مەديتسينا • 28 قىركۇيەك، 2020

ەلىمىزدە 39 بالادان كاۆاساكي سيندرومى انىقتالدى

51 رەت كورسەتىلدى

بۇگىنگى تاڭدا كاۆاساكي سيندرومى بويىنشا جاعداي تۇراقتى ەكەنىن "پەدياتريا جانە بالالار حيرۋرگياسى عىلىمي ورتالىعى" اق باسقارما ءتورايىمى ريزا بورانباەۆا ايتىپ بەردى، دەپ حابارلايلى Egemen.kz

"بۇگىندە 39 بالادا وسى سيندروم انىقتالدى، ونىڭ ىشىندە بالالاردىڭ 60 پايىزى ساۋىعىپ، امان-ەسەن اۋرۋحانادان شىقتى. ال 40 پايىزى ءالى ەم-دوم قابىلداپ جاتىر. سيندرومنىڭ كلينيكالىق بەلگىلەرى – دەنە قىزۋىنىڭ 38 گرادۋستان جوعارى بولۋى. ول ءبىر تاۋلىككە نەمەسە ودان دا كوپ ۋاقىتقا سوزىلادى، سونداي-اق دەنەنىڭ ءبورتۋى، ءىشتىڭ اۋىرۋى، ديارەيا، تىنىس الۋ جۇيەسىنىڭ زاقىمدانۋى، جوتەل، تىنىس الۋ جەتكىلىكسىزدىگى، ەنتىگۋ، جۇرەك اۋرۋى، كونيۋنكتيۆيت جانە اياقتىڭ ءىسىنۋى سەكىلدى بەلگىلەرى پايدا بولادى"، دەيدى دارىگەر.

ريزا بورانباەۆانىڭ ايتۋىنشا، ۇيدە ەمدەلۋدىڭ ءتيىمسىز ەكەنىن اتاپ ءوتتى. سەبەبى سيندروم اۋىر وتەتىنىن، كەيدە قارقىندى رەانيماتسيالىق كومەكتى قاجەت ەتەتىندىگىن ەسكەرتتى.

اتالعان بەلگىلەر بايقالسا، دەرەۋ ۋچاسكەلىك دارىگەردى شاقىرۋ كەرەكتىگىن دە ەسكە سالدى.

ەلىمىزدە قانشا بالا كاۆاساكي سيندرومىنا شالدىققانى بەلگىلى بولدى

ەسكە سالا كەتەيىك، اعىمداعى جىلدىڭ 18 قىركۇيەگىندە وتكەن وكق ونلاين بريفينگىندە دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ ەلىمىزدە 35 بالا كاۆاساكي سيندرومىنا شالدىققانىن مالىمدەگەن ەدى.

سوڭعى جاڭالىقتار

ۆيرۋس مۋتاتسياعا ۇشىرادى

كوروناۆيرۋس • كەشە

ۇقساس جاڭالىقتار