مۇنداي شەشىم تايلاند پرەمەر-ءمينيسترى گەنەرال پرايۋت چان-وچانىڭ توراعالىعىمەن وتكەن كوروناۆيرۋستىق ينفەكتسيامەن كۇرەس جونىندەگى ۇلتتىق ورتالىقتىڭ وتىرىسىندا قابىلدانعان.
"بۇل توتەنشە جاعداي رەجيمىنىڭ وسىمەن التىنشى رەت ۇزارتىلۋى. الەمدەگى ەپيدەميالىق جاعداي ءالى جاقسارعان جوق. قازىردىڭ وزىندە 33 ميلليوننان استام ادام ىندەت جۇقتىردى, ميلليون ناۋقاس قايتىس بولدى", - دەدى ول.
تايلاندتا سوڭعى ءۇش ايدا جەرگىلىكتى تۇرعىنداردان تەك ەكى ادام كوروناۆيرۋس جۇقتىرعان. ال قالعانى اتالعان ەلگە شەتەلدەن كەلگەن جەرگىلىكتى جانە شەتەلدىك ازاماتتاردان انىقتالعان.
ايتا كەتەيىك, مۇندا پاندەميا باستالعالى بەرى 3545 ادام كوروناۆيرۋسپەن اۋىردى, 59 ادام قايتىس بولدى, 3369 ادام ەمدەلىپ شىقتى. قازىرگى ۋاقىتتا اۋرۋحانالاردا 117 ادام كوروناۆيرۋسقا قارسى ەم قابىلداۋدا.
