادام ورنالاستىرىلعان.  ورتاشا اۋىر جانە  اۋىر جاعدايداعى ناۋقاستار سانى – 7. ەكى ادام اپپاراتقا قوسىلعان. ءدارى-دارمەكپەن تولىق قامتاماسىز ەتىلگەن"، دەيدى ايدار سەيتكازينوۆ. 


وبلىس اكىمى ابىلقايىر سقاقوۆ مەكتەپكە دەيىنگى مەكەمەلەر مەن ءداستۇرلى تۇردە ساباق وتكىزىلەتىن ءبىلىم بەرۋ ۇيىمدارىنا ەرەكشە كوڭىل ءبولۋدى تاپسىردى. 

سوڭعى جاڭالىقتار

ۇقساس جاڭالىقتار