قوعام • 21 قىركۇيەك، 2020

پاۆلوداردا 10 جىل ىشىندە ەكو ارقىلى 115 بالا دۇنيەگە كەلگەن

31 رەت كورسەتىلدى

ونىڭ ون جەتىسى − ەگىز، ۇشەۋى – ۇشەم. بۇل تۋرالى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ساۋلە ارىستانوۆا اگەنتتىكتىڭ جولداعان رەسمي ساۋال حاتىندا مالىمدەدى، حابارلايدى Egemen.kz

بۇل تۋرالى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ساۋلە ارىستانوۆا اگەنتتىكتىڭ جولداعان رەسمي ساۋال حاتىندا مالىمدەدى.

"وڭىردە بالا سۇيە المايتىن جۇپتاردىڭ سانى جىل سايىن ارتىپ كەلەدى. مىسالى، 2018 جىلى وبلىستىڭ مەديتسينالىق ۇيىمدارىندا ديسپانسەرلىك تىركەۋگە 1911 جۇپ الىنسا، 2019 جىلى ولاردىڭ سانى  2115 جۇپقا  جەتكەن. ايەلدەر بەدەۋلىگى 51%، ەرلەر اراسىندا بەلسىزدىك 49%. 2020 جىلعى 15 قىركۇيەكتەگى جاعداي بويىنشا 818 ەرلى-زايىپتى ەكو-عا كۆوتا الۋ كەزەگىندە تۇر.  بەدەۋلىكتىڭ جاس قۇرىلىمىنا كەلەتىن بولساق،  28-دەن 42 جاسقا دەيىنگى ايەلدەر مەن 30 جاستان جانە ودان ۇلكەن ەر ادامداردا كەزدەسەدى. بەدەۋلىك پەن بەلسىزدىكتىڭ سەبەبى كوبىنەسە قابىنۋ گەنەزيسىنە بايلانىستى"، دەيدى ساۋلە ارىستانوۆا.

دەنساۋلىق ساقتاۋ باسقارماسى ۇسىنعان مالىمەتكە سۇيەنسەك، ەكستراكورپورالدى ۇرىقتاندىرۋعا كۆوتالار ءبولۋ قر دەنساۋلىق ساقتاۋ مينيسترلىگىنىڭ 2010 جىلعى 5 قاڭتارداعى № 1 جانە 2011 جىلعى 30 ناۋرىزداعى № 162 بۇيرىقتارىنا سايكەس جۇزەگە اسىرىلادى. 

اتالعان باعدارلاما شەڭبەرىندە 10 جىل ىشىندە، ياعني  2010 جىلدان 2020 جىلعا دەيىن، پاۆلودار وبلىسى ءۇشىن مەديتسينالىق كومەكتىڭ كەپىلدەندىرىلگەن كولەمى ءۇشىن ەكو-عا 335 كۆوتا بولىنگەن. ناقتىراق ايتاتىن بولسا، 2010 – 5، 2011 – 18، 2012 – 30، 2013 – 27، 2014 – 27، 2015 – 36، 2016 – 34، 2017 – 38، 2018 – 36، 2019 –38، 2020 – 46).

"ەكو باعدارلاماسىنىڭ تيىمدىلىگى 30-دان 42% -كە دەيىن قۇرايدى. جىل سايىن ەرلى-زايىپتىلاردى ەكو-عا كۆوتا بويىنشا جىبەرگەن كەزدە ولاردىڭ تەك ۇشتەن ءبىر بولىگى وڭ ناتيجە بەرەدى. سونداي-اق ولاردىڭ اراسىندا جارتىسىندا كوپجۇكتىلىك كەزدەسەدى. مەديتسينالىق كومەكتىڭ كەپىلدەندىرىلگەن كولەمى شەڭبەرىندە ايەلدەردىڭ بەدەۋلىگى ترۋبنو-پەريتونەالدى فاكتورعا بايلانىستى، ەرلەردىڭ بەلسىزدىگى اۋىر فورمالارى (وليگو، استەنو، تەراتوزووسپەرميا) تىركەلگەن جاعدايدا  جاساندى ۇرىقتاندىرۋ كورسەتكىشتەرى بولادى. سونداي-اق ولار 19-45 جاس ارالىعىندا رەسمي نەكەدە تىركەلگەن، بالالارى جوق قازاقستان رەسپۋبليكاسىنىڭ ازاماتتارى بولۋى ءتيىس"، دەيدى ساۋلە ارىستانوۆا

بەدەۋلىكتىڭ ءارتۇرلى فورمالارى بار ناۋقاستار اۋماقتىق ەمحانالاردىڭ جانىنداعى ديسپانسەرگە تىركەلىپ، سودان كەيىن دەنساۋلىق ساقتاۋ بولىمىنە كەزەككە قويىلادى.

ەرلى-زايىپتىلار دەنساۋلىق ساقتاۋ مينيسترلىگىنىڭ مەملەكەتتىك تاپسىرىسىن الاتىن ەكو ورتالىقتارىنىڭ ءبىرىن تاڭداۋعا قۇقىلى.

كەزەكتىلىككە سايكەس پاتسيەنتتەر ورتالىقتاردىڭ بىرىنە ء(وز قالاۋى بويىنشا) ىرىكتەۋدەن ءوتۋ جانە كوميسسيا شەشىمىن قابىلداۋ ءۇشىن جىبەرىلەدى.

ەكو ورتالىقتارى كوميسسيالارىنىڭ شەشىمىنىڭ ناتيجەلەرى بويىنشا ەرلى-زايىپتىلارعا كۆوتاعا جولداما بولىنەدى.

ەسكە سالا كەتەيىك، قازاقستان حالقىنا جولداۋىن جاريا ەتكەن پرەزيدەنت قاسىم-جومارت توقاەۆ  ۇكىمەتكە 2021 جىلدان باستاپ "اڭساعان ءسابي" ارناۋلى باعدارلاماسىن ىسكە قوسۋدى جانە "ەكو" باعدارلاماسىمەن كۆوتانى 7 مىڭعا دەيىن، ياعني 7 ەسە كوبەيتۋدى تاپىرعان بولاتىن.

سوڭعى جاڭالىقتار

قاۋىپتى ىندەتكە قارسى قامدانىس

كوروناۆيرۋس • بۇگىن، 07:40

ۇلتتىڭ جاڭا بولمىسى

پىكىر • بۇگىن، 07:35

پيك-ءتىڭ ورنىنا – جاڭا ۇيىم

ايماقتار • بۇگىن، 07:27

قاۋىپتى ۆيرۋس شابۋىل جاسادى

تەحنولوگيا • بۇگىن، 07:09

كيبەرقاۋىپسىزدىك تۋرالى مالىمدەدى

تەحنولوگيا • بۇگىن، 07:08

ءبىرى كەتىپ، ەكىنشىسى كەلدى

حوككەي • بۇگىن، 07:00

جاڭا سالماق قوسىلدى

كاسىپقوي بوكس • بۇگىن، 06:59

اققۋلاردان تاراعان اۋرۋ

قوعام • بۇگىن، 06:59

مولدىربۇلاقتىڭ كوزىن اشتى

ايماقتار • بۇگىن، 06:56

مۇنايشىلاردىڭ قامقورلىعى

قوعام • بۇگىن، 06:46

لوماچەنكو-لوپەس: جاستىڭ اتى جاس ەكەن

كاسىپقوي بوكس • بۇگىن، 06:28

جىگىتتەر جۇلقىنىپ تۇر

سپورت • بۇگىن، 06:26

ادامزات اقىل-ويىنىڭ الىبى

رۋحانيات • بۇگىن، 06:22

«ماماندىعىم – قۇتقارۋشى!»

قوعام • بۇگىن، 06:13

ۇقساس جاڭالىقتار