ايماقتار • 25 قىركۇيەك، 2020

ماڭعىستاۋدا جىلىتۋ ماۋسىمى 15 قازاندا باستالادى

21 رەت كورسەتىلدى

حالىقتىڭ الەۋمەتتىك وسال توپتارىنىڭ تۇرعىن ۇيلەرىنە گاز تالداعىشتار مەن داتچيكتەردى ورناتۋعا قارجى ءبولۋ ماسەلەلەرى قاراستىرىلۋدا. بۇل تۋرالى قوعامدىق كوممۋنيكاتسيا ورتىلىعىندا وتكەن بريفينگتە ماڭعىستاۋ وبلىستىق توتەنشە جاعدايلار دەپارتامەنتى باسشىسىنىڭ ورىنباسارى مۇرات مۇحانوۆ ءمالىم ەتتى، دەپ حابارلايدى Egemen.kz ماڭعىستاۋ وبلىستىق  قوعامدىق كوممۋنيكاتسيا ورتالىعىنا سىلتەمە جاساپ.

ء"ورتتىڭ الدىن الۋ ماقساتىندا جانە جىلىتۋ ماۋسىمىنا دايىندىق كەزەڭىندە اقپاراتتىق ءتۇسىندىرۋ جۇمىستارى جۇرگىزىلەدى. جىل سايىن تجم تاپسىرماسىنا سايكەس، ورتكە قارسى ءىس-شارالاردى جاپپاي ناسيحاتتاۋعا باعىتتالعان "تۇرعىن ءۇي سەكتورىنداعى ءورت قاۋىپسىزدىگى ايلىعى" وتەدى. بۇدان بولەك جەرگىلىكتى اتقارۋشى ورگانداردىڭ قىزمەتكەرلەرىمەن جۇرگىزىلگەن رەيد ناتيجەسىندە 648 ۇيدە 749 ءورت قاۋىپسىزدىگى تالاپتارىن بۇزۋ انىقتالعان"، دەدى مۇرات مۇحانوۆ.

ونىڭ ايتۋىنشا، 2020 جىلدىڭ 9 ايىندا وبلىس اۋماعىندا 178 ءورت، تۇرعىن-ءۇي سەكتورىندا 65 ءورت ورىن الدى. قازا تاپقاندار تىركەلگەن جوق. گازدان ۋلانۋ سالدارىنان 2 ادام جاراقات الدى. وبلىستىڭ بارلىق ەلدى مەكەندەرى ورتالىقتاندىرىلعان گازبەن قامتاماسىز ەتىلگەن. ورىن العان جاعدايلار تۇرعىنداردىڭ ءورت قاۋىپسىزدىگى ەرەجەلەرىن ساقتاماۋىنان تۋىنداعان.

سوڭعى جاڭالىقتار

ۇقساس جاڭالىقتار