ايماقتار • 17 قىركۇيەك، 2020

قوستاناي وبلىسىندا جول جوندەۋ بارىسىندا 200-دەن استام ورەسكەل قاتەلىك انىقتالدى

26 رەت كورسەتىلدى

ايماقتاعى  اۆتوكولىك جولدارى 57 ملن تەڭگە قارجىعا قايتا جوندەۋدەن وتۋدە. بۇل تۋرالى وڭىرلىك كوممۋنيكاتسيا قىزمەتى ورتالىعىندا وتكەن ءباسپاسوز جيىنىندا جول اكتيۆتەرىنىڭ ساپاسى ۇلتتىق ورتالىعى وبلىستىق فيليالىنىڭ باسشىسى ابىلايحان الشىنباەۆ مالىمدەدى، دەپ حابارلايدى Egemen.kz.

"جىل باسىنان بەرى قوستاناي وبلىسىنداعى اۆتوموبيل جولدارىنا 600 رەت ينسپەكتسيالىق تەكسەرىس جۇرگىزىلدى. ناتيجەسىندە 800 كەمشىلىك انىقتالدى. ونىڭ ىشىندە 200-دەن استام ورەسكەل قاتەلىك ورىن الىپ وتىر"، دەدى ا.الشىنباەۆ.

3

فيليال باسشىسى جول جوندەۋگە قاتىستى كەمشىلىكتەردى سانامالاپ ءوتتى.  مىسالى، وبلىستىڭ كولىك جولدارىن وڭداۋ بارىسىندا اسفالت-بەتون قوسپاسى جولعا تالاپقا ساي جەتكىلىكتى دەڭگەيدە قىزدىرىلماي توسەلەدى.  

1

تەمىربەتون بۇيىمدارى دۇرىس قويىلمايدى. سونداي-اق، جۇمىس تەحنولوگياسى ساقتالمايدى. جاڭا توسەلگەن اسفالتقا ءتيىستى كۇتىم جاسالمايدى. جولدىڭ استىڭعى قىرتىسى دۇرىس تىعىزدالمايدى. جوندەۋ ءجۇرىپ جاتقان جول ۋچاسكەسىندە جول-قۇرىلىس  تەحنيكاسىنىڭ كەشەنى كوبىنە جەتكىلىكسىز بولىپ شىعادى.

فيليال تاپسىرىس بەرۋشىلەر مەن مەردىگەرلەرگە جول جوندەۋدە كەزدەسەتىن كەمشىلىكتەردى جويۋ تۋرالى 270 حات جولداعان.

 

قوستاناي وبلىسى

سوڭعى جاڭالىقتار

نامىسىن تۋ ەتكەن

رۋحانيات • كەشە

ۇقساس جاڭالىقتار