ءبىلىم • 29 قىركۇيەك، 2020

نۇر-سۇلتاندا 6 وقۋشى كوروناۆيرۋس جۇقتىردى

59 رەت كورسەتىلدى

نۇر-سۇلتاندا 6 وقۋشى كوروناۆيرۋس جۇقتىردى. بۇل تۋرالى نۇر-سۇلتان قالاسىنىڭ باس سانيتارلىق دارىگەرى جاننا پراليەۆا ءباسپاسوز ءماسليحاتىندا مالىمدەدى، دەپ حابارلايدى Egemen.kz

"6 قىركۇيەكتەن باستاپ وقۋشىلار اراسىندا ىندەت جۇقتىرۋدىڭ التى جاعدايى تىركەلدى. ونىڭ ىشىندە ءبىر وقيعادا بالا مەكتەپكە بارىپ جۇرگەن، قالعان بەسەۋى قاشىقتان وقىتۋ تارتىبىندە ءبىلىم الدى"، دەدى ج.پراليەۆا ءباسپاسوز ءماسليحاتىندا.

ج.پراۆاليەۆانىڭ مالىمەتىنشە، جالپى 13 بالا مەن 6 مۇعالىم تەكسەرىلگەن. ءبىلىم وشاعىندا دەزينفەكتسيا جۇرگىزىلىپ، بالالار مەن مۇعالىمدەر ۇيدە كارانتيندە بولعانىن العا تارتتى.

سونداي-اق مەكتەپ مۇعالىمدەرى اراسىندا دا كوروناۆيرۋستىق ينفەكتسيانى جۇقتىرۋ جاعدايى تىركەلمەگەنىن ايتىپ ءوتتى.

سوڭعى جاڭالىقتار

ۇقساس جاڭالىقتار