قازاقستان • 24 قىركۇيەك، 2020

قازاقستان تۋرالى بەينەروليك بەدەلدى حالىقارالىق سىيلىقتىڭ جەڭىمپازى بولدى

23 رەت كورسەتىلدى

Pacific Asia Tourism Association قامقورلىعىمەن ونلاين فورماتتا وتكەن PATA Gold Awards جىل سايىنعى بەدەلدى شاراسىندا "ۇزدىك ترەۆەل ۆيدەو" نوميناتسياسىندا "Travelstan" روليگى جەڭىسكە جەتتى، دەپ حابارلايدى Egemen.kz.

"Kazakh Tourism" ۇلتتىق كومپانياسىنىڭ" اتاپ وتۋىنشە، روليكتىڭ باستى ماقساتتارىنىڭ ءبىرى - بەلگىلى ءبىر توپتارداعى "STAN" جۇرناعىنا دەگەن تەرىس قاتىناستى جويۋ. وسى ۋاقىتقا دەيىن روليك بۇكىل الەم بويىنشا 480 ميلليوننان استام رەت ترانسلياتسيالانعان.

بۇل، قازاقستان تۋرالى ترەۆەل-روليكتەردىڭ حالىقارالىق ارەناداعى العاشقى جەڭىسى ەمەس. وتكەن جىلدىڭ ءساۋىر ايىندا ء"بىز قايدا ۇشامىز؟" ۆيدەوسى بولگاريادا وتكەن "On the east Coast of Europe" XVI حالىقارالىق تۋريستىك فيلمدەر فەستيۆالىندە "تۋريستىك دەستيناتسيا" اتالىمىندا 90 سەكۋندقا دەيىنگى ەڭ ۇزدىك جارنامالىق بەينەروليك رەتىندە تانىلدى.

ال سول جىلدىڭ قىركۇيەگىندە جوعارىدا اتالعان ەكى روليك تە "اۋماقتاردى تانىستىرۋ جانە "بەلسەندى دەمالىس پەن ويىن-ساۋىق وبەكتىلەرى" اتالىمدارىندا رەسەيدەگى "ديۆو ەۆرازي" III تۋريستىك بەينە جانە انيماتسيا فەستيۆال-كونكۋرسىندا جەڭىسكە جەتتى.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار