"انتيدەنەلەردىڭ بولۋى ناۋقاستارعا شارالاردى ساقتاماۋعا, بەتپەردە تاقپاۋعا جانە قاشىقتىقتى ساقتاماۋعا قۇقىق بەرمەيدى. بارلىعى ساقتىق شارالارىن ساقتاۋى كەرەك. سونىمەن قاتار جاسۋشالىق يممۋنيتەت داميدى – بۇل يممۋنيتەتتىڭ ءبىر-ەكى جىلعا جەتەتىنى ءالى بەلگىسىز. COVID-19 سيندرومىمەن يممۋنيتەت ەكى جىلعا جەتەدى, مۇمكىن ودان دا كوپ. عالىمدار بۇل ماسەلەمەن اينالىسۋدا, سوندىقتان ناقتى تۇسىنىك جوق", دەپ ءتۇسىندىردى پروفەسسور.
ا.شارمان COVID-19 ناۋقاستارىنا اۋرۋدىڭ اعىمىنا قاراماستان, سيمپتومدىق يا سيمپتومسىز بولسا دا, بەتپەردە تاعۋدى جالعاستىرۋدى جانە قاشىقتىقتى ساقتاۋدى ۇسىنادى.
"ەگەر ءسىز اۋىرماساڭىز, ۆيرۋس مۇرىنعا نەمەسە اۋىزعا ءتۇسىپ, بايلانىستا بولعان كەزدە ودان ءارى تارالۋى مۇمكىن. ساقتىق شارالارىن ساقتاي وتىرىپ, ءسىز ءوزىڭىزدى عانا ەمەس, جاقىندارىڭىز بەن اينالاڭىزداعى ادامداردى دا قورعايسىز. سوندىقتان مەن ساقتىق شارالارىن ساقتاۋدى جالعاستىرۋعا شاقىرامىن", دەپ ا.شارمان قالا تۇرعىندارىنا كەڭەس ايتتى.
