ايماقتار • 29 قىركۇيەك، 2020

قوستانايدا مۇز ارەناسى سالىنىپ جاتىر

34 رەت كورسەتىلدى

قوستانايدا مۇز ارەناسى سالىنىپ جاتىر، دەپ حابارلايدى Egemen.kz

"ەكى جارىم مىڭ كورەرمەنگە ارنالعان "مۇز سارايى"  كەشەنىنىڭ جالپى اۋدانى 8،6 مىڭ شارشى مەتر بولادى. سپورت نىسانى بيىل جەلتوقسان ايىندا پايدالانۋعا بەرىلمەك. قازىر قۇرىلىس باسىندا ىشكى ارلەۋ، كەشەننىڭ اينالاسىن اباتتاندىرۋ، قاجەتتى قۇرال-جابدىقتاردى ورناتۋ جۇمىستارى ءجۇرىپ جاتىر.

1

قوستاناي قالاسىنىڭ ورتالىعىندا بۇعان دەيىن دە ءبىر مۇز سارايى جۇمىس ىستەپ كەلگەن. بىراق بۇل سپورت نىسانى بالالارعا ارنالعان جاتتىعۋلاردى وتكىزۋگە قولايلى بولعانىمەن، ءىرى جارىستاردى ۇيىمداستىرۋعا تارشىلىق ەتىپ كەلگەن. ال جاڭا مۇز ارەناسى جىل ون ەكى اي بويى وقۋ-جاتتىعۋ وتكىزىپ، حوككەي، مانەرلەپ سىرعاناۋ جانە باسقا دا سپورت تۇرلەرىنەن ءىرى جارىستار وتكىزۋگە مۇمكىندىك بەرەدى. سونداي-اق مۇندا اۋقىمدى ويىن-ساۋىق، مادەني شارالاردى وتكىزۋگە دە بولادى.

وبلىس اكىمى ارحيمەد مۇحامبەتوۆ نىسان باسىنا بارىپ، مۇز سارايىندا ءجۇرىپ جاتقان قۇرىلىس بارىسىمەن تانىستى. سول جەردەگى سلوۆاكيا رەسپۋبليكاسىنان كەلگەن مەردىگەر كومپانيانىڭ وكىلدەرىمەن كەزدەستى. كەزدەسۋ بارىسىندا قوستاناي قالاسىندا مۇز ارەناسىنىڭ قۇرىلىسىن جۇزەگە اسىرۋ ماسەلەلەرى تالقىلاندى.

"سپورت سارايىنىڭ قۇرىلىسىن سلوۆاكيالىق كومپانياعا سەنىپ تاپسىرعان بولاتىنبىز. بۇگىن قۇرىلىس نىسانىن تاعى ءبىر ارالاپ، كورىپ شىقتىم. جالپى،" H+H Technika" كومپانياسىنىڭ بۇل سالادا تاجىريبەسى مول. بۇعان دەيىن دە چەحيانىڭ بىستريجيتسە، ۆەشكوۆ، تەلچ قالالارىندا 3 مۇز سارايىن سالىپ، ەۋروپالىق ساراپشىلاردىڭ وڭ پىكىرىنە تە بولعان. قازىرشە پاندەمياعا بايلانىستى مۇز ارەناسىنا ارنالعان جابدىقتاردى جەتكىزۋ توقتاپ تۇر. وسىعان قاراماستان، مەردىگەرگە وسى جىلدىڭ سوڭىنا دەيىن نىساندى پايدالانۋعا بەرۋدى تاپسىردىم"، دەدى وبلىس اكىمى. 

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار