اباي • 23 قىركۇيەك، 2020

ومبىدا اباي ءۇيى اشىلدى

48 رەت كورسەتىلدى

جاقىندا، ناقتىراق ايتقاندا وتكەن قىركۇيەك ايىنىڭ 22-ءى كۇنى  "وتانداستار قورى" كەاق جانە دۇنيەجۇزى قازاقتار قاۋىمداستىعىنىڭ مۇرىندىق بولۋىمەن ومبى قالاسىنداعى شوقان ۋاليحانوۆ كوشەسىنىڭ بويىنان ءھام اعارتۋشى عالىم وقىعان ومبى كادەت كورپۋسىنىڭ ءدال ىرگەسىنەن Abai Uii قازاق مادەني-ىسكەرلىك ورتالىعى اشىلدى، دەپ حابارلايدى Egemen.kz.

ونلايىن ءىس-شاراعا اقپارات جانە قوعامدىق دامۋ ۆيتسە-ءمينيسترى مارات ءازىلحانوۆ، سىرتقى ىستەر مينيسترلىگىنىڭ ومبى قالاسىنداعى قازاقستان رەسپۋبليكاسى كونسۋلدىعىنىڭ وكىلدەرى، سونداي-اق، "وتانداستار قورىنىڭ" باسشىلارى، "ومبى قازاقتارى" قوعامدىق بىرلەستىگىنىڭ بەلسەندىلەرى قاتىستى.

باس قوسۋ بارىسىندا بولاشاقتا رەسەي قازاقتارىنىڭ مادەني، ىسكەرلىك جانە ءبىلىم بەرۋ قىزمەتىن قولداۋعا باعىتتالعان بىرلەسكەن جوبالاردى ىسكە اسىرۋ ماسەلەلەرى تالقىلاندى. سونداي-اق، Abai Uii قازاق مادەني-ىسكەرلىك ورتالىق ارقىلى حالقىمىزدىڭ مادەني مۇراسىن كەڭىنەن ناسيحاتتاۋ، شەت ەلدەگى وتانداستارمەن ىسكەرلىك جانە گۋمانيتارلىق بايلانىستى نىعايتۋ جايلى ءسوز بولدى.

اتالمىش ورتالىق نەگىزگى 4 باعىت بويىنشا جۇمىس ىستەيدى. ءبىرىنشى باعىت – مادەني-گۋمانيتارلىق جانە قازاق ءتىلىن ۇيرەتۋ جوبالارىن قامتىسا، ەكىنشى باعىتى – "اتامەكەن" ىسكەرلىك​ جوباسى بويىنشا قانداستاردىڭ ەكى جاقتى ءتيىمدى بيزنەس جوبالارىنا قولداۋ كورسەتىلەدى. ءۇشىنشى باعىت – "جاس قازاق" جوباسى ارقىلى شەت ەلدەردەگى تالانتتى جاسوسپىرىمدەردى ەلگە تارتىپ، بىرلەسكەن باعدارلامالاردى جۇزەگە اسىرۋ ءىسى كوزدەلسە، ء تورتىنشى باعىت – "اتاجۇرت" جوباسى بويىنشا شەت ەلدەگى قازاقتىلدى باق-تاردىڭ  يۋاسىن قوسقان قاۋىمداستىق قۇرىپ، ءوزارا اقپاراتتىق ىنتىماقتاستىقتى ارتتىرۋ جايى جوسپارلانىپ وتىر ەكەن.

الداعى كۇندەرى اقپارات جانە قوعامدىق دامۋ مينيسترلىگى، دۇنيەجۇزى قازاقتارى قاۋىمداستىعى جانە "وتانداستار قورىنىڭ»" بىرلەسكەن جوباسى ارقىلى جوعارىداعىداي مادەني-ىسكەرلىك ۇيلەر جىل سوڭىنا دەيىن​ وزبەكستان استاناسى تاشكەنتتە، تۇركيانىڭ ۇلكەن قالاسى ستامبۋلدا، قىرعىزستان ورتالىعى بىشكەكتە جانە گەرمانيانىڭ بەرلين قالالارىندا دا اشىلماق ەكەن.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار