ءبىلىم • 29 قىركۇيەك، 2020

ءبىلىم بەرۋ ۇردىسىندە جاڭا تاسىلدەردى ۇسىندى

242 رەت كورسەتىلدى

قىركۇيەكتىڭ 24-25-ءى ارالىعىندا سۇلەيمەن دەميرەل ۋني­ۆەر­­سيتەتىنىڭ ۇيىمداستىرۋىمەن «مادەني كوپىرلەر سالۋ جو­نىن­دەگى 9-شى حالىقارالىق كونفەرەنتسياسى» (ICBCB) ءوز جۇ­مىسىن باستادى.

كونفەرەنتسيا وزىق تەحنو­لو­گيانىڭ تەز دامىعان جاھان­دا­نۋ ۇدەرىسىندە ءارتۇرلى مادە­نيەتتەردىڭ وكىلدەرىنىڭ اراسىن­داعى ۇيلەسىمدى قارىم-قاتىناس جانە ءوزارا قۇندىلىقتارىنا توزىمدىلىك پەن قۇرمەت كورسەتۋدى دارىپتەيدى. ءىس-شارا اياسىندا  گونكونگ، قىرعىزستان، پاكىستان، پورتۋگاليا، ساۋد ارابياسى، شۆەتسيا، ۇلى­بريتانيا جانە اقش مەملە­كەتتەرىنەن ءبىلىم سالا­سى­نىڭ بەلدى ساراپشىلارى ءبىلىم بەرۋدەگى جاھاندىق ترەندەر جانە قۇندىلىقتار باعىتىنداعى عىلىمي-زەرتتەۋ جۇمىستارىنىڭ ناتيجەلەرىمەن ءبولىسىپ، زامان اعىمىنىڭ سال­دا­­رىنان تۋىنداعان وزەكتى ماسە­لەلەردى ورتاعا سالادى.

نەگىزگى ماقسات – وتان­دىق جانە حالىقارالىق عالىم­دار­مەن عىلىمي جانە كاسى­بي بايلانىس ورناتىپ، ءبىلىم سالا­سىن­داعى جاڭا سىن-قا­تەر­لەرگە وڭتايلى شە­شىم تابۋ. سدۋ رەكتورى قۋا­نىش ەرعاليەۆ ونلاين كون­فە­رەنتسيانىڭ اشىلۋىندا دۇنيەجۇزىلىك عالىمدار قاۋىمداستىعىنىڭ وكىلدەرى ەڭبەكتەرىنە جەمىس تىلەدى.

– كونفەرەنتسيانىڭ اياسىندا قاشىقتان ءبىلىم بەرۋگە قاتىستى، پاندەميا كەزىندە ءبىلىم بەرۋ ەرەكشەلىكتەرى بو­­يىنشا ماڭىزدى باياندامالار تىڭدالادى. ناتيجەسىندە قازىرگى تاڭدا تۋىنداپ تۇرعان سىن قاتەرلى جاھاندىق ماسە­لەر­گە وڭتايلى شەشىمدەر تابىلىپ، ولار تاجىريبە جۇزىندە قولدانىسقا الىنۋى مۇمكىن، – دەگەن بولجام ءبىلدىردى سدۋ اكادەميالىق ىستەر جانە عى­لى­مي-زەرتتەۋلەر جونىندەگى پرو­رەكتورى داۆرونجون گايپوۆ.

جالپى، كونفەرەنتسيانىڭ باعىتى جاھاندانۋ داۋىرىندە جاھاندىق ترەندتەر جانە ءبىلىم بەرۋدەگى قۇندىلىقتار تاقىرىبى بولعاندىقتان، وسى سالاداعى كاسىبي ورتا وكىلدەرى، عالىمدار، پەداگوگ ماماندار، زەرتتەۋشىلەر جانە ءبىلىم سالاسىنداعى يندۋستريا وكىلدەرى دە بار. ايتا كەتسەك، قازاقستاندىق «ۇستاز» كاسىبي شەبەرلىكتى جەتىلدىرۋ ورتا­لى­عىنىڭ جەتەك­شىسى، حالىق­ارالىق گون­كونگ پەدا­گوگيكالىق ۋنيۆەر­سي­تە­تى­نەن قاشىق­­­تان ءبىلىم بەرۋ نەمەسە اقپا­رات­تىق كوممۋنيكاتسيا تەحنولوگيا­لار سالاسىنىڭ ساراپشىسى پلەنارلىق بايانداماشى رەتىن­دە قاتىسادى.

ساراپشىلار بىرقاتار وزەكتى ماسەلەنى قامتۋدا، ونىڭ ىشىندە: ء«بىلىم بەرۋ باعدارلامالارى جانە پەداگوگيكا»، ء«بىلىم بەرۋ سالاسىنداعى عىلىمي-زەرت­تەۋ­لەر»، «قۇندىلىققا نەگىز­دەلگەن ءبىلىم بەرۋ»، ء«بىلىم بەرۋدەگى اقپاراتتىق-كوم­مۋنيكاتسيالىق تەحنولوگيا­لار­دى قولدانۋ»، «تىلدىك ءبىلىم بەرۋ»، ء«بىلىم بەرۋدەگى كوش­باسشىلىق»، ماتەماتيكا، ينجەنەريا، ونەر جانە بيىل قازاقستاندا اتالىپ جاتقان ء«ال-فارابي مەن اباي مۇرالارى الەمدىك رۋحانيات كەڭىستىگىندە» باعىتتارى بو­يىنشا ويلارىن ورتاعا سالادى.

– اۋەل باستا كونفەرەن­تسيا­نى سدۋ كامپۋسىندا وتكىزۋ جوسپارلانعان بولا­تىن. الايدا پاندەمياعا باي­لانىستى ءىس-شارا ونلاين وتكى­زى­لۋگە ءماجبۇر بولدى. وسىعان بايلانىستى كوللوبوراتسيا مەن نەتۆورك جەتكىلىكسىز بولۋى مۇمكىن. بىراق سوعان قارا­ماستان، 9 مەملەكەتتىڭ عالىم­دارى ءبىر پلاتفورمادا ءوز وي-پىكىرلەرىمەن ءبولىسۋ، تالقى­لاۋ ارقىلى ءبىر-بىرىمەن تانىسۋ جانە ءارتۇرلى دەڭگەيدە عىلىمي جوبالارعا قاتىسۋ، ۇسىنىستار سەكىلدى ورتاق ىنتىماقتاستىقتار جاساي الادى، – دەدى د.گايپوۆ.

 

 

 

سوڭعى جاڭالىقتار

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار