ەندى ولار وزدەرى تۇراتىن اۋدانداعى وسىنداي ورتالىقتا كۋالىكتى جاڭارتا الادى. ءتىپتى دايىن قۇجاتتى پوشتامەن الدىرۋىنا مۇمكىندىك جاسالىپ وتىر. وسى ماقساتتى كوزدەگەن «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق پەن «قازپوشتا» اق-تىڭ اتىراۋ وبلىستىق فيليالدارى اراسىندا ەكىجاقتى ىنتىماقتاستىق جونىندەگى كەلىسىمگە قول قويدى.
– شالعاي اۋدانداردىڭ تۇرعىندارى حالىققا قىزمەت كورسەتۋ ورتالىعى ارقىلى ءوتىنىش بەرىپ, تۇرعىلىقتى مەكەنجايىن كورسەتەدى. ءبىزدىڭ قىزمەتكەرلەر ءوتىنىشتى مەملەكەتتىك ورگانعا جولدايدى. قۇجات دايىن بولعان سوڭ اتىراۋ قالاسىنان پوشتامەن قىزمەت الۋشىنىڭ ۇيىنە دەيىن جەتكىزىلەدى. ال پوشتاشى قولدانۋ مەرزىمى وتكەن ەسكى قۇجاتتى كەرى الىپ كەتەدى. بۇل – ساپالى قىزمەت كورسەتۋدىڭ ءبىر تەتىگى, – دەيدى «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق وڭىرلىك فيليالىنىڭ ديرەكتورى مۇسا حايرۋلليەۆ.
قۇجاتتى جەتكىزىپ بەرۋ قىزمەتىنىڭ قۇنى قىمبات ەمەس. تاپسىرىس بەرۋشى بۇل ءۇشىن 470 تەڭگە تولەيدى. ال پوشتاشىلار اۋداندارعا كۇن سايىن قاتىنايدى.
اتىراۋ وبلىسى
