تەاتر • 24 قىركۇيەك، 2020

"استانا وپەرا" تەاترىنىڭ ءموبيلدى قوسىمشاسى ىسكە قوسىلدى

11 رەت كورسەتىلدى

"استانا وپەرانىڭ" سەگىزىنشى ماۋسىمى وزگەشە فورماتتا – قر باس مەملەكەتتىك سانيتارلىق دارىگەرىنىڭ قاۋلىسىنا سايكەس 50 ادام كەلۋ مۇمكىندىگىمەن باستالدى، دەپ حابارلايدى Egemen.kz تەاتردىڭ ءباسپاسوز قىزمەتىنە سىلتەمە جاساپ.

قازىرگى تاڭداعى جاعدايعا بايلانىستى باسشىلىق اۋديتوريا اۋقىمىن كەڭەيتۋ ءارى جاسارتۋ ماقساتىمەن تەاتردىڭ يميدجدىك ساياساتىن جاڭعىرتۋدى جۇزەگە اسىرۋ تۋرالى شەشىم قابىلدادى.

وسى باعىتتاعى العاشقى قادام – جاڭا سايتتى، ءموبيلدى قوسىمشا مەن تەاتر بويىنشا ۆيرتۋالدى تۋردى ىسكە قوسۋ.

"زاماناۋي تەحنولوگيالار قارقىندى دامۋ ۇستىندە، ءبىز كورەرمەندەرىمىزدىڭ قالاۋىن ەسكەردىك، ونلاين-رەجيمدە بيلەتتەردى ساتىپ الۋ ەرەكشەلىگىن پىسىقتادىق، سايتىمىزدىڭ ديزاينىن جەڭىل ءارى پايدالانۋعا ىڭعايلى ەتىپ جاساۋعا تىرىستىق. ەلىمىزدە عانا ەمەس، شەتەلدە دە باعىت-باعدار بەرەتىن جوعارى دەڭگەيدەگى تەاتردى كورسەتۋ، سونداي-اق كورەرمەندەرمەن قاتىناستى جەڭىلدەتۋ مىندەتتەرى تۇردى. سونىمەن قاتار قر پرەزيدەنتى قاسىم-جومارت كەمەل ۇلى توقاەۆ ەلىمىزدىڭ الدىنا ماڭىزدى مىندەت قويعانىن اتاپ وتكەن ءجون – ول تسيفرلاندىرۋ سالاسىنداعى جۇمىستى جالعاستىرۋ. مەملەكەت باسشىسىنىڭ ايتۋىنشا، تسيفرلاندىرۋ – سانگە اينالعان ۇردىسكە ىلەسۋ ەمەس، ۇلتتىڭ باسەكەگە قابىلەتتىلىگىن ارتتىرۋدىڭ نەگىزگى قۇرالى. "استانا وپەرا" بۇل باعىتتا بەلسەندى جۇمىس جۇرگىزۋدە"، دەدى قازاقستاننىڭ ەڭبەك سىڭىرگەن قايراتكەرى، "استانا وپەرا" ديرەكتورى عالىم احمەدياروۆ. 

1

جاڭا ماۋسىمدا تەاتردىڭ ءموبيلدى قوسىمشاسى ىسكە قوسىلعانىن ايتا كەتكەن ءجون. ەندى كورەرمەندەردىڭ اتالعان قوسىمشانى جۇكتەپ الىپ، سپەكتاكلدەرگە بيلەتتەردى جىلدام تاڭداۋى مەن ساتىپ الۋىنا، ەكسكليۋزيۆتى كونتەنتكە قول جەتكىزۋىنە جانە پرەمەرالار مەن سۇيىكتى ارتىستەرىنىڭ ونەر كورسەتۋلەرى تۋرالى ءبىرىنشى بولىپ بىلۋلەرىنە مۇمكىندىكتەرى بار.

تەحنولوگيانىڭ باستى سەرپىلىسى – City360.kz جوباسى ارقىلى Astana Business Campus باعدارلاماسى اياسىندا نازارباەۆ ۋنيۆەرسيتەتىنىڭ قولداۋىمەن جۇزەگە اسىرىلعان VR-تۋر ۆيرتۋالدى ءومىردىڭ جاڭا سايتىن ەنگىزۋ بولدى. "استانا وپەرانىڭ" كورەرمەندەرى الەم تەاترلارىنىڭ ىشىندەگى العاشقىلاردىڭ ءبىرى بولىپ سايتقا كىرۋگە، بيلەت ساتىپ العانعا دەيىن كورەرمەن زالىنان ورىن تاڭداۋعا جانە ناقتى سول ورىننان ساحناداعى قويىلىمدى كورۋ قالاي بولاتىندىعىن بىلۋگە مۇمكىندىك الادى. 

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار