"استانا" گاندبول كلۋبىنىڭ ايەلدەر كومانداسى ەلدەگى كوشباسشىلىعىن ساقتاپ قالدى. گاندبولدان قازاقستان چەمپيوناتىندا ەلوردالىق سپورتشىلار ەكىنشى جەڭىسىنە قول جەتكىزدى.
نۇر-سۇلتان قالاسىنىڭ دەنە شىنىقتىرۋ جانە سپورت باسقارماسى حابارلاعانداي, بيىل پاندەمياعا بايلانىستى ەل چەمپيوناتى بۇرىن جينالعان ۇپايلار بويىنشا اياقتالدى. 28-ءشى چەمپيوناتتىڭ ون ويىنىنداعى التى كوماندانىڭ ناتيجەلەرى ەسەپكە الىندى.
"استانا" گاندبول كلۋبى 20 ۇپايمەن چەمپيون اتانىپ, 15 ۇپاي جيناعان قىزىلوردانىڭ "قايسار-قام-قمۋ" جانە 13 ۇپاي جيناعان شىمكەنتتىڭ "قازىعۇرت" كوماندالارىنان وزىپ شىقتى.
جارىسقا بارلىعى التى گاندبول كلۋبى قاتىستى: "استانا"(نۇر-سۇلتان)," قايسار-كام-كگۋ" (قىزىلوردا), "قازىعۇرت" (شىمكەنت), "دوستىق" (الماتى), "التاي" (شىعىس قازاقستان وبلىسى), "تۇران" (تۇركىستان وبلىسى).
