سپورت • 21 قىركۇيەك، 2020

اتىراۋدا جەڭىمپازى انىقتالمايتىن مارافون وتەدى

594 رەت كورسەتىلدى

بيىلعى قايىرىمدىلىق مارافونى ادەتتەگىدەن وزگەشە بولعالى وتىر. العاش ونلاين فورماتتا وتەتىن مارافوننىڭ جەڭىمپازى انىقتالمايدى، دەپ حابارلايدى Egemen.kz.

وبلىستىق دەنە شىنىقتىرۋ جانە سپورت باسقارماسىنىڭ باسشىسى رينات يبراگيموۆتىڭ ايتۋىنا قاراعاندا، مارافوندى 22 قىركۇيەك پەن 31 قازان ارالىعىندا ونلاين تۇردە وتكىزۋ جوسپارلانىپتى. "INFINITY FITNESS" كلۋبىندا تىركەلگەن ءار قاتىسۋشىعا جەكە رەتتىك نومەرى بەرىلەدى. قاتىسۋشى ءوزى قالاعان جەردە كورسەتىلگەن كۇندەر ارالىعىندا جۇگىرىپ، بەلگىلەنگەن قاشىقتىقتى باعىندىرعان ناتيجەسىن ۇيىمداستىرۋشىلارعا جىبەرۋى ءتيىس. ەرەسەكتەر مارافونعا قاتىسۋ ءۇشىن 1000 تەڭگە تولەيدى. ال، بالالار تەگىن قاتىسادى.   

"بيىل ادەتتەگىدەي اۋقىمدى شارا وتكىزۋدىڭ رەتى بولماي وتىر. سول سەبەپتەن، مارافون تەك ونلاين فورماتتا وتەدى. بۇل مارافوندا جەڭىمپازدار انىقتالمايدى. باستى ماقسات – جارىس ەمەس، ەڭ الدىمەن كارانتين كەزىندە تۇرعىنداردىڭ سپورتقا دەگەن قىزىعۋشىلىعىن ارتتىرۋ. مارافون جاس ەرەكشەلىگىنە بايلانىستى ء تۇرلى قاشىقتىقتاردا وتەدى. ماسەلەن، 10-15 جاس ارالىعىنداعى بالالار اراسىندا 1،2 (3 اينالىم)، 16 جاستان جوعارى جاسوسپىرىمدەر ءۇشىن 3 كم (8 اينالىم). بالالارعا قاتىسۋ تەگىن. العاشقى تىركەلگەن 10-15 جاس ارالىعىنداعى 450 بالاعا، 16 جاستان جوعارى 700 جاسوسپىرىمگە ەستەلىك مەدالدار بەرىلەدى. ال، ەرەسەكتەر اراسىندا ونلاين جۇگىرۋدى اپتانىڭ كەز-كەلگەن كۇنىندە قاتىسۋشىلاردىڭ قالاۋى بويىنشا 10، 21 جانە 42 كم قاشىقتىقتا وتكىزۋ جوسپارلانۋدا"، دەيدى رينات يبراگيموۆ.

قايىرىمدىلىق مارافونىنان جينالعان قاراجاتتى "اتىراۋ – شاعىن مەملەكەت" قوعامدىق بىرلەستىگىنە تابىستاۋ كوزدەلىپ وتىر.

سوڭعى جاڭالىقتار

«سەرپىننەن» سەرپىلىس كۇتەمىز

ءبىلىم • بۇگىن، 07:15

تسيرك - الەم نازارىندا

قازاقستان • كەشە

ۇقساس جاڭالىقتار