دايىندىق بارىسى قالاي؟
ال قازىر مۇنايلى وڭىردە كوروناۆيرۋس ينفەكتسياسىنىڭ ەكىنشى تولقىنىنا دايىندىق قالاي ءوربىپ جاتىر؟ الدىن الۋ شارالارى قولعا الىندى ما؟ وبلىس اكىمى ماحامبەت دوسمۇحامبەتوۆتىڭ مالىمەتىنشە, ءدارى-دارمەكتىڭ جەتكىلىكتى قورى جاساقتالىپتى.
دەگەنمەن ايماقتا ءالى 300-دەن استام مەديتسينا قىزمەتكەرى جەتىسپەيدى. ولاردىڭ قاتارىندا رەانيماتولوگ, پۋلمونولوگ سىندى ماماندار تاپشى. ولاي بولسا, وڭىردەگى دارىگەرلەردىڭ بىلىكتىلىگىن ارتتىرۋ ءۇشىن نە ىستەگەن ءجون؟
– ءبىز كۇردەلى كەزەڭدى باستان وتكەردىك. دəرىگەرلەرىمىزدىڭ كəسىبي شەبەرلىگىنىڭ ناتيجەسىندە قيىن جاعدايدى ەڭسەردىك. قازىر پاندەميانىڭ ەكىنشى تولقىنىنا دايىندىقتى باستاپ كەتتىك. ايماقتا قاجەتتى ءدəرى-دəرمەك قورى جاساقتالدى. ستاتسيونارلارداعى كەرۋەتتەر سانى دا ناقتىلانىپ جاتىر. كوروناۆيرۋسقا شالدىققانداردى ەمدەۋ وزگە اۋرۋى بار ناۋقاستاردىڭ جوسپارلى ەم قابىلداۋىنا كەدەرگى كەلتىرمەيدى دەپ كۇتىلۋدە. ايماق دارىگەرلەرىنىڭ بىلىكتىلىگىن ارتتىرۋ ءۇشىن كونسۋلتاتسيا دا, باسقا ارىپتەستەرىمەن تاجىريبە الماسۋ دا كەرەك. سول سەبەپتەن گرۋزيادان بەس دارىگەر شاقىرىپ وتىرمىز. ولار اتىراۋلىق ارىپتەستەرىنە قاۋىپتى ىندەتكە شالدىققانداردى ەمدەۋگە بايلانىستى كەڭەس بەرۋمەن قاتار, ءبىزدىڭ ماماندارىمىزدى قاتەرلى ۆيرۋسقا قارسى نəتيجەلى كۇرەس جۇرگىزۋ ءۇشىن دايىنداۋعا اتسالىسادى. ءبىز ءۇشىن وبلىستىڭ ەكىنشى تولقىنعا دايىندىعى ماڭىزدى بولىپ وتىر, – دەدى وبلىس اكىمى ماحامبەت دوسمۇحامبەتوۆ
گرۋزيادان كەلگەن دəرىگەرلەردىڭ ءبىرى دجيمشەر احۆلەديانيدىڭ پىكىرىنشە, باستى ماسەلە – ۇرەيگە بوي الدىرماۋ. سودان سوڭ ناۋقاستارعا حاتتاماعا سايكەس, ەم جۇرگىزۋدە دالدىك قاجەت. دارىگەرلەر مەن ورتا بۋىنداعى مەديتسينا ماماندارىنىڭ اراسىندا ارىپتەستىك ىنتىماقتىڭ دا الار ورنى ەرەكشە بولماق. جالپى مەديتسينا سالاسىنىڭ ماماندارىنىڭ ناۋقاستاردى ەمدەۋدەگى ۇيلەسىمدى جۇمىسى عانا ناقتى ناتيجەگە قول جەتكىزەدى.
– ءبىز اتىراۋلىق əرىپتەستەرىمىزگە كومەك كورسەتۋ ءۇشىن ءوز تəجىريبەمىزبەن بولىسۋگە دايىنبىز. كەڭەسىمىزدى تەك اتىراۋعا كەلگەندە عانا بەرۋمەن شەكتەلمەيمىز. قازىرگىدەي تەحنولوگيانىڭ, سونىڭ ىشىندە بەينەبايلانىستىڭ دامىعان داۋىرىندە كەڭەسىمىزدى بەرۋدىڭ مۇمكىندىگى ارتىپ وتىر. سوندىقتان ءبىزدىڭ ەكىجاقتى ارىپتەستىك بايلانىسىمىز نəتيجەلى بولارىنا سەنەمىن, – دەيدى گرۋزيالىق دəرىگەر-رەانيماتولوگ دجيمشەر احۆلەدياني.
دارىگەرلەردىڭ ەڭبەگى ەلەندى مە؟
وڭىردە قاۋىپتى ىندەتتىڭ سالعان ىلاڭى از ەمەس. ونى تۇرعىندار دا, مەديتسينا قىزمەتكەرلەرى دە كوردى. وبلىستىق دەنساۋلىق ساقتاۋ باسقارماسىنىڭ باسشىسى نۇرلىبەك قابدىقاپاروۆتىڭ مالىمدەۋىنشە, كوروناۆيرۋس پەن ۆيرۋستىق پنەۆمونيانى جۇقتىرعان اتىراۋلىقلىقتاردىڭ اراسىندا 1085 مەديتسينا قىزمەتكەرى دە بار. ونىڭ ىشىندە كوروناۆيرۋس جۇقتىرعان 561, ۆيرۋستىق پنەۆمونيا دياگنوزىمەن 524 مەديتسينا قىزمەتكەرى تىركەۋگە الىندى.
مەملەكەت باسشىسىنىڭ تاپسىرماسىنا سايكەس كوروناۆيرۋس ينفەكتسياسىمەن كۇرەسكە جۇمىلدىرىلعان مەديتسينا قىزمەتكەرلەرىنە ناۋرىز-تامىز ايلارىندا تولەنگەن ۇستەمەاقىنىڭ كولەمى 2 ملرد 145 ملن تەڭگەنى قۇرادى. ناقتىلاي ايتقاندا, 79 مەديتسينا قىزمەتكەرىنىڭ ارقايسىسىنا 2 ملن تەڭگەدەن ۇستەماقى تولەندى. قاۋىپتى ىندەتتىڭ سالدارىنان 13 مەديتسينا قىزمەتكەرى كوز جۇمعان ەدى. ونىڭ التاۋى كوروناۆيرۋسپەن, جەتەۋى ۆيرۋستىق پنەۆمونيانى جۇقتىرىپ العانى انىقتالدى. قايتىس بولعان ەكى مەديتسينا قىزمەتكەرىنىڭ ارقايسىسىنىڭ وتباسىنا 10 ملن تەڭگەدەن بەرىلدى. بۇل باعىتتاعى جۇمىستى ارنايى كوميسسيانىڭ وتىرىسىندا قاراۋ جالعاسادى, – دەيدى وبلىستىق دەنساۋلىق ساقتاۋ باسقارماسىنىڭ باسشىسى نۇرلىبەك قابدىقاپاروۆ.
قازىر ءوڭىر تۇرعىندارىن ەمحانالارعا تىركەۋ جالعاسىپ جاتىر. باسقارما باسشىسىنىڭ ايتۋىنشا, اتىراۋ وبلىسىندا تۇرعىندارعا 20 مەديتسينالىق مەكەمە قىزمەت كورسەتەدى. ونىڭ ىشىندە 15-ءى – مەملەكەتتىك, ال بەسەۋى – جەكە يەلىكتەگى مەديتسينالىق مەكەمە. وڭىردە 651 703 ادام تۇرادى. قازىر ونىڭ 647 837-ءسى ەمحانالاردىڭ تىركەۋىنە الىنىپتى. ونىڭ ىشىندە 18 جاسقا دەيىنگى ءجاسوسپىرىم مەن بالانىڭ سانى 244 322-ءنى قۇرايدى. اۋىلدارداعى ەمدەۋ مەكەمەلەرىنە 356 524 ادام تىركەلىپتى.
سونداي-اق, وبلىستىق اۋرۋحانادا, №2 وبلىستىق جۇقپالى اۋرۋلار اۋرۋحاناسىندا, كارديولوگيالىق ورتالىق پەن قۇرمانعازى, جىلىوي, قىزىلقوعا اۋداندىق اۋرۋحانالارىندا ورتالىقتاندىرىلعان وتتەگى ستانساسىنىڭ قۇرىلىس-مونتاج جۇمىستارى جۇرگىزىلۋدە. ەندى يندەر, يساتاي اۋداندىق اۋرۋحانالارىندا دا وسىنداي وتتەگى ستانساسىن ورناتۋدى قارجىلاندىرۋ ماسەلەسى قاراستىرىلىپ وتىر.
اتىراۋ وبلىسى
