ايماقتار • 29 قىركۇيەك، 2020

ادامداردىڭ العىسىنا ەش نارسە جەتپەيدى

19 رەت كورسەتىلدى

جۋىردا پەتروپاۆل قالاسىنىڭ قاق ورتاسىندا ن.نازارباەۆ كوشەسىندەگى ءنومىرى 225-ءشى بەس قاباتتى ۇيدەن كۇندىزگى ساعات 11 كەزىندە ءورت شىعىپ، تۇرعىندار مەن ءورت سوندىرۋشىلەردى قاتتى ابىگەرگە سالعانى تۋرالى Egemen.kz-تە جازعان بولاتىنبىز.

ءورتتى سوندىرۋگە جانە وعان تۇنشىققان ادامداردى قۇتقارۋعا قالانىڭ №1 جانە №2 ءورت ءسوندىرۋ بولىمدەرىنىڭ قىزمەتكەرلەرى قاتىسىپ، جەدەل ارەكەتتەر جاساپ، ورتتە قالعان 25 ادامدى قۇتقارىپ، 50-گە جۋىق ادامدى ەۆاكۋاتسيالاعان.

جوعارى قاباتتاعىلاردى اۆتوساتىمەن ءتۇسىرىپ، تومەنگى قاباتتاعىلاردى ءوز ومىرلەرىنە قاۋىپ تونگەنىنە قاراماستان، وتقا كىرىپ الىپ شىققان.

ولاردىڭ ىشىندە 6 بالا بولعان. ءسويتىپ، ءورت سوندىرۋشىلەردىڭ ەرەن ەڭبەكتەرى ادام شىعىنىنا جول بەرمەگەن.

سونىمەن قاتار كرەپوستنوي كوشەسىندەگى 56-شى ءۇيدىڭ تۇرعىندارى مەن م ۇلىكتەرى وتتان قۇتقارىلعان. سونىڭ ءبارىن باستان كەشكەن ادامدار ءورت سوندىرۋشىلەرگە ريزا بولىپ، جۋىردا توتەنشە جاعدايلار دەپارتامەنتىنىڭ باستىعى راميل كامالوۆقا مىناداي حات جازىپتى: "قۇرمەتتى، راميل كامالوۆ مىرزا! پەتروپاۆل قالاسىنىڭ №1 ءورت ءسوندىرۋ ءبولىمىنىڭ جانقيارلىق ەرلىگىنىڭ ارقاسىندا ءبىزدىڭ ءومىرىمىز ورتتەن قۇتقارىلدى. ولار ءوز باستارىنا تونگەن قاتەرگە قاراماي ءبىزدى وتتان امان الىپ شىقتى. ۇيلەرىمىزگە ءورتتى ورشىتپەي، تەز ارادا ءتىلسىز جاۋدى تۇزاقتادى. سوندىقتان وسى قىزمەتكەرلەرگە العىسىمىزدى بىلدىرە وتىرىپ، سىزدەن ولاردىڭ ەڭبەكتەرىن اتاپ ءوتىپ، ماتەريالدىق كوتەرمەلەۋ شاراسىن جاساۋىڭىزدى وتىنەمىز"، دەگەن ەكەن تۇرعىندار.

ءوز جۇمىستارى تۋرالى مۇنداي جىلى لەبىز ەستۋ كەز كەلگەن ءورت ءسوندىرۋشى-قۇتقارۋشى ءۇشىن ەڭ ۇلكەن ماراپات. بۇل حات جەكە قۇرام الدىندا وقىلدى.

اي سايىن، ءتىپتى كۇن سايىن ءورت سوندىرۋشىلەر ءوز ومىرلەرىن قاتەرگە تىگەدى، ادامداردى جانىپ جاتقان ۇيلەردەن شىعارىپ، قار قۇرساۋىنان قۇتقارادى. ادامداردى قۇتقارۋ-بۇل "جۇمىس" قانا ەمەس، بۇكىل ءومىر ءۇشىن وتە جاۋاپتى ماسەلە. سوندىقتان ولار ءوز جۇمىستارىنا العىس ەستۋ ولاردى قاناتتاندىرا تۇسەدى.

20 قىركۇيەكتە دە 12 ساعات 05 مينۋتتا ءورت ءسوندىرۋ قىزمەتىنىڭ كۇشتەرى مەن قۇرالدارى كرەپوستنايا كوشەسى، 56 مەكەنجايداعى التى پاتەرلى تۇرعىن ءۇيدىڭ 1-قاباتتاعى پاتەرى جانىپ جاتقانى تۋرالى تەلەفون حابارلاماسىن العان. توتەنشە جاعداي ورنىنا 12 ساعات 09 مينۋتتا كەلگەن ءورت سوندىرۋشىلەر جانىپ جاتقان پاتەردى سوندىرۋگە شۇعىل كىرىسكەن. اينالاسى ءۇش مينۋتتىڭ ىشىندە ءورت ءسوندىرىلىپ، 1973 جىلى تۋعان پاتەر يەسى قۇتقارىلدى.

سونىمەن بىرگە باسقا پاتەرلەردەگى ءتورت ادام، ونىڭ ىشىندە بىرەۋى بالا ەۆاكۋاتسيالاندى. ءورت سالدارىنان 1،5 شارشى مەتر الاڭداعى ەدەن جابىنى وتپەن ب ۇلىنگەن.

جەدەلدىك پەن كاسىبيلىك شەبەرلىكتىڭ ارقاسىندا ءورت سوندىرۋشىلەر تۇرعىن ءۇي مەن ادامداردى از شىعىنمەن قىسقا مەرزىمدە قۇتقارا الدى. جالپى، ءورت شىققان جەردە ادامدار وزدىگىنەن ءىس قىلماي جەدەل تۇردە ءورت سوندىرۋشىلەرگە حابارلاعانى دۇرىس. ال ولار ءورت ءسوندىرۋدىڭ ايلا-تاسىلدەرىن ەركىن مەڭگەرگەن. جەدەل ءارى كاسىبي شەبەرلىكپەن ءورتتى تەز اۋىزدىقتاي الادى.

ەرلىكتىڭ، باتىرلىقتىڭ، كاسىبيلىكتىڭ جانە جەدەلدىكتىڭ ارقاسىندا ءورت سوندىرۋشىلەر تۇرعىن ءۇيدى جانە ولاردىڭ تۇرعىندارىن ورنى تولماس زارداپتاردان قۇتقارادى.

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار