قازاقستان • 22 قىركۇيەك، 2020

بيدايدىڭ نارىقتاعى باعاسى بەلگىلى بولدى

21 رەت كورسەتىلدى

كۇنباعىس پەن قاراقۇمىقتىڭ ساتىپ الۋ باعالارى بيداي داقىلدارىن جيناپ بولعاننان كەيىن بەلگىلەنەتىن بولادى، دەپ حابارلايدى Egemen.kz

اۋىل شارۋاشىلىعى ءمينيسترى ساپارحان وماروۆ ۇكىمەت وتىرىسىندا ازىق-ت ۇلىك كەلىسىمشارت كورپوراتسياسى بيدايدىڭ ساتىپ قۇنىن بەلگىلەگەنىن اتاپ ءوتتى.

"نارىقتاعى قالىپتاسقان جاعدايدى ەسكەرە وتىرىپ، "ازىق-ت ۇلىك كەلىسىمشارت كورپوراتسياسى" اق بيدايدى ساتىپ الۋ باعالارىن ساپاسىنا قاراي تونناسىنا 83-87 مىڭ تەڭگە دالىزىندە، 4-سىنىپتى بيدايعا – 78 مىڭ تەڭگە، 2-سىنىپتى ارپاعا – 50 مىڭ تەڭگە دەڭگەيىندە بەلگىلەۋدى ۇسىنادى، بۇل رەتتە ساتىپ الۋ باعاسىن بەلگىلەۋ كەزىندە وتاندىق اۋىل شارۋاشىلىعى وندىرۋشىلەرىن قولداۋدان باسقا ىشكى نارىقتاعى تۇراقتىلىقتى قامتاماسىز ەتۋ ماسەلەسى دە ەسكەرىلدى"، دەدى س.وماروۆ.

اعىمداعى جىلى اۋىل شارۋاشىلىعى وندىرۋشىلەرىنىڭ كوپتەگەن ءوتىنىشى بويىنشا ازىق-ت ۇلىك كەلىسىمشارت كورپوراتسياسى اۋىل شارۋاشىلىعى ونىمدەرىن فورۆاردتىق ساتىپ الۋدى جۇزەگە اسىردى، ونى وتكىزۋ ءۇشىن رەسپۋبليكالىق بيۋدجەتتەن 24،5 ملرد تەڭگە ءبولىندى. بۇگىندە فورۆاردتىق ساتىپ الۋ الەۋمەتتىك-كاسىپكەرلىك كورپوراتسيالاردىڭ كەپىلدىگىمەن جۇزەگە اسىرىلدى، 516 مىڭ توننا اۋىل شارۋاشىلىعى ءونىمىن ساتىپ الۋعا كەلىسىمشارت جاسالدى.

ەسكە سالساق، بۇگىندە رەسپۋبليكا بويىنشا بارلىعى 14،8 ملن گەكتاردان (93،4%) استام ءداندى جانە ءداندى-بۇرشاقتى داقىلدار جينالدى. گەكتارىنا ورتاشا ەسەپپەن 12،3 تسەنتنەردەن جيناعاندا 18،2 ملن توننا استىق باستىرىلدى (2019 جىلى – 11،4 ملن توننا).

سوڭعى جاڭالىقتار

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار