بيزنەس • 25 قىركۇيەك، 2020

الماتىدا "دامۋ" قورى كاسىپكەرلەرگە قارجىلاي قولداۋ كورسەتتى

12 رەت كورسەتىلدى

بيىل، ياعني 2020 جىلى كاسىپكەرلىكتى نەسيەلەۋدى قولداۋداعى مەملەكەتتىك باعدارلامانى ىسكە اسىرۋ ءۇشىن "دامۋ" كاسىپكەرلىكتى دامىتۋ قورى" اق الماتى  كاسىپورىندارىنا نەسيەنىڭ جالپى سوماسى 122،6 ملرد تەڭگە بولاتىن 120 جوباعا پايىزدىق مولشەرلەمەنى سۋبسيديالاۋ تۇرىندە قارجىلىق قولداۋ كورسەتتى. نەسيەلەردى كەپىلدەندىرۋگە 20 ملرد تەڭگە سوماسىنا 168 جوبا قول جەتكىزدى، ال كەپىلدىك سوماسى 6،3 ملرد تەڭگەنى قۇرايدى، دەپ حابارلايدى Egemen.kz

"دامۋ" قورىنان قولداۋ العان كومپانيالاردىڭ قاتارىنا: كارىز قۇبىرلارى مەن تەرەزە پروفيلدەرى پۆح وندىرەتىن Novus Polymer جشس، "سۇڭقار" ەمدەۋ-دياگنوستيكالىق ورتالىعى مەن تەلەۆيزورلار قۇراستىراتىن Astro Engineering جشس كاسىپورنى كىردى.

شوب نەسيە بويىنشا پايىزدىق مولشەرلەمەنى ازايتۋ مۇمكىندىگى ۇسىنىلعان پايىزدىق مولشەرلەمەسى بولىگىن سۋبسيديالاۋ شارتتارى بويىنشا  كاسىپورىندار ءونىم ءوندىرىسى مەن قىزمەت كورسەتۋ شوعىرىن ۇلعايتۋعا مۇمكىندىك بەرەتىن جابدىقتار ساتىپ الدى.

كارىز قۇبىرلارى مەن تەرەزە جاقتاۋلارى پۆح وندىرەتىن زاۋىت Novus Polymer جشس 12 جىلدان استام ۋاقىتتان بەرى جۇمىس ىستەپ كەلەدى. ءونىم  ءوندىرىسىنىڭ جالپى الەۋەتى جىلىنا 30 مىڭ توننادان اسادى. بۇگىنگى تاڭدا كومپانيا شتاتىندا 300 قىزمەتكەر جۇمىس ىستەيدى.

ء"بىزدىڭ كاسىپورىن "دامۋ-ءوندىرىس" باعدارلاماسى بويىنشا مەملەكەتتىك قولداۋعا يە بولدى. 6% جىلدىق مولشەرلەمەمەن 300 ملن تەڭگە سوما نەسيەنى "قازاقستان حالىق بانكى" اق ماقۇلدادى. اتالعان قولداۋدىڭ ارقاسىندا ءبىز كومپانيانىڭ اينالىمدىق قاراجاتىن تولتىردىق"، دەپ اتاپ ءوتتى بيزنەستى دامىتۋ جونىندەگى ديرەكتور شۇعا ساميەۆا.

"دامۋ" قورىنىڭ قارجىلىق قولداۋىنا يە بولعانداردىڭ تاعى ءبىرى – جاس كومپانيا Astro Engineering. ۇيىم 2018 جىلدان بەرى TCL ساۋدا ماركاسى تەلەۆيزورلارىن قۇراستىرۋمەن اينالىسادى. بۇگىنگى تاڭدا  Astro Engineering الماتى قالاسىنداعى تۇرمىستىق تەحنيكانى ساتاتىن بارلىق ءىرى جەلىلەردە ۇسىنىلعان.

"بيىل كومپانيا "دامۋ-ءوندىرىس" باعدارلاماسى بويىنشا مەملەكەتتىك قولداۋدى پايدالاندى. 600 ملن تەڭگە سوماسىنا قاجەتتى شيكىزاتتى ساتىپ الۋعا جەڭىلدىكپەن نەسيەنى "قازاقستان حالىق بانكى" اق الدىق. باعدارلاما بويىنشا مولشەرلەمە جىلدىق 6%-دى قۇرادى"، دەيدى كومپانيا ديرەكتورى اسحات التاەۆ.

"سۇڭقار" ەمدەۋ-دياگنوستيكالىق ورتالىعى" مەديتسينالىق قىزمەت كورسەتۋ نارىعىندا 2007 جىلدان بەرى جۇمىس ىستەپ كەلەدى، بيزنەستى قولداۋدىڭ مەملەكەتتىك باعدارلاماسى اياسىندا جابدىقتار ساتىپ الۋعا جەڭىلدىكپەن نەسيە الۋ مۇمكىندىگىنە يە بولدى.

"بيزنەستىڭ جول كارتاسى-2020" باعدارلاماسى شەڭبەرىندە ءبىزدىڭ كومپانيا ەكىنشى دەڭگەيلى بانكتەن 14% جىلدىق مولشەرلەمە بويىنشا 550 ملن تەڭگە سوماسىنا نەسيە الدى، ونىڭ 8،4%-ىن "دامۋ" قورى سۋبسيديالايدى. نەسيەگە العان قاراجاتقا كومپانيا جابدىقتار – مرت جانە كت اپپاراتتارىن ساتىپ الدى"، دەدى "سۇڭقار" ەدو ديرەكتورى قۋانىش كەرىمقۇلوۆ.

سوڭعى جاڭالىقتار

ۇقساس جاڭالىقتار