قوعام • 29 قىركۇيەك، 2020

33 ملن تەڭگە ايىپپۇل سالىندى

144 رەت كورسەتىلدى

اقتوبە وبلىسىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى 8 ايدا 79 اكىمشىلىك ءىس قوزعاپ، ءدارى-دارمەك باعاسىن نەگىزسىز كوتەرگەندەرگە 33 ملن تەڭگە ايىپپۇل سالدى.

قازىرگى كەزدە وڭىردەگى بارلىق ءدارىحانادا مەدي­تسينالىق بەتپەردە مەن قاجەتتى ءدارى-دارمەك قورى جەتكىلىكتى. شىلدە ايىندا وبلىستاعى ءدارىحانالاردا قىزۋدى باساتىن جانە ۆيرۋسقا قارسى دارىلەر تاپشىلىعى تۋىپ ءارى قاجەتتى ءدارى-دارمەك باعاسى كۇرت كوتەرىلىپ كەتكەن كەزدە وبلىس اكىمدىگى، وبلىستىڭ تاۋارلار مەن كورسەتىلەتىن قىز­مەتتەردىڭ ساپاسى مەن قاۋىپ­­سىزدىگىن باقىلاۋ دەپار­تا­­مەنتى، فارماتسەۆ­تيكا­لىق قىزمەتتى قولداۋ جانە دامىتۋ قاۋىمداستىعى جانە قا­ۋىمداستىققا مۇشە ەمەس ۇيىمدار اراسىندا ءدارى-دار­مەك باعاسىن شەكتەن اسىرماۋ، دارىلىك زاتتاردىڭ شەكتى بولشەك ساۋدا باعاسىن ساقتاۋ جونىندە مەموراندۋم جاسالدى. وسى كەلىسىم نەگىزىندە فارماتسەۆتيكالىق قىزمەتپەن اينالىساتىن بارلىق نىسان سۋىق تيۋ مەن قىزۋدى باساتىن بەس ءتۇرلى دارىلىك زاتتىڭ باعاسىن بىرقالىپتى ۇستاپ تۇرۋعا كەلىستى.

بۇگىندە وبلىستاعى پرو­ۆيزورلىق ستاتسيونار جابىلىپ، تەك جۇقپالى اۋرۋلار اۋرۋحاناسى عانا جۇمىس ىستەپ تۇر. بۇعان قوسا كۇزگى تولقىنعا دايىندىق شارالارى ءجۇرىپ جاتىر.

«3588 توسەكتىك ورىن دا­يىندالدى. ولار ەكى ساناتقا بولىنەتىن بولادى. اقتوبە مەديتسينا ورتالىعى مەن فتي­زيو­پۋل­مونولوگيالىق ور­تا­لىق سياقتى ءبىرىنشى سانات­تاعى مەكەمەلەردە 1040 ورىن، ەكىنشى سانات­تا­عى ستاتسيونارلاردا 2548 ورىن قا­راس­تى­رىلعان. 305 رەا­ني­ماتسيالىق كەرە­ۋەت اشۋ جوس­پاردا بار»، دەيدى وبلىس اكى­مى­نىڭ ورىنباسارى نۇرجاۋعان قالاۋوۆ.

وڭىردەگى مەديتسينا مەكە­مە­لەرىنىڭ ماتەريالدىق-تەح­نيكالىق بازاسى نىعايتىلىپ، قازان ايىندا 187 وكپەنى جا­سان­­دى تىنىستاندىرۋ اپپاراتى جەتكىزىلەدى دەپ كۇتىلىپ وتىر. مۇنىمەن ءبىر كەزدە ءبىر كومپيۋتەر توموگرافى، 13 ستا­تسيو­نارلىق رەنتگەن اپپاراتى، ەكى جىلجىمالى رەنتگەن اپپاراتى، اۆتونومدى وتتەگى ستانساسى مەن ەكى جىلجىمالى مەديتسينالىق كەشەن، سونىمەن قاتار باسقا دا قۇرال-جابدىقتار ساتىپ الىنباق.

 

اقتوبە وبلىسى

 

سوڭعى جاڭالىقتار

قانت تاپشىلىعى نەدە؟

ەكونوميكا • كەشە

بەنزين قىمباتتايدى

ەكونوميكا • كەشە

اق جەلەڭدىلەرگە العىس

مەديتسينا • كەشە

ادالدىقتىڭ ەتالونى ەدى

قازاقستان • كەشە

بۇيراتاۋ بازارلىعى

تۋريزم • كەشە

ءۇش ۇنسىزدىك

ونەر • كەشە

ۇقساس جاڭالىقتار