ايماقتار • 29 قىركۇيەك، 2020

قىزىلوردا وبلىسىندا 2805 كاسىپكەر مەملەكەتتىك گرانت الدى

55 رەت كورسەتىلدى

قىزىلوردا وڭىرىندە "ەڭبەك" باعدارلاماسى ارقىلى جۇمىسسىز ازاماتتار ەڭبەكپەن قامتىلىپ، جاڭا بيزنەس يدەيالارىن دامىتۋعا مۇمكىندىك العان، دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

ءۇش باعىتتى قامتيتىن باعدارلاماعا وبلىستىڭ 23 مىڭعا جۋىق ازاماتتارى قاتىسقان. 830 ازامات كاسىپتىك ءبىلىم الۋ ءۇشىن قايتا دايارلانۋدان وتكەن. ال، 2272 ادام كاسىپكەرلىك باعىتتا كۋرستان ءوتىپ، سەرتيفيكات العان.

مۇنان بولەك، اۋىلداعى جانە قالالارداعى كاسىپكەرلىك باستامالاردى قولداۋ ناتيجەسىندە 549 ادام شاعىن نەسيە الۋعا قول جەتكىزگەن. بۇل قوسىمشا 510 جاڭا جۇمىس ورىندارىن اشۋعا مۇمكىندىك بەرەدى.

ەڭ باستىسى جاڭا بيزنەس يدەيالارى ارقىلى مەملەكەتتەن گرانت العاندار كوبەيگەن. بيىل 2805 كاسىپكەر بيزنەستە تىڭ يدەيالار ۇسىنىپ، گرانتقا قول جەتكىزگەن.

بۇدان بولەك، وڭىردە 5506 ادام بوس ورىنداردان قىزمەت تاپقان. ال، 1179 ازامات الەۋمەتتىك جۇمىس ورىندارىنان قىزمەت تاپقان. جىل باسىنان بەرى "جاستار تاجىريبەسى" ارقىلى دا قىزمەتكە الىنعان جاستار قاتارى 3175-عا جەتكەن. ونىڭ ىشىندە 233 ادام تۇراقتى جۇمىسقا ىلىكتى. قوعامدىق جۇمىس ارقىلى 284 ادام جۇمىسپەن قامتىلعان.

ايتا كەتەيىك، باعدارلامادان تىس وڭىردە 113162 ادام بەيرەسمي جۇمىسپەن قامتىلىپ، قىزمەتكە الىنعان.

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار