الەم • 16 قىركۇيەك، 2020

پولشا قازاقستاندى اۋە قاتىناسىنا تىيىم سالىنعان ەلدەر تىزىمىنەن الىپ تاستادى

12 رەت كورسەتىلدى

پولشا رەسپۋبليكاسى ۇكىمەتىنىڭ وكىمىمەن قازاقستان 16 قىركۇيەكتەن باستاپ ۆارشاۆا بۇدان بۇرىن تىكەلەي اۋە قاتىناسىنا تىيىم سالعان ەلدەر تىزىمىنەن شىعارىلدى، دەپ حابارلايدى Egemen.kz مينيسترلىكتىڭ ءباسپاسوز قىزمەتىنە سىلتەمە جاساپ.

قازاقستاننىڭ وسى تىزىمنەن شىعارىلۋى COVID-19 تارالۋىنا بايلانىستى ەلىمىزدەگى سانيتاريالىق-ەپيدەميولوگيالىق جاعدايدىڭ جاقسارعانىن ايعاقتايدى.

سونىمەن بىرگە، اقش، ارگەنتينا، بوسنيا جانە گەرتسەگوۆينا، برازيليا، يزرايل، يراك، يسپانيا، كاتار، كۋۆەيت، مولدوۆا، پەرۋ، فرانتسيا، چەرنوگوريا جانە ت. ب. سياقتى ەلدەردى قوسا العاندا، 30 مەملەكەت تىكەلەي تۇراقتى اۋە قاتىناسىنا تىيىم سالاتىن ەلدەردىڭ پولياك تىزىمىندە قالادى. مەملەكەتتەردىڭ اتالمىش ءتىزىمىن پولشا ۇكىمەتى ءار ەكى اپتا سايىن شەتەلدەگى ەپيدەميولوگيالىق جاعداي مونيتورينگىنىڭ ناتيجەلەرىنە بايلانىستى وزەكتەندىرەدى.

 
سوڭعى جاڭالىقتار

ۇقساس جاڭالىقتار