الەم • 22 قىركۇيەك، 2020

امەريكالىق كينووپەراتور مايكل چەپمەن دۇنيەدەن وزدى

11 رەت كورسەتىلدى

ەكى رەت "وسكار" جۇلدەسىنە ۇمىتكەر بولعان امەريكالىق كينووپەراتور مايكل چەپمەن 85 جاسىندا قايتىس بولدى. بۇل تۋرالى ونىڭ جۇبايى ەمي حولدەن دجونس Instagram پاراقشاسىندا جازدى، دەپ حابارلايدى Egemen.kz.

ونىڭ نەدەن قايتىس بولعانى تۋرالى تولىق مالىمەت جوق. Hollywood Reporter باسىلىمىنىڭ حابارلاۋىنشا، چەپمەن كينووپەراتور رەتىندە جۇمىسىن باستاعان فيلمدەردىڭ اراسىندا فرەنسيس فورد كوپپولانىڭ "وكىل اكەسى" جانە ستيۆەن سپيلبەرگتىڭ "جاق سۇيەكتەرى" سياقتى ايگىلى فيلمدەر بار.

چەپمەن مارتين سكورسەزەنىڭ "قۇتىرعان بۇقا" جانە ەندريۋ دەۆيستىڭ "قاشقىن" كينوفيلمدەرى ءۇشىن "وسكار" سىيلىعىنا ەكى رەت ۇسىنىلدى.

سونىمەن قاتار ول "تاكسي جۇرگىزۋشىسى" جانە "سوڭعى ۆالس" سياقتى اتاقتى فيلمدەردىڭ وپەراتورى رەتىندە تانىمال.

سوڭعى جاڭالىقتار

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار