ءبىلىم • 24 قىركۇيەك، 2020

Kundelik.kz: ءى-توقسانداعى العاشقى ءۇش اپتانىڭ قورىتىندىسى شىقتى

53 رەت كورسەتىلدى

بيىل Kundelik.kz ءبىلىم بەرۋ پلاتفورماسىنىڭ كومانداسى جاڭا وقۋ جىلىنا 2020-2021 وقۋ جىلىنىڭ 1-توقسانىندا مەكتەپتەردىڭ قاشىقتان وقيتىنىن ەسكەرە وتىرىپ دايىندالدى. وتكەن وقۋ جىلىنداعى تاجىريبەگە سۇيەنىپ، پايدالانۋشىلاردىڭ ىقتيمال جۇكتەمەسى ەسەپتەلگەن جانە ءىت جۇيەنىڭ قىزمەتى الدەقايدا جاقسارتىلىپ، بۇكىل جۇيە ينفراقۇرىلىمى 30%-عا كەڭەيتىلدى. كەڭجولاقتى ينتەرنەتتىڭ سەرۆەرلىك توپقا وتكىزۋ مۇمكىندىگى 100% جاقسارتىلىپ، جوبانىڭ اقپاراتتىق قاۋىپسىزدىك كورسەتكىشتەرى جاقسارتىلدى، دەپ حابارلايدى Egemen.kz.

وسىنىڭ ءبارى 1-توقساننىڭ باسىندا وقۋ ۇدەرىسى كەزىندە "كۇندەلىك" اۆتوماتتاندىرىلعان اقپاراتتىق جۇيەسىندە (ااج) بولۋى مۇمكىن تەحنيكالىق اقاۋدىڭ الدىن الۋعا مۇمكىندىك بەردى. قازىر "كۇندەلىك" ااج قازاقستاننىڭ 6200 مەكتەبىنە، 356 822 مۇعالىم مەن 3 070 723 وقۋشىعا، سونىمەن بىرگە 2 159 270 اتا-اناعا قىزمەت كورسەتىپ وتىر.  

"كۇندەلىك" جشس باس ديرەكتورى مۇحتار ءىلياسوۆتىڭ ايتۋىنشا، قازاقستانداعى ءبىلىم سالاسىنا جۇيەلى كوزقاراس كەرەك.

تاعى ءبىر جاڭالىق، ءبىلىم جانە عىلىم مينيسترلىگىنىڭ №125 بۇيرىعىنىڭ جاڭارتىلۋىنا جانە كريتەريال باعالاۋدىڭ 10 بالدىق جاڭا جۇيەسىنە وراي، مۇنى kundelik.kz ەلەكتروندىق جۋرنالى مەن كۇندەلىگىنە ەنگىزۋدە قىرۋار شارۋا اتقارىلدى. مۇعالىمدەرگە ارناپ ءتۇسىندىرۋ باعىتىنداعى 30-دان اسا نۇسقاۋلىقتى جاساپ، جاريالاندى. ونىڭ ىشىندە قر بعم جاساعان وقۋشىلاردى باعالاۋدىڭ جاڭا جۇيەسى تۋرالى اقپارات تا بار. 10 بالدىق جۇيە بويىنشا ءفورماتيۆتى باعالاۋ وقۋشىنىڭ ساباقتا جۇمىس ىستەۋگە ىنتاسىن ارتتىرىپ قانا قويماي، سونىمەن بىرگە ادەتتەگى كوممەنتاريگە قوسىمشا وقۋشىنىڭ ساباقتا جاۋاپ بەرۋىنە قوسىلىپ، توقسان بويعى ۇلگەرىم تراەكتورياسىن كورسەتەدى. بۇعان قوسا، توقساندىق بجب جانە تجب تۇرىندەگى باقىلاۋ جۇمىستارىنىڭ ناتيجەسىنە قوسىمشا توقساندىق باعالاۋ ناتيجەسىنە دە ىقپال ەتەدى.

"اتالعان ۇيىمداستىرۋ جۇمىستارى ءوز الدىنا، سونىمەن بىرگە ءبىز وقۋ پروتسەسى بارىسىندا بالالاردى ءبىلىم بەرۋ باعىتىنداعى ءتۇرلى كونتەنتپەن قامتاماسىز ەتۋدىڭ اسا ماڭىزدى ەكەنىن دە تۇسىنەمىز، مۇنداي ماتەريالداردى قايتالاۋ تاقىرىپتى يگەرۋدىڭ كەپىلى. وسىنى ەسكەرە وتىرىپ، "حابار" مەملەكەتتىك تەلەۆيزيا حولدينگىمەن بىرلەسە وتىرىپ، kundelik.kz پورتالى كۇن سايىن "ەل ارنا" جانە "بالاپان" ارنالارىنىڭ YouTube جەلىسىندەگى بەينەساباقتارىن سالىپ وتىرادى. بۇل ساباقتار 2020-2021 وقۋ جىلىنىڭ ءبىرىنشى توقسانىنداعى 1–11-سىنىپ وقۋشىلارىنىڭ وقۋ باعدارلاماسىن قامتيدى. بۇعان قوسىمشا مۇعالىمدەرگە ارناپ، 1-سىنىپتان 11-سىنىپقا دەيىنگى بۇكىل ءپان بويىنشا 1-توقساننىڭ وقۋ باعدارلاماسىنىڭ كونسپەكتىسىن سالىپ قويدىق، ونى الماتى قالالىق ءبىلىم بەرۋ باسقارماسىنىڭ قاتىسۋىمەن الماتىلىق مۇعالىمدەر جاساپ شىعاردى، –­ دەيدى مۇحتار ءىلياسوۆ.

"كۇندەلىك" جشس باس ديرەكتورىنىڭ مالىمەتىنشە، 1-توقساننىڭ العاشقى 20 كۇن ىشىندە "كۇندەلىك" ااج جۇيەسىندە كۇن سايىن شامامەن جارتى ميلليونعا دەيىن پايدالانۋشى وتىرعان.

"وقۋ باستالعان 20 كۇن ىشىندە ەل مەكتەپتەرىندە قىزمەت ەتەتىن پەداگوگتار 7 978 905 ساباقتىڭ تولىق سيپاتتاماسىن ءۇي تاپسىرماسى جانە ساباقتاعى تاپسىرمامەن، ساباقتىڭ تاقىرىبىمەن قوسا ەنگىزىپ قويدى. ورتا ەسەپپەن العاندا، جۇيە سەكۋندىنا 15-17 مىڭ پايدالانۋشىنىڭ كىرۋىنە توتەپ بەردى. ايتا كەتەتىن ءبىر جايت، وسى كۇنگە دەيىن kundelik.kz جۇيەسىنە بىرنەشە رەت قاساقانا DDoS شابۋىل جاسالدى، ولاردىڭ ماقساتى جۇيەنىڭ جۇمىسىنا كەدەرگى كەلتىرىپ، جوبانىڭ بەدەلىنە نۇقسان كەلتىرۋ بولعانى بەلگىلى. الايدا ءبىز ۇقق مەملەكەتتىك تەحنيكالىق قىزمەتى (متق)، "قازاقتەلەكوم" اق، "ۇلتتىق اقپاراتتىق تەحنولوگيالار" اق ماماندارىمەن قويان-قولتىق جۇمىس ىستەۋدىڭ جانە ءوزىمىزدىڭ تەحنيكالىق كوماندامىزدىڭ كاسىبي دەڭگەيىنىڭ ارقاسىندا مۇنىڭ بارىنە توتەپ بەردىك. جۇيە قالىپتى رەجيمدە جۇمىس ىستەدى، "كۇندەلىك" جۇيەسىن پايدالانۋشى جۇزدەگەن مىڭ ادام ۇسىنىلىپ وتىرعان قىزمەت ساپاسىنىڭ ناشارلىعىن بايقاعان جوق.

وتكەن وقۋ جىلىنىڭ باسىمەن سالىستىرعاندا، قولداۋ قىزمەتىنە ءوتىنىش ايتۋشىلار سانى 2 ەسەگە دەيىن ارتتى. پايدالانۋشىلار تاراپىنان تۇسكەن وتىنىشتەرگە اناليز جاساي كەلە، ولاردىڭ بارلىعىن ادەتتەگىدەي ساباق كەستەسىن قۇرۋ جانە مەكتەپتەگى وقۋ جۇكتەمەسىن جوسپارلاۋ ماسەلەسى قىزىقتىراتىنىن تۇسىندىك. مۇنىڭ سەبەبى، بىرقاتار مەكتەپتىڭ اكىمشىلىگى ساباق كەستەسىن كۇنى بۇرىن جاساپ قويماعان. جالپى بۇل ارقاشاندا كەز كەلگەن وقۋ جىلىنىڭ باسىندا بولاتىن جاعداي. دەگەنمەن، پاندەميا كەزەڭىندە كەزەكشى جانە قاشىقتان وقيتىن سىنىپتاردى دايىنداۋ جاڭا سىناق بولدى. وسىنى ەسكەرە وتىرىپ، مەكتەپ اكىمشىلىگىنە سىنىپقا ءبولۋ ماسەلەسىن وڭتايلى شەشۋگە، ال مۇعالىمدەرگە ساباق جوسپارىن جاساپ، كۇندەلىكتى ءۇي تاپسىرماسىن سالىپ وتىرۋعا مۇمكىندىك بەرەتىن شەشىمدى ۇسىندىق.

ء"بىلىم بەرۋ پروتسەسىنە جۇيەلى جانە ستاندارتقا ساي كوزقاراسپەن قاراعاندا عانا ءتيىمدى جۇمساۋىنا قول جەتكىزۋگە بولادى. "كۇندەلىك" جۇيەسىنىڭ ماقساتى دا وسى. ءتورت جىلدان بەرى بىزبەن بىرگە جۇمىس ىستەپ كەلە جاتقان وقىتۋشىلارعا ءوزارا تۇسىنىستىك جانە قولداۋى ءۇشىن العىس بىلدىرەمىز"، – دەيدى مۇحتار ءىلياسوۆ.

سوڭعى جاڭالىقتار

ۇقساس جاڭالىقتار