ايماقتار • 25 قىركۇيەك، 2020

قايىرىمدىلىقتى دا پايدالاناتىندار كوبەيدى...

25 رەت كورسەتىلدى

كومەككە مۇقتاج جانداردىڭ دەرەكتەرىن جازىپ الىپ، جاردەم رەتىندە اۋداراتىن نەمەسە قارىزعا بەرەتىن اقشانى اۋدارۋ ءۇشىن ءوزىنىڭ ەسەپشوتىن كورسەتەتىن الاياق كوپ، دەپ حابارلايدى Egemen.kz

"دانا دەگەن قىزعا جەدەل وتا جاساۋ كەرەك، جاعدايى اۋىر، سوعان كومەكتەسىڭىزشى" دەگەن فوتوسى مەن جازۋى بار قوبديشا ۇستاپ، وعان اقشا سالۋدى سۇراپ جۇرگەن جاس جىگىتتەر مەن قىزداردى ءجيى كورۋگە بولادى. بۇلاردىڭ ءبىرازى ەرىكتىلەر ەمەس، الاياقتار بولىپ شىقتى.

"فوتودا مەنىڭ اتىمنان جازىلعان ءنومىر كورسەتىلگەن، پروفيلدە مەنىڭ فوتوسۋرەتىم تۇر. اقشا سۇرايدى! ولار الاياقتار. وتىنەمىن، ەشتەڭە اۋدارماڭىز. مەن بىرەۋگە حات جازىپ، ءبىر نارسە سۇراعان ەمەسپىن! ساق بولىڭىز"، دەپ دانا ەسىمدى جەلى قولدانۋشىسى ءوزىنىڭ Instagram پاراقشاسىندا حابارلاما جاريالاعان. وسىنداي ەسكەرتۋدى تاعى ءبىر بەلسەندى بلوگەر ءوزىنىڭ پاراقشاسىندا جازعان.

"وكىنىشكە قاراي، مۇنداي فاكتىلەر ءجيى كەزدەسەدى. سوڭعى ءۇش جىلدا وسىنداي قاراپايىم الداۋ ءادىسىن الاياقتار ءجيى پايدالانىپ كەلەدى"، دەيدى سولتۇستىك قازاقستان وبلىستىق پوليتسيا دەپارتامەنتى كريمينالدىق پوليتسيا باسقارماسىنىڭ باسشىسى، پوليتسيا پولكوۆنيگى پەتر كليموۆ.

كومەككە مۇحتاج جانداردىڭ دەرەكتەرىن جازىپ الىپ، جاردەم رەتىندە اۋداراتىن نەمەسە قارىزعا بەرەتىن اقشانى اۋدارۋ ءۇشىن ءوزىنىڭ ەسەپشوتىن كورسەتەتىن الاياق كوپ. ءبىزدىڭ ادامداردىڭ جۇرەكتەرىنىڭ جۇمساق، مەيىرىمدى ەكەنىن ءبىلىپ، وسىلاي پايدالاناتىن الاياقتار دا شىعىپتى.

جىل باسىنان بەرى ينتەرنەت-الاياقتاردىڭ وسىنداي قاراپايىم ايلا-امالدارىنا ءتۇسىپ قالعان ءۇش سولتۇستىكقازاقستاندىق پوليتسياعا جۇگىنگەن.

سوڭعى جاڭالىقتار

ۇقساس جاڭالىقتار