ايماقتار • 22 قىركۇيەك، 2020

الماتىدا تۇڭعىش پرەزيدەنت پاركىندە "سويلەيتىن" ورىندىق پايدا بولدى

51 رەت كورسەتىلدى

الماتىدا تۇڭعىش پرەزيدەنت پاركىندە ينتەراكتيۆتى "سويلەيتىن" ورىندىق پايدا بولدى. بۇل تۋرالى بۇگىن ونلاين بريفينگ بارىسىندا بوستاندىق اۋدانى اكىمىنىڭ ورىنباسارى سەرىك ادىلباەۆ مالىمدەدى، دەپ حابارلايدى Egemen.kz

ورىندىقتىڭ ەرەكشەلىگى، بەلگىلى قازاق اقىندارىنىڭ ولەڭدەرىن وقيدى. مۇنداي ينتەراكتيۆتى ورىندىقتار بوستاندىق اۋدانىنا قاراستى بىرنەشە جەردە قويىلادى.

بوستاندىق اۋدانى اكىمىنىڭ ورىنباسارى سەرىك ادىلباەۆتىڭ ايتۋىنشا، 2019 جىلى "قاتىسۋ بيۋدجەتى" جوباسىنا سايكەس بوستاندىق اۋدانىنىڭ تۇرعىندارى 2 235 ملن تەڭگە سوماسىنا 47 ۇسىنىس ەنگىزگەن.

سولاردىڭ ىشىندە قۇنى 963،7 ملن تەڭگەگە 34 جوبا داۋىس بەرۋگە جولدانسا، بۇگىندە سونىڭ اياسىندا تۇڭعىش پرەزيدەنت پاركىندە 1 ينتەراكتيۆتى ورىندىق قويىلدى. وعان قوسا، تۇرعىنداردان دا ءوتىنىش كوپ ءتۇسىپ جاتىر ەكەن. ءبىر ورىندىق قۇنى 1 ملن تەڭگەگە جۋىقتايدى.

سەرىك ادىلباەۆ: "ودان بولەك، Open Almaty پورتالىندا اشىق داۋىس بەرۋ ارقىلى 3 جوبا جەڭىمپاز اتاندى. قۇنى 9،5 ملن تەڭگە بولاتىن Workout ايماق پەن بالالار الاڭى قۇرىلىسى، جاروكوۆ 284/1 مەكەنجايىنداعى قۇنى 6،6 ملن تەڭگە بولاتىن بالالار ويىن الاڭى، قۇنى 1،7 ملن تەڭگە Togizkumalak Smart nation جوباسى. بوستاندىق اۋدانى اكىمدىگىنىڭ اپپاراتى 2020 جىلى وسى جوبالارعا 14،3 ملن تەڭگە قاراستىردى. جوبالاردىڭ بارلىعى قازىر اياقتالىپ قالدى"، دەدى ول.

ايتا كەتەيىك، ورىندىقتىڭ ىشىندە اۋديوجۇيە ورناتىلادى. وعان بەلگىلى تاريحي تۇلعالاردىڭ بيوگرافياسى، اندەر مەن ولەڭدەر جازىلادى. ادام ورىندىققا وتىرعان كەزدە اۋديو قوسىلادى.

سوڭعى جاڭالىقتار

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار