قازاقستان • 16 قىركۇيەك، 2020

ءۇش ءتىلدى مەڭگەرگەن جاستار بايگەگە تۇسەدى

49 رەت كورسەتىلدى

مادەنيەت جانە سپورت مينيسترلىگى ءتىل ساياساتى كوميتەتى ش.شاياحمەتوۆ اتىنداعى ء"تىل-قازىنا" ۇلتتىق عىلىمي-پراكتيكالىق ورتالىعى ۇيىمداستىراتىن قازاقستان حالقى تىلدەرى كۇنى اياسىندا ء"تىل شەبەرى" رەسپۋبليكالىق ونلاين بايقاۋى 2020 جىلدىڭ 16 قىركۇيەگىندە وتەدى، دەپ حابارلايدى Egemen.kz

قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ  "قازاق ءتىلىنىڭ مەملەكەتتىك ءتىل رەتىندەگى ءرولى كۇشەيىپ، ۇلتارالىق قاتىناس تىلىنە اينالاتىن كەزەڭى كەلەدى دەپ ەسەپتەيمىن. بىراق مۇنداي دارەجەگە جەتۋ ءۇشىن ءبارىمىز داڭعازا جاساماي، جۇمىلا جۇمىس جۇرگىزۋىمىز كەرەك" - دەگەن ءسوزى  جاستارعا قۋات بەردى. 

"قازاقستان رەسپۋبليكاسىنداعى ءتىل ساياساتىن ىسكە اسىرۋدىڭ 2020-2025 جىلدارعا ارنالعان مەملەكەتتىك باعدارلاماسىنىڭ" نەگىزىندە  ءۇش ءتىلدى مەڭگەرتۋگە باسىمدىق بەرىلدى.

قازاقستان حالقى تىلدەرى كۇنى اياسىندا  جاستار اراسىندا ءتىل مادەنيەتىن،   حالىقارالىق قارىم-قاتىناس قۇرالى تىلدەردى جاستاردىڭ مەڭگەرۋ دەڭگەيىن  بايقاۋ ارقىلى انىقتاۋ. جاستاردىڭ  كوپ ءتىلدى مەڭگەرۋگە دەگەن قىزىعۋشىلىقتارىن ارتتىرۋ، ءتىل مادەنيەتىن جەتىلدىرۋدى ماقسات ەتەدى.

قازاق ءتىلى – مەملەكەت قۇراۋشى ۇلتتىڭ ءتىلى، مەملەكەتتىك ءتىل، ءىشىنارا باسقا ۇلت وكىلدەرىمەن ءوزارا ءتۇسىنىسۋ، قارىم-قاتىناس ءتىلى، باق ارقىلى اقپارات الۋ ءتىلى، باسقا تىلدەردى ۇيرەنۋ ءۇشىن بازالىق ءتىل. ورىس ءتىلى – ەلىمىزدەگى وزگە ەتنوستارمەن قاتىناس ءتىلى جانە اقپارات پەن عىلىمنىڭ ءتىلى. اعىلشىن ءتىلى – بۇگىندە حالىقارالىق قاتىناستىڭ، عىلىم مەن تەحنيكانىڭ، بيزنەس پەن اقپاراتتىڭ نەگىزگى ءتىلى.

ونلاين-بايقاۋعا نۇر-سۇلتان، الماتى، شىمكەنت قالالارىنان جانە 14 وبلىستان ىرىكتەلگەن 21 مەن 35 جاس ارالىعىنداعى 16 ءۇش ءتىلدى مەڭگەرگەن ۇمىتكەر جاستار بايگىگە تۇسەدى.

ونلاين-بايقاۋ "ەلتانىم"، ء"سوزتانىم"، "ويتانىم" كەزەڭدەرى بويىنشا ۇمىتكەرلەردىڭ بىلىكتىلىگىن انىقتايدى.

ءىس-شاراعا تىكەلەي ەفير ارقىلى قاتىسقان ۇمىتكەرلەردىڭ ونەرىن باعالاۋ  ولاردىڭ تىلدەردى مەڭگەرۋ دەڭگەيى، جاۋاپتىڭ مازمۇندىلىعى مەن ەرەكشەلىگى، ءۇش تىلدە ورفوەپيالىق تۇرعىدان تازا سويلەۋى  باعالانادى.

قازىلار القاسىنىڭ شەشىمىنە سايكەس قاتىسۋشىلار ديپلومدارمەن، العىسحاتتارمەن جانە دە اقشالاي سىيلىقتارمەن ماراپاتتالادى.

بايلانىس تەلەفوندارى: 8 (7172) 74-05-23، 74-08-77، 27-30-43

سوڭعى جاڭالىقتار

ۇقساس جاڭالىقتار