ايماقتار • 16 قىركۇيەك، 2020

قاراساي جانە تالعار اۋداندارىندا 14 بلوك-ءمودۋلدى قازاندىق ىسكە قوسىلادى

11 رەت كورسەتىلدى

الماتى وبلىسىندا جىلىتۋ ماۋسىمى باستالماس بۇرىن قاراساي جانە تالعار اۋداندارىندا 1000-نان استام ابونەنتتەرى بار 23 كوپپاتەرلى تۇرعىن ۇيلەردى ورتالىق جىلىتۋعا قوسۋعا مۇمكىندىك بەرەتىن 14 بلوكتىق-مودۋلدىك قازاندىقتاردىڭ قۇرىلىسىن اياقتاۋ جوسپارلانۋدا، دەپ حابارلايدى Egemen.kz الماتى وبلىسى اكىمىنىڭ ءباسپاسوز قىزمەتىنە سىلتەمە جاساپ.

وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ مالىمەتىنشە، قاراساي وڭىرىندە جالپى قۇنى 983 ميلليون تەڭگەنى قۇرايتىن 3 بلوك-ءمودۋلدى قازاندىق (بمق) ورناتىلادى. ناتيجەسىندە 409 ابونەنتى بار 10 كوپپاتەرلى تۇرعىن ءۇي ورتالىق جىلىتۋعا قوسىلادى. جوبا «جۇمىسپەن قامتۋدىڭ جول كارتاسى» باعدارلاماسى اياسىندا جۇزەگە اسىرىلۋدا. سونداي-اق تالعار اۋدانىندا 11 بمق قۇرىلىسى ءۇشىن «Gorizont KZ» جشس-مەن 850 ميلليون تەڭگە سوماسىندا ينۆەستيتسيالىق كەلىسىمشارت جاسالدى. ول 632 ابونەنتى بار 13 كوپپاتەرلى تۇرعىن ءۇيدى جىلىتۋعا قوسىلادى.

جالپى، 2019 جىلدىڭ سوڭىندا تالعار اۋدانىندا 129 كوپپاتەرلى تۇرعىن ۇيگە 21 بمق ورناتىلدى. ناتيجەسىندە 3857 ابونەنت ساپالى جىلۋمەن قامتاماسىز ەتىلدى.

بيىل قاراتال، قاراساي، ەڭبەكشىقازاق جانە پانفيلوۆ اۋداندارىندا 33 بمق ورناتۋ ارقىلى 108 كوپپاتەرلى تۇرعىن ءۇي ورتالىقتاندىرىلعان جىلىتۋعا قوسۋدىڭ جوبالىق-سمەتالىق قۇجاتى ازىرلەندى. 2021 جىلى ەڭبەكشىقازاق، قاراساي، ۇيعىر، كوكسۋ جانە ىلە اۋداندارىندا 254،3 ميلليون تەڭگە سوماسىنا 106 كوپپاتەرلى تۇرعىن ءۇي قامتىلعان 17 بمق ورناتۋ ءۇشىن قوسىمشا جوبالىق-سمەتالىق قۇجاتتاما ازىرلەۋ جوسپارلانۋدا.

تالعار اۋدانىنا قاراستى «مەليوراتور» جانە «بوزتورعاي» شاعىن اۋدانداردىڭ تۇرعىندارى كوپقاباتتى ۇيلەردى ورتالىق جىلىتۋعا قوسۋ ماسەلەسىن ايماق باسشىسىنا جولداعان بولاتىن. مودۋلدىك قازاندىقتاردى ورناتۋ جۇمىستارى وبلىس اكىمىنىڭ تاپسىرماسى بويىنشا اتالعان شاعىن اۋدانداردا جۇيەلى تۇردە اتقارىلۋدا. ءدال وسى اۋدان تۇرعىندارى وبلىستىڭ بارلىق اۋدانى مەن قالاسىن بىرتىندەپ قامتيتىن جۇمىستاردىڭ ناتيجەلەرىن العاشقىلاردىڭ ءبىرى بولىپ جوعارى باعالادى.

وبلىس اكىمى اماندىق باتالوۆ اتاپ وتكەندەي، كوپپاتەرلى تۇرعىن ۇيلەردى ورتالىقتاندىرىلعان جىلۋمەن جابدىقتاۋعا قوسۋ – حالىقتىڭ ءومىر ءسۇرۋ دەڭگەيىن كوتەرۋ ءۇشىن اتقارىلاتىن جۇمىستىڭ ءبىرى. دەمەك، بۇل جۇمىس قويىلعان مىندەتتەردى زور جاۋاپكەرشىلىكپەن جانە ساپالى ورىنداۋدى تالاپ ەتەدى.

ايتا كەتۋ كەرەك، وبلىستا بارلىعى 3581 كوپپاتەرلى تۇرعىن ءۇي بار. ونىڭ 366-سىندا جەكە جىلۋ بار. 2018 جىلدان باستاپ بەكىتىلگەن كەستەگە سايكەس ورتالىق گازبەن جىلىتۋعا كوشىرۋ جۇمىستارى جۇرگىزىلۋدە.

سوڭعى جاڭالىقتار

تۇتاستىقتىڭ تۇعىر ءدىڭى

ايماقتار • بۇگىن، 14:57

"دامۋمەن" بىرگە داميدى

ايماقتار • بۇگىن، 13:30

اسار شاعىناۋدانىندا 100 وتباسى جۇمىسپەن قامتىلدى

وڭتۇستىك قازاقستان • بۇگىن، 10:31

ومبىدا اباي ءۇيى اشىلدى

اباي • بۇگىن، 10:20

التىن ارزاندايدى

الەم • بۇگىن، 09:40

ەڭ ۇزدىك بەستىكتە

كاسىپقوي بوكس • بۇگىن، 07:58

الەم چەمپيوناتىنا قاتىسادى

سپورت • بۇگىن، 07:52

ءتۋرنيردى جەڭىسپەن باستادى

تەننيس • بۇگىن، 07:50

جاستاردىڭ جۇرەك قالاۋى

قوعام • بۇگىن، 07:43

ىزگىلىكتى ىسكە جۇمىلعاندار

قوعام • بۇگىن، 07:37

تارازدا كۇردەلى وپەراتسيا جاسالدى

مەديتسينا • بۇگىن، 07:35

ۆيرتۋالدى ۆيرۋس

قوعام • بۇگىن، 07:16

ءورىس كەڭەيسە، ءونىم ارتادى

ەكونوميكا • بۇگىن، 07:09

اجالعا اراشا ءتۇستى

مەديتسينا • بۇگىن، 07:02

حايپ پەن بايىپ

قوعام • بۇگىن، 07:01

قازاقستاندىق كەلىسىم ۇلگىسى

ساياسات • بۇگىن، 06:52

ەكپە الۋدىڭ پايداسى مول

قوعام • بۇگىن، 06:45

ۇقساس جاڭالىقتار