ايماقتار • 24 قىركۇيەك، 2020

ورتالىق اۋرۋحانالارعا وتتەگى ستانساسى قويىلۋدا

17 رەت كورسەتىلدى

الماتى وبلىسىندا ىن­دەت­پەن كۇرەس شارالارىن جەتىلدىرۋ ءۇشىن مەديتسينا ۇيىمدارىنىڭ ماتەريالدىق-تەحني­كا­لىق بازاسىن نىعايتۋعا باسا كوڭىل ءبولىنىپ وتىر. جالپى، كوروناۆيرۋستىڭ ەكىنشى تولقىنىنا دا­يىن­دىق­قا قاجەت ماقساتتا وبلىستىق بيۋدجەتتەن 6،6 ملرد تەڭگە قارجى قاراس­تى­رىلعان بولاتىن.

بۇل قارجىنىڭ ءبىر بولىگى وڭىردەگى ەمحانالار مەن اۋرۋحانالاردىڭ اۋماعىنا وتتەگى ستانسالارىن قويۋعا جۇمسالۋدا. وسى ويعا العان ءىستىڭ العاشقى ناتيجەسى وڭىنان بولا باستاعانداي. مىسالى، پانفيلوۆ اۋدانىنداعى ورتالىق اۋرۋحانا جانىنا وتتەگى ستانساسى ورناتىلىپ جاتىر ەكەن. قۇنى 76 ملن تەڭگەنى قۇرايتىن جوبا قازان ايىندا ىسكە قوسىلماق. قازىر ستانسانى ورناتۋ جۇمىستارى باستالدى.

– بۇل ستانسا ساعاتىنا 50 مەتر تەكشە مەترگە دەيىن وتتەگى قۇيۋعا قاۋقارلى. ياعني، ءبىر مەزەتتە 120 ناۋقاسقا قاجەتتى وتتەگى بەرىلەدى. بۇعان دەيىن الماتىدان اۋىر باللونداردى تاسيتىنبىز. ەندى مىنە، بۇل ماسەلە دە شەشىلدى. بۇدان بولەك وسى پاندەميا كەزىندە ءبىزدىڭ ورتالىق اۋرۋحاناعا كاسىپكەرلەر مەن قايىرىمدى ازاماتتار وننان استام وتتەگى كونتسەنتراتىن، باسقا دا قاجەتتى مەديتسينالىق جابدىقتاردى تارتۋ ەتتى. مەملەكەت تاراپى دا قاجەتتى كومەكتەردى كورسەتۋدە. الداعى ۋاقىتتا بولۋى مۇمكىن ىندەت­تىڭ ەكىنشى تولقىنىنا ءبىزدىڭ ءوڭىر تولىقتاي دا­يىن. تەك تۇر­عىندار بارلىق ەسكەرتۋ مەن سانيتارلىق تالاپتار­دى ساقتاسا بولعانى، – دەيدى پانفيلوۆ اۋداندىق اۋرۋحاناسىنىڭ باس دارىگەرى تولەۋ سارپەكوۆ.

جالپى، كوروناۆيرۋس ىندەتى ىرگەنى تۇرگەلى پانفيلوۆ اۋدا­نىن­دا 139 ادام وسى دەرتكە شالدىققان ەكەن. قازىر ناۋقاستار تولىق جازىلىپ شىققان. ال اۋدان بويىنشا سانيتارلىق ساقتاندىرۋ جۇمىستارى جوعارى دەڭگەيدە جۇرگىزىلۋدە.

ايتپاقشى، وبلىس بو­يىنشا بولىنگەن قارجىعا 10 وتتەگى ستانساسىن ورناتۋ جوس­پارلانعان بولاتىن. دەمەك، جاقىن ۋاقىتتا ورتا­لىق اۋرۋحانالاردىڭ جانىنان اشىلاتىن ارنايى ستانسا سانى كوبەيەدى. سونداي-اق جۇق­پالى ىندەتپەن كۇرەسۋ ءۇشىن قو­سىمشا 150 وكپەنىڭ جاساندى جەلدەتۋ قۇرىلعىسىن، 100 وتتەگى كونتسەنتراتورىن، 3 كومپيۋتەرلىك توموگراف جانە 3 تسيفرلى رەنتگەن اپپاراتىن ساتىپ الۋ ءۇردىسى اياقتالعان. قاجەتتى مەديتسينالىق قۇرال-جابدىقتاردىڭ ءبارى اۋداندارعا جىبەرىلمەك.

 

الماتى وبلىسى

 

سوڭعى جاڭالىقتار

ۇقساس جاڭالىقتار