ايماقتار • 24 قىركۇيەك، 2020

پاۆلوداردا ەر ادام دوسىنىڭ اتىنان 14 كرەديت العان

77 رەت كورسەتىلدى

پاۆلوداردا ەر ادام دوسىنىڭ اتىنان 14 كرەديت العان، دەپ حابارلايدى Egemen.kz Pavlodarnews.kz سايتىنا سىلتەمە جاساپ.

وبلىستىق پوليتسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، پاۆلودارلىق پوليتسياعا شاعىم تۇسىرگەن. ول بەلگىسىز ادام ونىڭ اتىنان 2،5 ميلليون تەڭگەگە كرەديت العانىن ايتقان. تۇرعىن نەسيە العانىن تەك كرەديت ۇيىمدارى حابارلاسىپ، اقشانى تالاپ ەتكەندە عانا ءبىلىپتى.

"تەرگەۋ بارىسىندا پوليتسيا قىزمەتكەرلەرى كۇدىكتىنى ۇستاعان. ول كىناسىن مويىنداعان. كۇدىكتى - جابىرلەنۋشىنىڭ ەڭ جاقىن دوسى"، دەيدى پاۆلودار وبلىسى پوليتسيا دەپارتامەنتىنىڭ باسشىسى نۇرلان ءماسيموۆ.

ونىڭ ايتۋىنشا، بىلتىر كۇدىكتى دوسىنان جالاقى الۋ ءۇشىن بانك كارتاسىن اشىپ بەرۋدى سۇراپتى. دوسى وعان كومەكتەسۋگە كەلىسكەن. كەيىن كۇدىكتى جاقىن دوسىنىڭ جەكە مالىمەتتەرىن پايدالانىپ، ونىڭ اتىنان 14 كرەديت راسىمدەگەن. ول العان اقشانى بۋكمەكەرلىك كومپانياعا ۇتىسقا قويىپ، ۇتىلىپ قالعان.

قر قىلمىستىق كودەكسىنىڭ 190-بابى 2-بولىگى بويىنشا سوتقا دەيىنگە تەرگەۋ باستالدى.

سوڭعى جاڭالىقتار

ۇقساس جاڭالىقتار