ىشكى ىستەر مينيسترلىگى كريمينالدىق پوليتسيا دەپارتامەنتىنىڭ باستىعى دۋمان تاەۆ وسى ماقساتپەن وبلىسقا كەلىپ, ۆەدومستۆو بولىنىستەرىنىڭ باسشىلارىمەن كەزدەستى. بەينەسەلەكتور رەجىمىندە وعان اۋداندىق پوليتسيا بولىمدەرىنىڭ باسشىلارى مەن جەكە قۇرامى قاتىستى.
پولكوۆنيك د.تاەۆ جولداۋ تالاپتارىن ىسكە اسىرۋ بويىنشا ىشكى ىستەر ءمينيسترى ەرلان تۇرعىمباەۆ بەلگىلەگەن مىندەتتەردى قىزمەتكەرلەرگە جەتكىزدى. سونىڭ ىشىندە ۋچاسكەلىك پوليتسيا ينسپەكتورلارىنىڭ مارتەبەسىن ارتتىرۋ, ولاردىڭ تانىمالدىلىعى جانە قول-جەتىمدىلىگى قامتاماسىز ەتىلۋى كەرەكتىگى ايتىلدى. وسى تالاپتى ورىنداۋ بويىنشا قازىردىڭ وزىندە شارالار قابىلدانۋدا, ونىڭ ىشىندە ۋچاسكەلىك ينسپەكتوردى الەۋمەتتىك جاعىنان قولداۋ ماسەلەسى كوتەرىلۋدە. سونىمەن بىرگە «انيسكيندەردىڭ» جۇمىسى «سەرۆيستىك مودەلگە» نەگىزدەلۋى كەرەك, ونىڭ فورماتى حالىق ۇنىنە قۇلاق اسۋعا, ولاردىڭ قاجەتتىلىكتەرىنە جەدەل ىقپال ەتۋگە كۇش سالۋدى كوزدەيدى.
بارلىق پوليتسيا قىزمەتكەرلەرىنە قاتىستى تاعى ءبىر نەگىزگى باعىت – پەنيتەنتسيارلىق مەكەمەلەردە جانە پوليتسيانىڭ قىزمەتتىك بولمەلەرىندە جاپپاي بەينەباقىلاۋدى ەنگىزۋ بولىپ وتىر. اشىقتىق پوليتسيا قىزمەتىندەگى اينىماس اتريبۋتتاردىڭ ءبىرى بولۋى كەرەك, ول جۇمىس ساپاسىن جاقسارتىپ قانا قويماي, سونىمەن بىرگە كەز كەلگەن سىبايلاس جەمقورلىق تاۋەكەلدەرىنىڭ جانە باسقا دا زاڭ بۇزۋشىلىقتاردىڭ كورىنىستەرىنە سەنىمدى توسقاۋىل بولا الادى.
دۋمان تاەۆ ىشكى ىستەر مينيسترلىگىندە سىبايلاس جەمقورلىققا قارسى كۇرەس ماسەلەلەرى ەرەكشە نازاردا ەكەنىن اتاپ ايتتى. پوليتسيا قىزمەتكەرلەرىنىڭ جۇمىسىنا بەلسەندى اقپاراتتىق قولداۋ كورسەتۋ, ونىڭ ىشىندە الەۋمەتتىك جەلىلەردە, «اشىق قابىلداۋلار» وتكىزۋ, تۇرعىندارمەن ءتيىمدى ديالوگ وتكىزۋ تۇراقتى قالىپتاسۋدا.
قىزمەتتىڭ بارلىق سالاسىنا ەنگىزىلىپ جاتقان تسيفرلى تەحنولوگيالار وسى شارالاردى ىسكە اسىرۋدىڭ الاڭىنا اينالدى. قىلمىستىق ىستەردى تەرگەۋ بىرتىندەپ ەلەكتروندى فورماتقا كوشىرىلۋدە. بيىل سوتقا دەيىنگى تەرگەۋلەردىڭ 37,2 پايىزى وسى ادىسپەن جۇرگىزىلدى. ءىىو ۇسىناتىن مەملەكەتتىك قىزمەتتەردىڭ 83 پايىزىن ەلەكتروندى تۇردە جاساۋعا بولادى. پاترۋلدىك پوليتسيانىڭ پلانشەتتەرمەن, بەينەتىركەۋىشتەرمەن, تەرمينالدارمەن جابدىقتالۋى تسيفرلاندىرۋدىڭ ماڭىزدى قادامى بولىپ وتىر. ال «جول ءجۇرىسى تۋرالى» زاڭعا ازىرلەنگەن تۇزەتۋلەر جۇرگىزۋشىلەرگە جۇرگىزۋشى كۋالىگى, ساقتاندىرۋ ءپوليسى جانە تىركەۋ كۋالىگى بولۋىن تەكسەرۋ قاجەتتىلىگىن جويادى. اقپاراتتىق جۇيەلەر ارقىلى پوليتسيا قىزمەتكەرلەرى اتالعان قۇجاتتاردىڭ بولۋىن وزدەرى انىقتاپ الادى.
بەينەباقىلاۋ جۇيەلەرى بارعان سايىن بەلسەندى تۇردە جولداردا جانە باسقا دا قوعامدىق ورىنداردا زاڭدىلىق پەن ءتارتىپتى نىعايتۋعا كومەگىن تيگىزۋدە. بۇگىنگى تاڭدا ەلىمىزدە 230 مىڭعا جۋىق بەينەكامەرا بار, ولاردىڭ كومەگىمەن جىل سايىن 5 مىڭنان استام قىلمىس اشىلىپ, 400 مىڭعا دەيىن اكىمشىلىك قۇقىق بۇزۋشىلىق انىقتالادى.
سولتۇستىك قازاقستان وبلىسى پوليتسيا دەپارتامەنتىنىڭ باستىعى, پوليتسيا پولكوۆنيگى مارات تولەباەۆ ءىس-شارانى قورىتىندىلاي كەلە, سولتۇستىكقازاقستاندىق پوليتسيانىڭ جەكە قۇرامى جۇكتەلگەن مىندەتتەردى ورىنداۋ ءۇشىن بارلىق كۇش-جىگەرىن سالاتىنىنا سەنىم ءبىلدىردى.
سولتۇستىك قازاقستان وبلىسى
