باحتيار ونەرباەۆ - تەكەلى قالاسىنىڭ ەكس-اكىمى
تامىز ايىندا قول استىنداعى قىزمەتكەرى - تەكەلى اكىمى اپپاراتىنىڭ باسشىسى پارا العان. مونو-قالا اكىمى اپپاراتىنىڭ باسشىسى پوليتسيادان قاشۋ ءۇشىن وزەنگە سەكىرىپ, باتىپ كەتە جازداعانى دا الەۋمەتتىك جەلىلەردە قىزۋ تالقىلانىپ ەدى.تامىزدا اكىم اپپاراتىنىڭ باسشىسىنا 15 ميلليون تەڭگە كولەمىندە ايىپپۇل سالىنعان. وسى ۇياتتى جاعدايلاردىڭ سوڭىن الا, باحتيار ونەرباەۆ ورنىن بوساتتى.
سولتۇستىك قازاقستان وبلىسى اكىمىنىڭ بۇرىنعى ورىنباسارى انتون فەدياەۆ پەن اقجار اۋدانىنىڭ بۇرىنعى اكىمى ەرباتىر مادياروۆ
ايماقتىڭ مەملەكەتتiك ساۋلەت-قۇرىلىس باقىلاۋ جانە ليتسەنزيالاۋ باسقارماسىنىڭ بۇرىنعى باسشىسى باتىربەك قالاباەۆقا بىرنەشە رەت, جالپى سوماسى - 650 مىڭ تەڭگە كولەمىندە پارا الدى دەگەن ايىپ تاعىلعان. تەرگەۋ مالىمەتى بويىنشا, باسقارما باسشىسى ءۇش رەت زاڭسىز سىياقى العان. بۇل ىسكە اقجار اۋدانى اكىمىنىڭ ورىنباسارى قۇرال دوسىمبەكوۆ تە ارالاسقان. بيىل 14 شىلدەدە قالاباەۆتىڭ ۇكىمى شىعىپ, 26,6 ميلليون تەڭگە كولەمىندە ايىپپۇل سالىنعان. سونداي-اق, وعان مەملەكەتتىك قىزمەتتە جۇمىس ىستەۋىنە ءومىر بويىنا تىيىم سالىنعان.وسى جاعدايدان سوڭ انتون فەدياەۆ پەن ەرباتىر مادياروۆ ءوز ەركىمەن وتستاۆكاعا كەتۋگە ارىز جازعان. وبلىس اكىمى 3 قىركۇيەكتە ارىزدى قابىلداپ, شەنەۋنىكتەر قىزمەتىنەن بوسادى.
ەرجان تۇرماعامبەتوۆ - باتىس قازاقستان وبلىسى شىڭعىرلاۋ اۋدانىنىڭ بۇرىنعى اكىمى
بيىل ناۋرىزدا باتىس قازاقستان وبلىسى شىڭعىرلاۋ اۋدانىنىڭ اكىمى ەرجان تۇرماعامبەتوۆ تە وسىعان ۇقساس جاعدايدان سوڭ قىزمەتىنەن كەتكەن. بۇعان اۋدانداعى ءبىلىم ءبولىمى باسشىسىنىڭ جەمقورلىق قىلمىسىنا بارۋى سەبەپ بولعان.
ازامات ىسقاقوۆ - قوستاناي وبلىسى رۋدنىي قالاسى اكىمى اپپاراتىنىڭ بۇرىنعى باسشىسى
قوستاناي وبلىسى, قاشار اۋىلىنىڭ اكىمى مەكەمە بالانسىندا تۇرعان قىزمەتتىك كولىكتى جوندەۋگە بولىنگەن 1 ميلليون 464 مىڭ تەڭگە بيۋدجەتتىك قاراجاتتى جەكە كاسىپكەردىڭ ەسەپشوتىنا اۋدارۋ ارقىلى قاراجاتتى جىمقىرعان دەپ كۇدىكتەلۋىنە بايلانىستى, رۋدنىي قالاسى اكىمى اپپاراتىنىڭ باسشىسى ازامات ىسقاقوۆ ءوز ەركىمەن قىزمەتىنەن كەتكەن.
