قوعام • 22 قىركۇيەك، 2020

مينيسترلىك ەلوردانى كەزگەن جابايى قاباندارعا قاتىستى پىكىر ءبىلدىردى

37 رەت كورسەتىلدى

كەشە الەۋمەتتىك جەلىدە ەلوردادا تۇران كوشەسىنىڭ بويىندا جۇرگەن جابايى قابانداردىڭ ۆيدەوسى تاراعان ەدى. ەكولوگيا، گەولوگيا جانە تابيعي رەسۋرستار مينيسترلىگى وسى ماسەلەنىڭ ءمان-جايىن ءتۇسىندىردى، دەپ حابارلايدى Egemen.kz.

"قىركۇيەك ايىنىڭ 20-سىنان 21-ىنە قاراعان ءتۇنى نۇر-سۇلتان قالاسى، تۇران كوشەسى بويىندا تاسپاعا تۇسكەن جابايى قاباندار فاكتىسى بويىنشا اقمولا وبلىستىق تەرريتوريالىق ينسپەكتسياسىنىڭ ينسپەكتورلارى تابيعاتتى قورعاۋ پوليتسياسىمەن بىرلەسە وتىرىپ ماڭايدى تورۋ جۇمىستارىن جاسادى. ىزدەۋ بارىسىندا جابايى قاباندار كوشى انىقتالماعان"، دەلىنگەن مينيسترلىك حابارلاماسىندا.

ورمان شارۋاشىلىعى جانە جانۋارلار الەمى كوميتەتىنىڭ مالىمەتىنە سايكەس،  اقمولا وبلىسى توڭىرەگىندە 2500-گە جۋىق جابايى قابان بار. ولار قالا تەرريتورياسىنا ميگراتسيا ارقىلى ءوتۋى مۇمكىن.

سوڭعى جاڭالىقتار

ۇقساس جاڭالىقتار