قوعام • 16 قىركۇيەك، 2020

ارزان اتاقتىڭ قۇنى قانداي؟

99 رەت كورسەتىلدى

بۇقارالىق اقپارات قۇرالدارىندا ەلىمىزدىڭ پالەنشە دەگەن عالىمى الەم­دىك سىيلىق الىپتى، تۇگەنشە دەگەن جازۋشىسى شەتەلدىك مەدال يەلەنىپتى دەگەن اقپاراتتار ءجيى جاريالانادى. ارينە، وتانداستارىمىزدىڭ ەڭبەگى شارتاراپتىڭ بۇرىش-بۇرىشىندا مو­يىندالىپ جاتسا، قۋانامىز عوي. بىراق وسىنداي ماراپاتتاردىڭ كوبەيۋى ءتۇرلى ويعا جەتەلەيدى.

بىزدەگى قوعام قايراتكەرلەرى، مەملەكەت قايراتكەرلەرى، عالىمدار مەن جازۋشىلارعا بەرىلىپ جاتقان شەتەلدىك سىيلىقتاردىڭ اتاۋىنان ات ۇركەدى. فرانتس كافكا مەدالى، ۆيكتوريا پاتشايىم اتىنداعى سىيلىق، الفرەد نوبەل مەدالى دەپ كەتە بەرەدى.

بيىلعى ناۋرىز ايىندا ەلىمىزدىڭ عالىم­دارى نوبەل مەدالىمەن ماراپاتتال­دى دەگەن اقپارات تارادى. مۇنى ەستىگەندە قۋانعانىمىز راس. ەندى شە، ءبىزدىڭ عالىمداردىڭ ەڭبەگى شەتەلدە كۇندە مويىندالا بەرمەيدى عوي. بىراق «باقسام، باقا ەكەن» دەمەكشى، نوبەل مەدالىن بەرەتىن مەكەمەنىڭ بەدەلىنەن گورى، كۇمانى مەن كۇدىگى كوپ.

ماسەلەن، نوبەل مەدالىن رەسەيدىڭ جاراتىلىستانۋ عىلىمدارى اكادەمياسى تابىس­تايدى ءارى ونىڭ اتاقتى نوبەل سىيلىعىنا ءۇش قايناسا سورپاسى قوسىلمايدى. ونىڭ ۇستىنە، اتالعان مەكەمەنىڭ رەسەي عىلىم اكا­دە­ميا­سىنا دا قاتىسى جوق. ال روستوۆ مەم­لەكەتتىك مەديتسينالىق ۋنيۆەرسيتەتى وزدەرى­نىڭ سايتىندا رەسەيدىڭ جاراتىلىستانۋ عىلىم­دارى اكادەمياسىن الاياقتار دەپ اتاپ، ولاردان اباي بولۋدى ەسكەرتكەن.

تاعى ءبىر كۇماندى ماراپاتتىڭ قاتارىندا سوكرات سىيلىعى بار. ونى تابىستايتىن ەۋروپالىق بيزنەس اسسامبلەياسى. اتالعان ۇيىمنىڭ سايتىندا جەر جاھانعا ايگىلى وكسفورد ۋنيۆەرسيتەتىمەن بىرلەسىپ جۇمىس ىستەيتىنى جازىلعان. ايتسە دە، ۇلىبريتانيا بۇقارالىق اقپارات قۇرالدارى ەۋروپالىق بيزنەس اسسامبلەياسىنىڭ وكسفورد ۋنيۆەر­سيتەتىنە ەشقانداي قاتىسى جوق ەكەنىن تالاي مارتە جازدى.

The Sun تابلويدىنىڭ حابارلاۋىنشا، وكسفورد ۋنيۆەرسيتەتىنىڭ اتىن جامىلعان ۇيىم ماراپاتتارىن 9300 فۋنت ستەرلينگكە ساتاتىن كورىنەدى. ال The Times باسىلىمى ەۋروپالىق بيزنەس اسسامبلەياسى ۋكراينالىق يۆان ساۆۆوۆقا تيەسىلى ەكەنىن حابارلادى. گازەتكە سۇحبات بەرگەن ۇيىمنىڭ بۇرىن­عى قىزمەتكەرى ماراپاتتى ساتىپ الۋعا دا­يىن اتاققۇمار جانداردى تاياۋ شىعىس­تان، رەسەيدەن، ورتالىق ازيادان ىزدەيتىنىن ايتقان.

ەۋروپالىق بيزنەس اسسامبلەياسى تۋرالى ءسوز قوزعاۋىمىزدىڭ سەبەبى مىنادا. وسى مەكەمە تاراتاتىن سوكرات سىيلىعى مەن ۆيكتوريا پاتشايىم اتىنداعى سىيلىعىن العاندار قاتارىندا ەلىمىزدەگى بىرنەشە بەدەلدى ءبىلىم ورداسى، قوعام قايراتكەرلەرى مەن دەپۋتاتتارىمىز بار.

مۇنداي ارزان اتاقتاردىڭ ءتىزىمى مۇنىمەن شەكتەلمەيدى. ەلىمىزدەگى بىرنەشە جازۋشىعا فرانتس كافكا مەدالى بەرىلدى. كەزىندە بۇل تۋرالى دا جارىسا جازعانىمىز ەسىمىزدە. بىراق اتالعان ماراپات فرانتس كافكا اتىنداعى سىيلىقتان مۇلدەم بولەك. العاشقىسىن پراگاداعى كافكا اتىنداعى ەۋروپا قوعامى دەگەن ءتۇپ-توركىنى بەلگىسىز ۇيىم تابىستايدى. بۇل قوعام تۋرالى مالىمەت جوقتىڭ قاسى. الەمدىك دەڭگەيدە مويىندالماعان ماراپات.

ال فرانتس كافكا ۇيىمى تابىستايتىن بىرەگەي سىيلىقتىڭ الەم ادەبيەتشىلەرى­نىڭ الدىندا بەدەلى زور. بىرىنشىدەن، ونى چەحيا پرەزيدەنتى مەن پارلامەنت سەناتى باقى­لاۋىنا العان. ەكىنشىدەن، سىيلىق جىل سايىن ءبىر-اق جازۋشىعا ۇسىنىلادى. ءارى جەڭىمپازعا 10 مىڭ دوللار كولەمىندە سىياقى بەرىلەدى. ف.كافكا سىيلىعىن يەلەنگەندەر قاتارىندا ءبىزدىڭ وقىرماندارعا جاقسى تانىس حارۋكي مۋراكامي، يۆان ۆەرنيش، مارگارەت ەتۆۋد سەكىلدى جازۋشىلار بار.

ايتپاقشى، الەمدى مويىنداتۋدى كوكسە­گەندەر، اتاققا قۇمار جاندار مۇنىمەن توقتاپ قالماق ەمەس. ماسەلەن، بىلتىر جاڭاارقادا 10 مىڭ ليتر قىمىز دايىنداپ، گيننەستىڭ رەكوردتار كىتابىنا كىرگەنى ايتىلدى. وكىنىشكە قاراي، ەلىمىزدەگى بۇكىل بۇقارالالىق اقپارات قۇرالدارى جازعان بۇل رەكوردتىڭ  گيننەسكە قاتىسى شامالى. جاڭاارقاداعى قىمىز دايىنداۋدى تىركەگەن – رەسەيلىك «ينتەر رەكورد» ۇيىمى.

ءبىر قىزىعى، ەلىمىزدە گيننەستىڭ رەكوردتار كىتابىنا ەندى دەپ جۇرگەن رەكوردتىڭ ءبىرازىن دا تىركەگەن وسى «ينتەر رەكورد» ۇيىمى. رەسەيلىك كومپانيا رەكورد تىركەۋدە الەمدىك ستاندارتتاردى ساقتايدى دەپ ۇمىتتەنەمىز.

قورىتا ايتقاندا، ارزان اتاق پەن سىل­دىر­لاققا قۇمارلىق توقتاماي تۇر. ال مۇندايدا اڭقاۋلاردى قارماققا ءتۇسىرۋدى جەتىك مەڭ­گەرگەن شەتەلدىك الاياقتار ماراپاتقا ۇيرەنىپ قالعان وتانداستارىمىزدىڭ اقىسىن الىپ، بەدەلسىز سىلدىرماعىمەن الداپ، تاقىرعا وتىرعىزىپ ءجۇر.

 

سوڭعى جاڭالىقتار

قازاقستاندا دوللار ارزاندادى

ەكونوميكا • بۇگىن، 11:40

ء"تىل قورعاندارى" توبى قۇرىلدى

رۋحانيات • بۇگىن، 09:45

جۇرت جارمەڭكەنى كۇتۋدە

ايماقتار • بۇگىن، 08:26

قىستان قىسىلماۋ ءۇشىن

قوعام • بۇگىن، 08:25

«بەتپەردەلى» پەندەلەر

رۋحانيات • بۇگىن، 08:05

شىنىقتىرۋدىڭ شەبەرى

قوعام • بۇگىن، 08:03

قازاقتىڭ پەيىلىنە قايران قالام!..

رۋحانيات • بۇگىن، 07:37

COVID-19: قاي ەلدەردە ساقتاندىرۋ بار؟

كوروناۆيرۋس • بۇگىن، 07:31

مۇراعاتتار مۇڭ شاعادى

قوعام • بۇگىن، 07:30

ساحنانىڭ ءسانى كىردى

ونەر • بۇگىن، 07:26

دياس جارىستان شىعىپ قالدى

تەننيس • بۇگىن، 07:22

يتالياعا بەت الدى

سپورت • بۇگىن، 07:21

ەستافەتا باعىتى جاريالاندى

سپورت • بۇگىن، 07:19

اۋىلدا پالما اعاشى وسەدى

وقيعا • بۇگىن، 07:14

قارامەڭدىدەگى قارتتار ورتالىعى

ايماقتار • بۇگىن، 07:13

العاشقى دەبات ءوتتى

الەم • بۇگىن، 07:12

«اقىلدى» ايماقتار

تەحنولوگيا • بۇگىن، 07:04

ۇقساس جاڭالىقتار