ءىرى جوبالاردىڭ قاتارىنا اۋاداعى ازوت ديوكسيدى مەن فورمالدەگيد مولشەرىن ازايتۋ ءۇشىن قالاداعى بارلىق اۋا لاستاۋشى كاسىپورىنداردىڭ شاڭ تۇتقىش ورناتۋى, لاس سۋلاردى قايتا وڭدەۋ ارقىلى تەحنيكالىق سۋ رەتىندە قايتا پايدالانۋ, قالاداعى كارىز جەلىلەرىن جاڭارتۋ, بۇرىنعى «العا» حيميا زاۋىتىنداعى «تاريحي» قالدىقتار مەن اقتوبە تەمىر قورىتپا زاۋىتى اۋماعىندا جاتقان حروم قالدىقتارىن كومۋ, بارلىق قوقىس پوليگوندارىنىڭ جان-جاعى مەن بارشا ەلدى مەكەندەر توڭىرەگىن كوگالداندىرۋ قامتىلدى. ەكولوگيالىق كارتاعا ەنگىزىلگەن ءىس-شارالار قاتارىندا اقتوبە قالاسىنداعى كارىز جەلىلەرىن تولىق جاراقتاندىرۋ جوباسى دا كەزەك كۇتتىرمەيتىن ماسەلەنىڭ ءبىرى.
وبلىستىق ەكولوگيا دەپارتامەنتىنىڭ باسشىسى نۇرجان اققۇلدىڭ حابارلاۋىنشا, اقتوبە قالاسىنداعى قوقىس پوليگونى مەن ەسكىرگەن كارىز تازارتۋ قوندىرعىسىنان شىعاتىن اۋاداعى جاعىمسىز يىسكە بايلانىستى تۇرعىنداردان 29 شاعىم كەلىپ تۇسكەن. سونداي-اق دەپارتامەنت جىل باسىنان بەرى ەكولوگيالىق زاڭنامانى بۇزعان ءىرى جانە ورتا, شاعىن كاسىپكەرلىك نىساندارىنا 67 رەت ايىپپۇل سالعان.
اقتوبە وبلىسى
