سپورت • 22 قىركۇيەك، 2020

قۋات ونەر كورسەتەتىن رەسەيلىك كوماندانىڭ باس باپكەرى اۋىستى

8 رەت كورسەتىلدى

"حيمكي" فۋتبول كلۋبى رەسمي سايتىندا كوماندانىڭ باس باپكەرى دميتري گۋنكونىڭ قىزمەتىنەن كەتكەنىن حابارلادى. كلۋب باس باپكەرمەن كەلىسىمشارتتى ەكى جاقتى كەلىسىم بويىنشا بۇزعان، دەپ جازادى Egemen.kz.

كوماندانىڭ باس باپكەرى قىزمەتىن ۋاقىتشا يگور يۋششەنكو اتقارادى. ءدال وسى باپكەردىڭ باستاماسىمەن كوماندا 28 قىركۇيەك كۇنى "دينامو" كلۋبىنا قارسى كەزدەسۋگە دايىندىق جۇمىستارىن وتكىزىپ جاتىر. 

سونداي-اق ماسكەۋلىك ۇجىمنان كوماندانىڭ سپورت ديرەكتورى سەرگەي ەگوروۆ تا كەتىپتى. بۇل مامانمەن دە كلۋب كەلىسىمشارتتى ەكى جاقتى كەلىسىم بويىنشا ۇزگەن. 

وسى ماماندار "حيمكي" ساپىنا قازاقستان قۇراماسىنىڭ جارتىلاي قورعاۋشىسى يسلابەك قۋاتتى شاقىرعان بولاتىن. رەسەي بىرىنشىلىگىنىڭ بيىلعى ماۋسىمىندا وتانداسىمىز بۇل كوماندا ساپىندا ەكى ويىنعا قاتىسىپ ۇلگەردى. 

ال "چەمپيونات" باسىلىمىنىڭ اقپاراتى بويىنشا، "حيمكي" كومانداسىنىڭ جاڭا باس باپكەرى يگور چەرەۆچەنكو بولادى. تۋلالىق "ارسەنال" كومانداسىنىڭ بۇرىنعى باپكەرىن ماسكەۋلىك كلۋب فۋتبولشىلارىنا 22 قىركۇيەك كۇنى تانىستىرادى. 

ايتا كەتەيىك، "حيمكي" كومانداسى رەسەي بىرىنشىلىگىندە سەگىز تۋردان كەيىن 3 ۇپاي جيناپ، تۋرنير كەستەسىندە 15-ورىندا كەلەدى.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار