Scopus – 5 مىڭنان اسا عىلىمي جۋرنالدار قۇرامىنا كىرەتىن الپاۋىت بازا. بۇل بازاعا قانداي دا ءبىر عىلىمي جۋرنالدى ەنگىزۋدىڭ ءوزى ۇلكەن ەڭبەكتى قاجەت ەتەدى, سەبەبى تالاپتارى جوعارى. سول جۋرنالدارعا ماقالالارى جاريالانعان عالىمداردىڭ جۇمىسى Scopus بازاسىندا ساقتالىپ, وزگە زەرتتەۋشىلەردىڭ قولدانۋىنا تەگىن نەمەسە اقىلى تۇردە قولجەتىمدى بولادى.
ال Web of Science – الەمدە, اسىرەسە عالىمدار اراسىندا «عىلىم جەلىسى» دەگەن اتپەن تانىمال, عىلىمي ەڭبەكتەر مەن پاتەنتتەردى ىزدەپ تابۋعا ارنالعان اۋقىمدى پلاتفورما. ءبىلىم بەرۋ باعىتىنداعى Thomson Reuters مەدياكومپانياسىنىڭ باستاماسىمەن قۇرىلعان «عىلىم جەلىسىندە» قولدانۋشىلاردىڭ قاراعان, وقىعان جانە مالىمەت العان عىلىمي جۇمىسىنا سىلتەمەلەر بەرىلىپ وتىرادى. ال عىلىمداعى سىلتەمە – عالىم ەڭبەگىنىڭ ەلەنۋى جانە عىلىمي جاڭالىعىنىڭ ومىرشەڭدىگى.
ءبىلىم جانە عىلىم مينيسترلىگى جانىنداعى عىلىم كوميتەتىنىڭ تاراتقان اقپاراتىنا سۇيەنسەك, سوڭعى 5 جىل ىشىندە قازاقستاندىق عالىمداردىڭ ءاربىر بەسىنشى جاريالانىمى الەمدەگى ەڭ ۇزدىك جۋرنالداردىڭ 25%-ىنا ەندى. بۇگىندە Web of Science مالىمەتتەر بازاسىنداعى جاريالانىمداردىڭ جالپى سانى 28 973-ءتى قۇرايدى, Scopus مالىمەتتەر بازاسىندا بۇل كورسەتكىش 33 116 ەڭبەككە جەتىپ وتىر.
2019 جىلى وزدەرىنىڭ پاندىك سالاسى بوي̆ىنشا الەمدەگى عىلىمي جۇمىستارىنا ەڭ كوپ سىلتەمە جاسالعان اۆتورلاردىڭ 1%-ىنا ەرجان وتەۋليەۆ, ماكسيم زدوروۆەتس, ارتەم كوزلوۆسكي̆, جاقسىباي̆ ءجۇمادىلوۆ, سامات قوجاحمەتوۆ, اندرەي̆ حاليمون, تولەگەن سەي̆ىلحانوۆ سىندى قازاقستاندىقتار قوسىلدى. جاريالانىم بەلسەندىلىگى عالىم جۇمىسىنىڭ ونىمدىلىگىن, ونىڭ عىلىمعا قوسقان ۇلەسىن كورسەتەدى. ماسەلەن, 2019 جىلدىڭ سوڭىندا Web of Science دەرەكقورىندا 3 704 جاريالانىم يندەكستەلدى, بۇل 2011 جىلمەن سالىستىرعاندا 8,7 ەسە كوپ. «Scopus» مالىمەتتەر بازاسىندا بۇل كورسەتكىش 8,5 ەسەگە ءوستى.
Web of Science پەن Scopus-قا وتاندىق جۋرنالداردىڭ ەنگىزىلۋى عىلىم كوميتەتىنىڭ حالىقارالىق دەرەكتەر بازالارىمەن ىنتىماقتاستىعى ناتيجەسىندە ىسكە اسىرىلدى.
