تاريح • 16 قىركۇيەك، 2020

جامبىلدا پوليتسيا اۋلەتتەرىنىڭ 300 جىلدىق تاريحى قالىپتاسقان

32 رەت كورسەتىلدى

جامبىلدا پوليتسيا اۋلەتتەرىنىڭ 300 جىلدىق تاريحى قالىپتاسقان، دەپ جازادى Egemen.kz

ەل تاريحىندا ءبىر اۋلەتتىڭ عۇمىرى تۇتاسىمەن ءبىر سالاعا ارنالعان جاعدايلار بار. ماسەلەن، ەل ىشىنەن وتباسىمەن دارىگەرلەر، مۇعالىمدەر، تەمىرجولشىلار جانە تاعى دا باسقا ماماندىق يەلەرىن بىلەمىز. ءتىپتى اتا جولىن جالعاستىرىپ، ۇرپاقتار ساباقتاستىعىن ساقتاپ وتىرعان اۋلەتتەر دە جەتەرلىك. ماسەلەن، جامبىل وبلىسىنىڭ پوليتسيا دەپارتامەنتىندە پوليتسيا اۋلەتتەرىنىڭ جالپى ەڭبەك ءوتىلى 300 جىلدان اسادى ەكەن. ءۇش عاسىر بويى جەكەلەگەن اۋلەتتەر ەلدىڭ تىنىشتىعىنا، قوعامنىڭ قاۋىپسىزدىگىنە ۇلەس قوسىپ كەلەدى.

وڭىردەگى پوليتسەيلەر اۋلەتى ىشكى ىستەر ورگاندارى قىزمەتكەرلەرىنىڭ جاس بۋىنىنىڭ كاسىبي قىزمەتىنە، ادامگەرشىلىك جانە پاتريوتتىق تاربيەلەۋ ىسىنە ىقپال ەتۋدە. دەپارتامەنتتىڭ مالىمەتىنشە، وبلىستا ءار كەزەڭدە ىشكى ىستەر سالاسىندا قىزمەت ەتكەن جانە قىزمەت ەتەتىن ءۇش بۋىن وكىلدەرى بار. ماسەلەن، دەمەسىنوۆتەر مەن زاينۋلليندەر وتباسىندا ءتورت ادام ىشكى ىستەر سالاسىنىڭ قىزمەتكەرلەرى بولىپ ەڭبەك ەتەتىن بولسا، ال دۇيسەباەۆتار، نامازباەۆتار، تۇرمانوۆتار مەن ورازبەكوۆتەردىڭ وتباسىندا ءۇش ادامنان بار. سونىمەن قاتار سارىسۋ اۋدانىندا تۇراتىن ساتماحانوۆتار اۋلەتىندە دە جەتى ادام،  ياعني اتاسىنان نەمەرەلەرىنە دەيىن وسى سالادا قىزمەت ەتىپ ءجۇر. ولار ءار كەزەڭدە ستارشينادان باستاپ، پوليتسيا پودپولكوۆنيگى دارەجەسىنە دەيىن ءتۇرلى لاۋازىمداردا قىزمەت اتقارعان. جانە قازىرگى تاڭدا ولاردىڭ كەيىنگى بۋىنى دا پوليتسيا قاتارىندا ساپ تۇزەپ جۇمىس ىستەيدى.

بۇگىندە جامبىل وبلىسىندا 70-تەن استام پوليتسەيلەر وتباسى جۇمىس ىستەيدى ەكەن. ولاردىڭ ەكى ۇرپاعى – اكەسى، ۇلى نەمەسە قىزى ىشكى ىستەر ورگاندارىندا قازىر دە قىزمەت اتقارۋدا. جامبىل وبلىستىق پوليتسيا دەپارتامەنتىنىڭ باستىعى، پوليتسيا گەنەرال-مايورى جانات سۇلەيمەنوۆ ءتارتىپ ساقشىلارىنىڭ اۋلەتتەرىنىڭ ءاربىر بۋىن وكىلىنەن شاعىن ساۋالناما جۇرگىزگەن. ءوڭىردىڭ باس پوليتسەيى اڭگىمە بارىسىندا باتىل جانە ادال ادامدار تۋرالى ەستەلىكتەر ايتىلعانىن، اسىرەسە ماقساتىنا بەرىك پوليتسيا قىزمەتكەرى سياقتى ماماندىق تۋرالى ماڭىزدى سۇحبات بولعانىن جەتكىزدى.

سوڭعى جاڭالىقتار

ۇقساس جاڭالىقتار