ەلوردا • 22 قىركۇيەك، 2020

ەلوردادا كىتاپحانالار مەن ارحيۆ قىزمەتىن ينتەگراتسيالاۋ جۇمىستارى جۇرگىزىلۋدە

25 رەت كورسەتىلدى

نۇر-سۇلتاندا كىتاپحانا جانە ءارحيۆتىڭ ينتەگراتسياسى كەزىندە شىعارماشىلىق ماماندىقتار شتاتى قىسقارمايدى، دەپ حابارلايدى Egemen.kz اكىمدىكتىڭ رەسمي سايتىنا سىلتەمە جاساپ.

ەلوردالىق كىتاپحانالار جەلىسى قىسقارمايدى. قازىرگى ۋاقىتتا كىتاپحانالار مەن ارحيۆ قىزمەتىن ينتەگراتسيالاۋ بويىنشا جۇمىس جۇرگىزىلۋدە. بۇل وقىرمان ءۇشىن قولايلى جاعدايدى ودان ءارى دامىتۋعا مۇمكىندىك بەرەدى، اتاپ ايتقاندا:

1) ەلەكتروندى رەسۋرستاردى كەڭىنەن ەنگىزۋ (بىرىڭعاي ەلەكتروندى كىتاپحانا بازاسىن قۇرۋ، ارحيۆتىك جانە كىتاپ قورلارىنا قاشىقتان قول جەتكىزۋ، جيىنتىق ەلەكتروندى كاتالوگ قۇرۋ جانە ت.ب.);

2) قولجەتىمدىلىك قاعيداتى بويىنشا كىتاپتارعا قولجەتىمدىلىكتى قامتاماسىز ەتۋ، سونىڭ ىشىندە كىتاپتاردى ۇيگە جەتكىزۋ;

3) جاڭا تەحنولوگيالاردى ەنگىزۋ (وقىرماندارعا ارنالعان ونلاين-قىزمەتتەر مەن قىزمەتتەر، قىزىعۋشىلىق تۋدىراتىن كىتاپتار مەن مۇراعات ماتەريالدارىن ىزدەۋدىڭ ينتەللەكتۋالدى جۇيەلەرى، بىرىڭعاي ەلەكتروندى كىتاپحانا كارتاسىن ەنگىزۋ جانە ت.ب.);

4) قالا تۇرعىندارى ءۇشىن كىتاپحانا جانە مۇراعات قىزمەتتەرىنىڭ قولجەتىمدىلىگىنىڭ ارتۋى.

سونداي-اق كىتاپحانا مەن مۇراعات قىزمەتتەرىن ورتالىقتاندىرۋ جانە ساپاسىن ارتتىرۋ بويىنشا بىرقاتار شارالار قاراستىرىلعان.

"قازىرگى ۋاقىتتا ارحيۆ وقىرماندارعا ەلوردانىڭ كىتاپ جانە مۇراعات قورلارىنا قاشىقتان قولجەتىمدىلىكتى قامتاماسىز ەتۋدىڭ تەحنيكالىق ماسەلەلەرىن شەشۋگە مۇمكىندىك بەرەتىن ينفراقۇرىلىمدى قالىپتاستىردى. بولاشاقتا ەلەكتروندى كىتاپحانا بازاسىن قۇرۋ جۇمىستارى جۇرگىزىلۋگە ء​​تيىس. پاندەميا مەن كارانتين شارالارىن ەنگىزۋ جاعدايىندا بۇل قىزمەتتەر ەرەكشە ماڭىزعا يە"، - دەلىنگەن حابارلامادا.

كىتاپحانا مەن ءارحيۆتىڭ ينتەگراتسياسى كەزىندە شىعارماشىلىق ماماندىقتار شتاتى قىسقارمايدى. كىتاپحانا قىزمەتكەرلەرى ادەتتەگىدەي جۇمىسىن جالعاستىرادى. اكىمشىلىك-باسشىلىق قۇرامدى وڭتايلاندىرۋ ماسەلەسى قاراستىرىلۋدا.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار