مەملەكەتتىك كىرىستەر كوميتەتىنىڭ ءباسپاسوز قىزمەتىنىڭ حابارلاۋىنشا, ەسەپتى كەزەڭدە مەملەكەتتىك بيۋدجەتكە تۇسكەن سالىق تۇسىمدەرى وتكەن جىلدىڭ ۇقساس كەزەڭىنە قاراعاندا 11,1%-عا (نەمەسە 646,7 ملرد تەڭگەگە) تومەندەۋمەن 5 ترلن 158,3 ملرد تەڭگەنى قۇرادى. ونىڭ ىشىندە رەسپۋبليكالىق بيۋدجەت بويىنشا 24,4%-عا (نەمەسە 1 037,6 ملرد تەڭگەگە) تومەندەدى, جەرگىلىكتى بيۋدجەت بويىنشا 25,1%-عا (نەمەسە 390,9 ملرد تەڭگەگە) ءوستى.
رەسپۋبليكالىق سالىقتار بولىگىندە ورىندالماۋ كتس (25,0%-عا), ءىتو-گە ققس (26,4%-عا), ءۇشىنشى ەلدەردەن يمپورتقا ققس (34,3%-عا) جانە ەاەو ەلدەرىنەن يمپورتقا ققس (23,1%-عا) بويىنشا بايقالادى.
كورسەتىلگەن سالىقتار بويىنشا تۇسىمدەر وتكەن جىلدىڭ ۇقساس كەزەڭىمەن سالىستىرعاندا كتس (31,9%-عا), ءىتو-گە ققس (15,7%-عا) جانە ءۇشىنشى ەلدەردەن يمپورتقا ققس (6,7%-عا) تومەندەدى.
تومەندەۋدىڭ سەبەبى سىرتقى جانە ىشكى فاكتورلارعا بايلانىستى ەكونوميكالىق احۋالدىڭ ناشارلاۋى ەكەنى بەلگىلى.
2019 جىلدىڭ ۇقساس كەزەڭىمەن سالىستىرعاندا نەگىزگى ەكسپورتتىق پوزيتسيالارعا, ونىڭ ىشىندە مۇنايعا – 36,5%, مىرىشقا – 18,3%, اليۋمينيگە – 10,9%, قورعاسىنعا – 9,3%, مىسقا 5,9% كولەمىندە باعانىڭ تومەندەۋى بايقالادى.
2020 جىلعى 8 ايدا ءۇشىنشى ەلدەرمەن تاۋار اينالىمى 11,9%-عا تومەندەدى (ەكسپورت 15,4%-عا, يمپورت 4,5%-عا). ونىڭ ىشىندە تاۋار اينالىمىنىڭ 20,7%-عا تومەندەۋى بيىلعى تامىزعا كەلەدى (ەكسپورت 34,9%-عا ازايدى, يمپورت 3,7%-عا ءوستى).
2020 جىلعى 8 ايدا ىسكە اسىرۋ بويىنشا اينالىمدار 2019 جىلدىڭ ۇقساس كەزەڭىمەن سالىستىرعاندا 11,6%-عا تومەندەدى (60 066,4 ملرد تەڭگەدەن 53 120,3 ملرد تەڭگەگە دەيىن).
كورسەتىلگەن كەزەڭدە ءبىر سالىق تولەۋشىگە ونلاين بكم ورتاشا ءتۇسىمى 32,5%-عا تومەندەدى (29,5 ملن تەڭگەدەن 19,9 ملن تەڭگەگە دەيىن).
كوروناۆيرۋستىڭ تارالۋى قىتايمەن قاتىناستا كولىك قۇرالدارى سانىنىڭ 12,9%-عا, ونىڭ ىشىندە اۆتوكولىك قۇرالدارىنىڭ 51,5%-عا تومەندەۋىنە اكەلدى. بيىلعى قاڭتار-تامىز ايلارىندا يمپورتتىڭ ءىس جۇزىندەگى كولەمى 27,2%-عا تومەندەدى (1 437 مىڭ توننادان 1 046 مىڭ تونناعا دەيىن).
سونىڭ سالدارىنان, قحر-دان تاۋارلار يمپورتىنان كەدەندىك باجدار مەن سالىقتاردىڭ ءتۇسىمى 10,3%-عا نەمەسە 24,3 ملرد تەڭگەگە ازايدى.
2020 جىلعى قاڭتار-تامىزدا ەاەو ەلدەرىنەن بولىنگەن باجدار 14,6%-عا (212 ملرد تەڭگەدەن 181 ملرد تەڭگەگە دەيىن), ونىڭ ىشىندە بيىل تامىزدا 8,6%-عا تومەندەدى.
بيىلعى 8 ايدا جەرگىلىكتى بيۋدجەتكە تۇسەتىن سالىق تۇسىمدەرى بويىنشا جوسپار 275 ملرد تەڭگەگە ارتىق ورىنداۋ ارقىلى 116,4% ورىندالدى.
جەرگىلىكتى بيۋدجەتكە سالىق تۇسىمدەرى 1 946,3 ملرد تەڭگەنى قۇرادى, وتكەن جىلدىڭ ۇقساس كەزەڭىمەن سالىستىرعاندا 25,1%-عا (نەمەسە 390,9 ملرد تەڭگەگە) ءوستى. جەرگىلىكتى بيۋدجەت جوسپارىنىڭ ارتىعىمەن ورىندالۋىنا كورپوراتيۆتى تابىس سالىعىنىڭ جەرگىلىكتى بيۋدجەتكە بەرىلۋى اسەر ەتتى.
