پاۆلودار وبلىسى, كەنجەكول اۋىلى, يۋجنايا كوشەسى 5/1 مەكەنجايىنان تۇنگى 03:01-دە ءورت تۋرالى حابارلاما كەلىپ تۇسكەن.
"جالپى اۋدانى 300 شارشى مەتر بولاتىن 7 بولمەلى كىرپىشتەن سالىنعان ءۇي شاتىرىنىڭ اعاش كونسترۋكتسيالارى, جيھاز بەن ءۇي زاتتارى تولىعىمەن جانىپ كەتتى. ءورت سوندىرۋشىلەر كەلگەنشە 6 ادام ءوز بەتىنشە ەۆاكۋاتسيالاندى, ونىڭ ىشىندە 3 بالا بولدى. ءورتتىڭ سەبەبى مەن شىعىنى انىقتالۋدا. قازا بولعاندار مەن زارداپ شەككەندەر جوق", دەدى وبلىستىق تجد ءباسپاسوز حاتشىسى ەربول تەمىروۆ.
سونداي-اق 04:25-تە اقسۋ قالاسىنداعى استانا كوشەسى 101 مەكەنجايىندا شارۋاشىلىق اۋلا اۋماعىندا 40 شارشى مەتر كىرپىش سارايى مەن اعاش جاپسارجاي شاتىرىنىڭ اعاش قابىرعالارى ورتەنگەن. ساراي ىشىندە 0,1 توننا ءشوپ, 4 توننا كومىر بولعان. ءورت سوندىرۋشىلەر 1 گاز باللوندى شىعاردى. ءورتتىڭ سەبەبى مەن شىعىنى انىقتالىپ جاتىر.
