ەلوردا • 29 قىركۇيەك، 2020

ەلوردادا كارانتين رەجىمىن بۇزعاندار انىقتالدى

19 رەت كورسەتىلدى

دەمالىس كۇندەرى 20-دان استام كارانتين رەجىمىن بۇزۋشى انىقتالدى، دەپ حابارلايدى Egemen.kz ەلوردا اكىمدىگىنە سىلتەمە جاساپ. 

"كارانتيندى بۇزعان كاسىپكەرلىك سۋبەكتىلەر سانى ازايماي تۇر"، دەپ مالىمدەدى قالالىق پوليتسيا دەپارتامەنتىنىڭ وكىلى.

كوروناۆيرۋس ينفەكتسياسىنىڭ تارالۋىنا جول بەرمەۋ ءۇشىن پوليتسەيلەر، ەپيدەميولوگتار جانە اۋداندىق اكىمدىكتەر وكىلدەرىنەن قۇرالعان ءموبيلدى توپتاردىڭ جۇمىسى جالعاسۋدا.

سونىمەن، دەمالىس كۇندەرى كەزەكتى رەيد بارىسىندا تەكسەرۋشىلەر جۇمىس ىستەپ تۇرعان "ZIMA" بارىن انىقتادى. مەكەمە اكىمشىلىگى مەن قىزمەت كورسەتۋ قىزمەتكەرلەرى كەش ۋاقىت پەن شەكتەۋ شارالارىنا قاراماستان كەلۋشىلەردى قابىلداۋدى جالعاستىرعان. بۇل مەكەمەدە سپيرتتىك ىشىمدىكتەر بەرىلىپ، بي الاڭى جۇمىس ىستەدى.

رەيدتىك توپ انىقتاعان بۇزۋشىلىق دەرەك بويىنشا بارعا 18 كەلۋشى قر اقبتك-ءنىڭ 437-بابى بويىنشا، تۇنگى ۋاقىتتا تىنىشتىقتى بۇزۋ بويىنشا اكىمشىلىك جاۋاپكەرشىلىككە تارتىلدى.

بار اكىمشىسى زاڭناماعا سايكەس اكىمشىلىك جاۋاپكەرشىلىككە تارتىلدى.

كاسىپ يەسىنە قاتىستى جينالعان ماتەريال پروتسەسسۋالدىق شەشىم قابىلداۋ ءۇشىن، تاۋارلار مەن كورسەتىلگەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنا جولداندى.

جالپى العاندا، ءتارتىپ ساقشىلارى دەمالىس كۇندەرى حالىقتىڭ سانيتارلىق-ەپيدەميالىق تالاپتاردى بۇزعان 21 دەرەك انىقتادى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار